في عرس خالي
لان اغلب الناس شافوني وانا اصغر من كذا بكم سنه ولامره شافوني بمكياج كامل وتسريحه
كنت دايما اسوي مكياج خفيف بنفسي وماارسم عيوني
واسيح شعري وبسس
لكن في عرس خالي سويت تسريحه بسيطه في الصالون ومكياجي بنفسي بس كثير سالوني وين سويتي مكياجك ويستغربوا اذا قلت لهم انا بنفسي مشاء الله
وفستاني كان تصميم ايلي صعب لونه زيتي على تفاحي وبنفسجي
كانت الانظار عليا انا وامي واختي الحمدلله

انا سرت ستار 3مرات مرة بزواج اخوي الاول وايامها بنت وجسمي ما شاءالله كان خطير ولبسة فستان سماوي ومشيت مع اخوي وقت الزفة وغطيت على العروس وبعدها كرهتني هي وخواتها
ولمرة الثانية بجواز اخوي الثاني وايامها حامل وطلع فستاني يجنن واخذتة من بن صديق كان شكلة غريب ونفس الوقت سعرة حلو ولمرة الثالثة في جواز بنت خالي كان كل من شافني ينديني البحر كان فستاني تدرجات لون البحر ومكياجي روعة وسويت فوق الحاجب فسوس بلون فستاني وحطيت على جسمي اكريم اساس من برجوا خلني روعة وتغطيتة مررررة ممتازة
عد انا الحين بموت من الفرحة ذكرتوني باليام الحلوة

حلو هالموضوع

والله انا اذكر بحفل تخرجي كنت نجمه الحمد لله وكنت مولعة توليعه زي مايقولون وكل اللي حضروا سئلوني عن فستاني ومن وين وشعري ومكياجي والحمد لله كنت راضيه عن نفسي تمام الرضى لااني مستعده من زمان واهتميت بوزني وبصحتي قبل بفتره وطلعت الحمد لله روعه وفستاني معاه شنطه وجزمه طقم والفستان كان مررررررره خيالي وطريقة تداخل الاقمشه والشك الغريب اللي فيه
طبعا هو تصميم داني اطرش ولازال قمة والناس تسئلني عنه وخيوط تنربط على الساق ,,

ومره بالعيد لبست جلابيه عنابيه مع فضي وعليها كتابات من كبرى القصير وفكيت شعري وحطيت ميك اب قوي وبدوي عنابي واسود ويوم دخلت فيه ناس ضاقت صدورهم
والله غريب امرهم وبعضهم زاعلوني مدري ليش والله مو قصدي اغطي ولا ماغطي بس سبحان الله
وحده من البنات طول الوقت تقولي يوووووووه منك دايم تتكلفين واختها تقول تعبتي نفسك ترى احنا عيد وشوله كل هالبهرجه وشوله بس ياحلو البساطه وصارت تتمسخر فيني بالبساطه والنعومه
واني انا دفشه واني انا احب اظهر بزياده
سبحان الله وحرمت اعيد عندهم وانهاااااااااالت التلفونات تسئل عن جلابيتي بطريقة غير مباشره
واللي توصي صديقتها واللي توصي اختها تقولها اسئلي عن بدلتها وقولي ان احنا نبي نعطيها وحده من صديقاتنا على وجه زواج (يعني ترى مانبيها لنا ) والله ماقول الا مالت عليكم ثم مالت عليكم
استغفر الله ياربي
عمري مافكرت اكيد احد وارجع اقول اني عاديه جدا ومافيني جمال زايد بس الذوق غصب يفرض نفسه
وصرت والله اخفف من كشختي شوي عشان اعرف انه فيه ناس مريضه وتمرضك معها
ومره جلست مع وحده من قرايبي على الكوشه وجت وحده سلمت علي تحسبني العروس
لااني لابسه فستان احمرررررر وفوشي والعروس لابسه سكري وفضي طبعا هي شبكه مو زواج
المهم انحرجت العروس بس جلست تضحك وتقولي انتي حلوه ومدري ايش عشان ماتفشل
والحمد لله ماكرهتني ولا حقدت علي زي بعض الناس
بصراحه الموضوع حلو وتعرفين فعلا اراء الناس فيك وتتذكرين ذكريات يمكن حلوه ويمكن شينه
بس بالنسبه للي تقول الموضوع ماله اهميه هو صحيح ماراح يفيد باقي البنات لانه مايتكلم عن نوع المكياج ولا مكان الملابس بس هذا سؤال صاحبة الموضوع متى صرتي نجمه الحفل
وماقالت وين سويتي ميك اب وشعر وفستان لاان القسم مليان بهذي المواضيع وكل بنت حسب منطقتها تدور مشاغل احنا نبي نتكلم عن الاشياء اللي تحصل لما تكونين ستار الحفله ونظره الناس عنك

وشكرا لكم يابنات
موفقين وعقبال ماتكونون ستارات دايم وتهبلون واقروو المعوذات والورد دايم يابنات
ترى عيون البعض قتاله

أي وحده تقدر تصير حلوة بأبراز جمالها وبأخلاقها ودينها و أفكارها من حيث موديلاتها والألوان الدارجه والمناسب لها وهذا ينطبق على المكياج برضو لوعرفت كل بنت أيه أجمل شي في وجهها وبرزته بالمكياج بتطلع نجمة الحفلة لأها عرفت اللي يناسبها00
والشعر لازم تعرف التسريحة الملائمة لها وتفكر بأفكار لتساريح دارجة وعليها أكسسوارات تغيرها
في رأي كلام الأخت مريومة صحيح كل ماتعبت الوحده على نفسها بتطلع أجمل وحده في نظر نفسها أولاً ثم في نظر الناس لأنها بتكون واثقه في نفسها.
وأشكرك على موضوعك المميزة حبيبتي00

بصراحه المره اللي صرت فيها نجمة الحفل كانت بعرس بنت خالتي بس الغريب أني ماجهزت للعرس الا في نفس اليوم تخيلوا طلعت العصر وشريت الفستان وعلى طول رحت استشورت شعري بالصالون ماسويت تسريحه لأن شعري كان قصير وكنت توني طالعه من النفاس وقاصته وصابغته بعدها المكياج وعلى العرس بس صدق يابنات الجمال والذوق في البساطة والنعومة