مشكوره اختي مصممه على الرد وربي يرزقك بالي تتمنيه انتي وباقي الاخوات

ياقلبي الله يرزقك باخوان واخوات لبنوتك وبشكل طبيعي يارب
وحبيت اسألك انتي متى بديتي بالسبرين بالضبط وبعد ما وقفتيه قبل السحب متى رجعتي تاخذينه مره ثانيه والى متى
وشفيه غير الحليب ممكن يفيد
والله يجزاك خير

شوفي اختي انا كنت اسوي الحقن المجهري في بريطانيا وما كانوا يعطونا ابره تحضيريه زي هنا انا ماعمري سويتها هنا بس اسمع الاخوات يتكلموا عن الابره التحضيريه هناك كانوا يعطونا بخاخ نستنشقه حوالي 5 مرات في اليوم في ساعات معينه وعمله نفس عمل الابره التحضيريه انا بديت في الاسبيرين قبل ما ابدا بالتنشيط يمكن قبل التنشيط باسبوع والله مانا فاكره بالضبط بس تقريبا اسبوع مو اكثر قبل الابر اي لما كنت اخذ البخاخ وكنا نبدا في البخاخ يوم 21 من الدوره حتى تاتي الدوره الي بعدها ساعتها ناخذ الابر المنشطه
طبعا رجعت اخذه من اليوم التالي للسحب بس طبعا بعد ماتتاكدي انه ماحصل نزيف بعد عملية السحب واستمريت عليه حتى الشهر الثالث او الرابع من الحمل
بالنسبه للاشياء الي تاخذيها هي الحليب ومشتقاته بس اهم شي الحليب نفسه لازم 2 لتر يوميا طوال فترة التنشيط والافضل تشربيه من قبل التنشيط بفتره صدقيني ان موضوع الحليب كان امر اساسي في عملية اطفال الانابيب هناك مثل الدواء تماما بيقولوا انه البروتين يحسن نوعية البويضات ويخليها جيده لان بعض النساء حتى لو كانت صغيره في السن تكون حالة البويضه سيئه عشان كذا ماتنجح معاها عملية اطفال الانابيب
وصدقيني هذا الكلام كان متبع ومتعارف عليه في جميع المنتديات المختلفه الاجنبيه الي كنت ادخل عليها لما كنت اسوي الحقن المجهري وترى استفدت من تجاربهم كثير وحتى المستشفى الي كنت اسوي فيه مع انه مو مشهور كانوا ينصحوني بالحليب وزي ماقلت هذا كان النظام الاساسي لاشهر مستشفى في بريطانيا وكان ترتيبه رقم 1 في التصنيف البريطاني لافضل مستشفي في اطفال الانابيب على مستوى بريطانيا والطبيب الرئيسي فيه والي يطلبه الجميع هو طبيب عربي اسمه محمد ترانسيتي
اسفه على الاطاله بس حبيت اوضح المعلومات الي عندي والي عرفتها اثناء وجودي برا خلال دراسة زوجي هناك والي ساعدني هو اني ملمه باللغه وحبيت افيد الجميع بالي اعرفه وجربته
واي سوال انا حاضره

مشكوره ياقلبي عالمعلومات والله يحفضلك بنتك ويرزقك باخو لها يارب طبيعي من غير عمليات
عندي طلب
لو تعرفي موقعهم بالنت ادخل واستفيد من معلوماته؟
اقدر اخذ الاسبرين من غير وصفه طبيه؟
:39:

الاسبيرين نعم يوخذ من غير وصفه بس تاكدي انه بيبي اسبيرين
اذا لغتك جيده راح تستفيدي بس لازم تكوني مسجله وهذا اسم احد المواقع الي استفدت منه كثير كثير جدا اسمه
ivf connections
حطي الاسم في جوجل وراح يطلعلك على طول وترى عندهم معلومات تفيد كثير وهذا احد المنتديات الي كنت اشارك فيه
بالنسبه للمستشفى الشهير الي تكلمت عنه هذا الرابط:
www.argc.co.uk
وان شاء الله يكون شغال الرابط