قد صارلكم مثلي؟؟؟؟؟؟

اليوم العصريه وانا جالسه الون مع عيالي دق التلفون وردت بنتي الصغيره وقالتلي ياماما هذا واحد:arb:يقول انه من المركز الصحي ,اخذت السماعه منها وكلمته نعم:السلام عليكم انا من المركز الصحي ومدري وشو وبنسوي بحث واستبيان . قلت وبعدين<<< طافتني اني اسأله مركز صحي وش وعن وش البحث مع اني حريصه في هذه الامور المهم سألني كم عدد افراد الاسره؟وكم عمر اكبر واحد واصغر واحد وكم عمر الاب وعمرك ؟جاوبته بعدين قاللي هل تعتقدي ان نسبة السمنه زايده في مجتمعنا ؟قلت ايه.قال عند الرجال ولاالحريم قلت كلهم <<هذا كله وانا كنت مستعجله واكلم وانا واقفه وبصراحه طفشت!! المهم سألني تعتقدي المرأه اليوم تهتم في جسمها اكثر من قبل قلت ايه<<طرى ببالي عمليات التجميل قلت يمكن الموضوع له علاقه بالبحث!!بس كان نفسي اقفل السماعه وهو يتكلم ولا اقوله متى بتنطم؟؟ بس سألني السؤال اللي خلاني كذا:angry2:قال المرأه اليوم تهتم في جسمها اكثر من اهتمام الرجل بجسمها؟؟ قلت له هذا سؤال سخييييييف واعتقد انه بعيد عن كون انه بحث او شي تدروا ايش سوى؟؟؟قبل ماابرد حرتي قال خلاص مع السلامه وقفل:angry2:ويش يحس فيه ذا؟؟اكيد بعضكم بيغلطني اني اعطيته وجه من البدايه بس قبل كم يوم جانا واحد دق الباب قال احنا من التعداد وسأل عن عددنا وبس راح يوم قلت لزوجي قالي فعلا هذه الايام يدورون حقين التعداد يعني صدقته لابارك الله فيه مع انه كان يتكلم بسرعه كأنه سنترال ولاكان باين من صوته انه يتلكع يعني وش يبي ؟؟هل يستغلو حكاية التعداد او ايش؟؟انا مره اتنومت في المستشفى في وللادتي حذرني زوجي من الرد على التلفون يقول فيه حريم منومات يشتكون من واحد يدق ويقول انه دكتور ويسأل عن ولاداتهم ووووو اسئله كثيره الين يوصل لعلاقتها مع زوجها؟؟خير مالقي غير المستشفى بالله ايش رأيكم في ناس مثل هذه؟؟مااقول غير حسبي الله ونعم الوكيل:(