" بسم الله الرحمن الرحيم "
حياكم الله حوائيات الجميلات
طبعاً موضوعي واضح من عنوانه ...
وللتنبيه قبل لا أبدأ ترا ماكان هدفي من الموضوع الفضفضة والكلام فقط !
لا لا أبداً .. لي منها هدف ثاني أهم بكثييير الي هو كيف نتصرف التصرف السليم لو حصل لنا مثل هالمواقف !!
عزيزاتي ربي يسعد قلوبكم ويحفظكم لكل من يرتجيكم يااااربّ ..
ودي كل وحدة تكتب لنا موقف حصل لها وانجرحت منه كثيييير وحفر بقلبها من الضيق والهمّ والحزن ..
سواءً انجرحت من أقارب أو صديقات أو ناس غريبين ماتعرفهم بالجامعة أو المدرسة أو المراكز التجا ية أو الحرم أو غيرها من الأماكن ..
وكيف كان موقفك لحظتها ؟!
تقبلتي .. سكتي .. ابتسمت وانت حزينة .. بكيتي .. صرختي وشتمتي ودافعتي عن حقك ....إلخ
وكيف كان شعورك ناحية هالشخص بعد هالموقف ؟!
شعور عادي .. سامحتيه ومافي قلبك أي شي .. كره وحقد وغيظ وعداوة ....إلخ
طبعاً يااااليت ياااليت يابنات ربي يكرمكم برضاه نركز ع الهدف من الموضوع ومانسهب في سرد المواقف عشان البنات مايملون ويكملون معانا الموضوع للآخر ويستفيدون ويفيدونا ..
وبعد ليتنا نركز ع النقطتين الثانية وهي الأهم في نظري :king:
أوكي .. اتفقنا ؟؟؟!!
يلااااااا انطلقن يا رعاكم الله :talker::talker::talker::talker::talker::talker::talker:
لحظة لحظة لحظة .. صفوا طابور :ohwe:
ببدأ أنا أول بسرد موقفي عشان يتضح لكم الموضوع ...
كان لي قبل 4 سنوات أو أكثر موقف صرااحة حزّ بخاطري كثير وللحين وربي ما نسيته وكل ما أتذكره يلعب علي ابليس لكني أحاول أهدي نفسي وأذكر الله وأتناساه ..
كان في هذا اليوم ملكة خالتي وطبعاً كل الحاضرات من قريباتي يومها متزوجات وأصلا كنا مختصرين الحفلة بقووووة وكنت أنا الوحيدة فيهم الي بعمر زواج وماتزوجت والباقين أطفال ، لكن لسا كنت صغيرة وطايشة ولا كان الزواج ع بالي رغم أنو يجيني وقتها من يطلب يدي لكن كنت أرررفض يعني ماكنت أبي اتجوووز !!
وراحوا أهل زوج خالتي وراحوا قرايبنا والضيوف كلهم مابقي الا انا وماما وجدتي وخالاتي فقالت جدتي روحي نادي خوالك ياكلو معانا من التورتة والحلا والمعجنات وروحت ناديتهم وجالسة أضحك أنا والصغار ونقرأ الكيكة وخالتي جنبي ولابسة الشبكة بسم الله عليها وبكامل زينتها وانا مو جايبه خبرها ولا الهدايا الي مالية المجلس ولا علبة الشبكة الكبيررة مرة ورسايل الغرام الي كاتبها لها زوجها وربي ما التفت لشي منها ، ومعطية خالتي ظهري واسولف مع الأطفال ونطالع بالكيكة وفرحانين ونضحك ونقسمها بيننا ونختالر العصير الي بنشربه ، أثاري اسمع خالي يصرخ بصوت عالي احمممم يعني اسمعوني ويقول يا جمااااعة ويطالع فيني بعين فيها ألف مغزى ومغزى ويكمل كلامه : في مثل هالمناسبات ياجماعة يجدر فينا مع الفرح اننا ما ننسى نذكر الله ونبارك للعروس بسرعة أنا انتبهت لأهمية كلامه وقلت ماشاء الله تبارك الله ، ورجعت للأطفال ، رجع يعيد ثاني ويشدد نظره علي ويقول في مثل هالمناسبات زواج وهدايا وحاجات حلوة لازم نقول ماشاء الله ويطالع فيني فهمت اني انا المقصودة ابتسمت له ابتسامة معناها ان رسالتك وصلت : وبينت صوتي وقلت ماشا الله تبارك الله ، ورجعت للأطفال والكيكة ، سكت هو وجالس يطالع فيني ينتظرني ارجع نظري له ويقول لما يكون الواحد في نعمة وغيره مو محصلها أو يتمناها لازم نبرك له ونذكر الله عليه ، ولما حطيت عيني بعينه قالي بصوت واضح للجميع قولي ماشاء الله .. أنا من الصدمة والقهر الي فيني احتبست دموعي وحاولت اخفيها وقلتها بصوت مخنوق ماشاء الله تبارك الله ووضحت له خلاص اني قلتها اسكت الله يخليك !!
والكل منتبه للسالفة خالي الثاني وخالاتي وجدتي وخالتي العروس كانت ترقع لي تقول خلاص قالت اش فيك عليها وهو ساكت بكل كبرياء !!
قسم بالله يابنات ع قد ماكنت فرحانة هذاك اليوم بخالتي انحرق قلبي أضعاف اضعاف فرحتي ..
وربي كنت كأني طفلة انتظر الضيوف يروحوا عشان نحتفل ونأكل تورتة وشيكولاتة ونرقص وننبسط قلب فرحتي قهر وحزن لدرجة شكيت بنفسي يمكن انا حسودة وانا ما ادري ..!
وربي للحين كلما اتذكر السالفة اموت قهر وحزن وارجع اكره خالي بس احاول اكظم غيظي واحترمه لأنه انسان محترم ويقدرنا بس عليه بعض الحركات ماادري وش تبي الله يسامحه !
هذا كان موقفي لحظتها .. أما من ناحية شعوري تجاه خالي ..
فأكيد أني مسامحته ومحللته ليوم الدين ومستحيل أحمل في قلبي عليه وكلما ذكرني الشيطان بهالسالفة ارجع ادعي له واقول ياربي تسامحه وكل ليلة احاول اعفوا عن كل من اساء لي ..,,
بس السالفة محفورة بقلبي وجرحها لسا ما برأ لحد اليوم ، لكن لازم نفصل بين المشكلة وصاحب المشكلة عشان مايكون للشيطان بيننا دور ، وكمان من البر بالوالدين أنك تكرم أحبابهم ولو كانوا ظلموك أو حقروك أو أهانوك أو .. أو .. أو ............إلخ
كانت هذي سالفتي الي تذكرتها لحظة كتابتي للموضوع وفيه مواقف كثيرة أهم من هذا الموقف لكن تصرفي تجاهها يبي له وقت وأنا اتأخرت ع الفجر ، إن شاء الله نرجع نكمل الموضوع وقت لاحق ..
وأتمنى أرجع للموضوع مرة ثانية والاقيه ممتلي من مواقفكم وفوائدكم وعبركم وخبراتكم بالحياة ..
حتى ذلكم الحين .. نستودعكم الله الذي لاتضيع ودائعه :king:
ودمتم موفقين وللخير مسسدين يااااربّ ...()
الله يررزقك حبيبتي بالزوج الصٌالح ,,