السلام عليكم ورحمة الله وبركاته
كيفكم يابنات ان شاء الله تكونو بأفضل حال
شايفتكم هالايام عاملين حملة قوية ضد الرجال :pinklove:
ياساااتر وربي اقرا ردود ومواضيع قويه فيها مايقارب السب :ohmy:
طيب اليوم جبت لكم من بنات افكاري والي طبقتها ع بعلي والحمدلله جابت نتيجة قويه
لاتقولي كرامة ماكرامة ومدري ايش
ترى مافي كلمة كرامتي بين الزوجين خصوصا لو كان بينهم تفاهم واحترام وتقدير وحياتكم ماشية ع مايرام
شوفو ياطويلات العمر
قد جربتي مرة من المرات انك تستحمي مع زوجك ؟
تعبي البانيو وتحطي رغوة وورود وشموع وحركات ؟
كان الرسول صلى الله عليه وسلم يستحم مع زوجته عائشة رضي الله عنها
(( بالنسبة لي جربتها لما كانت بنتي صغنووونة وكانت تنام كثير وسويت هالطريقة ))
الحين بنتي اسم الله عليها عمرها 10 سنوات
والى يومكم نتذكر غطسة البانيو ههههههه :pinklove:
طيب ليه نتذكرها ؟ لانها تركت اثر ايجابي في نفس الزوج وفي نفسي لاني اسعدته ..
وتغيير من روتينك واكشن ولعب بالموية واللذي منه .. جد شعور حلو ..
بس كثرو الاطفال ماشاء الله وخلاص ماعاد فيه وقت لهالشغله هذي بالذات ..
فنصيحة للي طفلها صغير او لسة ماجابت اطفال تجرب هذى الطريقة وشوفي كيف اثرها ع زوجك
قد جربتي انك تعملي مساج لرجول او جسم زوجك ؟
سبق نزلت موضوع لهالشي وهذا الرابط
http://forum.hawaaworld.com/showthread.php?t=3438906
وربي ما انسى نظرته لي وحنيته لي ذيك الليله .. واستمريت في تطبيقها بعدما شفت ايجابياتها
قد جربتي انك تصلين مع زوجك جماعة ؟
زوجي بعض الاحيان تفوته صلاة العصر لانه يكون راجع من الدوام فما يمديه يصليها بالمسجد
وهو بالطريق يتصل علي يافلانة لاتصلين انتظريني نصليها جماعه
واتوضا واتجهز واجهز اطفالي ونفرش سجاداتنا ويجي من دوامه يتوضا وهو الي يأمنا
حتى ولدي الصغنون يردد وراه مثل المسجد مثلا لقال الله اكبر ولدي يقولها بصوت عالي الله اكبر ولما يقرا الفاتحة مانسمع الا ولدي لحاله وبأعلى صوته يقول آمييييييييييين ههههههه فديته
هالشي بعد حلو ان حتى اطفالك يتعودون ع الصلاة وانكم تصلون كلكم جماعه .. وبرضو يشوفون كيف حياتكم مستقره هاديه وفيها تفاهم << الاطفال يحسون ويفهمون والدليل لصارت مشكلة تأزمو نفسيا ويخافون
نرجع لمحور حديثنا :nerd:
طبعا بنوتاتي اصلي معهم جماعه لو كان ابوهم واخوهم الصوغنن بالمسجد
يعني عودناهم ع هالشي ولله الحمد
وشوفي كيف اثر الصلاة مع زوجك لو فاتته صلوها جماعه و حتى هو بيرتاح نفسيا انه صلاها جماعة
قد جربتي تحلقين له شعره ؟ << عاد مابقى الا هي ههههههههههه
اي والله مابقى الا هي :biggthump
على فكرة
زوجي بطل يروح الحلاق .. صرت انا اللي احلق له شعره وابشركم بعد علمني كيف احدد له هع
ولا يغركم تراه مب راعي قصات ولا شي تحليقه عاديه والسلام بس تكون مرتبه واحدد له الجوانب واحلى وسامة :biggrin:
بس ايش الفايدة ؟ وربي لها اكشن .. توقفين تحلقين له اي غلطة تضحكون سوا وهو يشوف شكله وخربتيني ويضحك ومزح واخذ وعطى بالكلام واحيانا توصل لرمي المخدات ع بعض << مرة سويت له جهة قرعه وجهة فيها شعر هههههههه:pinklove:
حبيت تستفيدون من الاشياء اللي اطبقها بحياتي هي اشياء عاديه وبسيطة ويمكن انكم تطبقونها بس نذكّر الناسية ونعلم الي ماتدري عنها ..
وأبين لكم كيف تزيد مودة زوجك لك وانها تقربك من زوجك اكثر وتعتبر كماليات الحياة ليست من الاساسيات
ولاتجي وحدة مدرعمة واني اعمل المستحيل عشان ارضي زووجي وعساااه مارضى ومن هالكلام اللي ترمونه بردودكم ..
انا ارضي ربي اولا ثم اسعى لرضى زوجي وسعادة اسرتي وبناء اسرة خالية من المشاكل والحمدلله
وربي يسخر لنا ازواجانا ويخليهم لنا
الحين بتجيني ردود هجوم صاروخ ارض جو ههههههههه بس تراني قلت للازواج الي يقدرونكم ويستهالونكم ويحترمونكم هااا :biggthump
وربي يوفق الجميع