قد مرت امي في حلمي مثل النجم

قبل ثلاث ايام بس
بعد ماتسحرت مع زوجي وراح بعد صلاة الفجر
رحت صليت الفجر وقعدت شوي عالجوال وغفت عيني عالكنب
فجأة افتح عيوني الاقي امي قاعدة مقابلي
كنت اسوي روحي نايمة واطالع فيها وهي بس تطالعني وتبتسم لحد ماقمت عندها
ياالله كانت ريحتها مثل المسك وكانت مبتسمة تقولي يلا نادي البنات عشان نصلي
بعدها صرت اشوفها وهي قاعدة تضحك مع وحدة ثانية
كانو ياكلون تمر ويضحكون وانا واقفة قدامهم واختنق مدري ليه احس نفسي مختنقة الين صحيت والغرفة كانت هادئة بشكل مو طبيعي
كانت هنا قبل شوي قمت للكنبة لي كانت جالسة عليها لمستها مدري راودني شعور مو طبيعي وتلقائيا نزلت للحوش
كان منظر الشروق والهواء النقي وبعدها نزلت دموعي لي موراضية توقف للحين
مدري هو حلم ولا انا توهمت فيها مو عارفة ابدا كل ماتذكر الحلم اصير ابكي بقوة
صارلها سبع سنين متوفية وماحلمت فيها صارلي سنة ونصف
هالحلم ذبحني ذبح والحين وانا اكتب دموعي قاعدة تسبقني
تفتحت جروحي كلها
اشتقت لها اشتقت ليوم كنت صغيرة عندها اشتقت ل ايام المدرسة والجامعة والثانوية اشتقت لكل حاجة كانت تربطني ب امي
وكانت امنيتي اني ماكبرت وياليتني تميت طفلة بحضن امي
حسيت نفسي يتيمة وانا عمري ٣٥ سنة الكلام ولا الشعور ما اقدر اوصفه
اخخخ بس من هالحلم لي خلاني ارجع اتذكر كل لحظة لي مع امي وابكي من قلبي