قد مر عليك مثل هالسالفة !!!!!!

بسم الله الرحمن الرحيم....

السلام عليكم ورحمة الله وبركاته...

صباح / مساء الخير.....

ياجماعة بصراحة وحدة عزيزة عزيزة على قلبي عرفت عنها سالفة وبصراحة غريبة شوي....!!! وقلبت الأمر في مخي يمين...يسار ... ماعرفت والله وش أشور عليها فيه....؟؟؟؟

فقلت خليني أعرض سالفتها أو الإشكال اللي هي فيه يمكن وحده منكم تشور برأي زين..أو تكون عايشة نفس وضعها فتقول وشلون تأقلمت أو عالجت مشكلتها ....

المهم السالفة هي أن الغالية صديقتي لها 3 خوات الكبيرة متزوجة وعمرها تقريبا نهايات ال40 وعندها أطفال وعايشة بمدينة غير مدينتهم...
والثانية في منتصف ال30 تقريبا ومش متزوجة....
والثالثة صديقتي عمرها في أول ال30 متزوجة وعندها أطفال...
والرابعة عمرها في نهاية ال20 ومش متزوجة...

والإشكال اللي تعاني منه إنه مافي وحده من خواتها مهتمة بأمور الزينة ..أو اللباس ..أوالمكياج ...أو...
الكبيرة تقول خلاص كبرت ...!!!
والثانية والربعة بحكم إنهم مش متزوجات يقولن نتزين لمن ؟؟؟

وصديقتي هذي ودها تلاقي وحده قريبة منها تهتم شوي بالأناقة والتزين والحركات ...حتى على الأقل ترفع معنوياتها لأنها على قولتها ماصار لها نفس تتمكيج أو تتلبس أو....أو... بسبة إن اللي حوالينها مش مهتمين ...

وأخوات زوجها 2 متزوجات لكن لمايجون من مناطقهم اللي ساكنين فيها بس تقريبا أول يوم لوصولهم متعدلين بس باقي الأيام عادي لدرجة وحده منهم كانت تلبس لبسها اللي ظل في بيت أهلها قبل زواجها ...ولايحطون ولاشيء من المكياج إلا بس في المناسبات ( اللي ماهي كثيرة ..وين ووين ....تقريبا أعياد ...)...
والثنتين الثانيات مش متزوجات فحالهم مثل خواتها ...نتزين لمن ؟؟؟؟!!!!

وسلفتها بعد ولاهي مهتمة بالمكياج ...ولما يزورونها تستقبلهم في شقتها بلبس البيت العادي مرررة ...والشعر مرفوع ولانقطة مكياج ..وتقول إنها كبت مكياجها بعد زواجها بفترة لأنه خرب وبعضه جديد مافتحته...؟؟؟!!!
وهي ماتحب المكياج وتقول ماعاد راح أشتري جديد بس روج وكحل ...ولما أبي أروح فرح راح أطلب الكوافيرة تمكيجني ...وخلاص بلاها شراء ماله داعي!!!!!مع أن زوجها طلب منها تتزين له بالمكياج بس هي ماتبي فماتنفذ طلبه !!
أما زوجات إخوانها فعلاقتهم معاهم مش ولابد ...تمشية حال بس لاعتبارات كثيرة .( مش مهم ذكرها )..

وصديقتي هذي تقول محيطي صاير مهمل نفسه...لامكياج ..ولاصبغ...ولا لبس ..ولاحركات... وهم شابات...وهذا أثر عليها فصارت مرات تمل ...وتسوي مثلهن لاشعوريا...بس هي ماهي راضية وودها تستمتع زي البنات المتزوجات بلبس وحركات ومكياج ..و...و... ( وهذا حلم كل بنت لما تتزوج ) ...لكن مصدومة بواقعها ...

والمخذلات اللي حولها ..( ماله داعي....يوووه .....ما أحب... و...و..) لما تفتح غالبا معهم مواضيع عن الحركات والموضات ..وعادة أصلا مايهتمون بالموضوع كلش ...!!!!!

وهي تقول ماودي أدفن عمري... لو ما صرت مثل البنات غيري ألبس وأكشخ واستانس متى ؟؟؟ بكرة راح أعجز ثم أتندم على اللحظات اللي أهملت نفسي فيها ...وزوجها يبيها متجددة خصوصا عنده زميلات في العمل....!! الله المستعان.

لكن الإشكال عندها وشلون ألقى دافع وكل اللي حوالي مش مهتمين...وشلون تبعد تأثيراتهم السلبية عليها ..وهم خواتها وخوات زوجها وسلفتها ؟؟!!

يعني مقابلتهم تقريبا دايم....!!!وين ماتلتفت تلاقي الإهمال ....الله المستعان...

والله ياحوائيلت ماعرفت أعطيها حل..؟؟؟ عجزت لي أيام أفكر يمين يسار ...ماش مافيه ... فياليت الله يجزاكن الفردوس الأعلى ويجمعكن ي بأحبابكن ..تعطوني حل ... وتسلمون وحده وحده ....ولاتنسون الدعاء لها ...كسرت خاطري ...

وعلى فكرة ماينفع أكون لها الصديقة اللي تتمناها( في مجال المكياج والزينة و..و..) لاعتبارات شخصية ماودي أذكرها ...

تكفون ياحوائيات ردوا ....