موضوع جميل لكن ما يحضرني شي الان

انا عندي موقفين
الموقف الاول الحمد لله في بيت اهلي انا واختي نسوي العشاء على الفرن انا احمس بصل وهي واقفه من جنبي شوي رحت الثلاجه مدري وش اجيب ناسيه المهم رحت الثلاجه ولحقتني هي بعد وكان فيه مسافه بين الثلاجه والفرن شوي الا انفجر الفرن اقسم بالله كأنه صوت قنبله والزجاج بكل مكان والاكل اللي على الفرن بكل مكان وهو حار وانا واختي ماصار فينا شي الحمد لله

...........................
الموقف الثاني لبنت عمي كانت بالحمام وانتو بكرامه زمان وكانت السخان الكبير حق المويه فوق الكرسي الحمام وانتو بكرامه تقول ويوم خلصت وهي طالعة من الحمام وقبل ماتطلع من الباب الا زي صوت الانفجار وراه تقول والتفت من الخرعه الا السخان طايح على الكرسي او البلاعه وانتو بكرامه سبحان اللي نجاها

.......................
والمواقف كثيرالله يحفظنا ويحفظ المسلمين اذا تذكرت راجعه لكم ان شاء الله

الحمدلله علي سلامه الجميع والله يحفظكم ويحفظنا من كل شر
قبل 3 سنوات تقريبا سقطت في مسبح كبير مره وسبحان الله شفت الموت وتذكرت عيالي وهم قاعدين يستنوني ولكن بقدره الله نجاني وقدروا يطلعوني ومن هذاك اليوم وانا مرعوبه من المسابح والبحر حتى ولو المويه قليله بس الحمدلله على كل حال

اللهم اجعل خير اعمالنا خواتيمها،،،وخير ايامنا يوم نلقاك،،،
اللهم انا نسألك حسن الختام،،،
اللهم اغفر لوالدي ووالدي والدي،،وللمسلمين والمسلمات المؤمنين والمومنات،،الاحياء منهم والاموات،،،،
اللهم آآآآمييين،،،،،