هذي قصة جارتي توته..
مساء الخير صبايا..
مشتهية أفضفض بعد سنتين كاملة من المعاناة..
أنا متزوجة لي تقريبآ سنتين أول ليلة من زواجي شافني فيها زوجي كنت بنوته صغيرة نفسيتي كانت تمام التمام كنت ملكة جمال بشهادة خواتي كنت أقول لخواتي
يعني بيخق عليّ؟!
دخل زوجي علي وشافني انصدمت برده قال: الحمد لله أنا راضي بنصيبي!!!
كنت متوقعه يمدحني لو بكلمة بس للأسف..
مرت أول ليلة وراح شهر العسل اللي ما تعدى خمس أيام بسلام..
رجعت لبيتي وأنا مندفعه ومتفائلة ومتحمسه وأقول في نفسي الله أخيرآ تزوجت وصار لي بيت وزوج الله يقدرني على اسعاده..
بس حسيت إني طفيت من اللي أشوفه بعيني منه..
بديت أكتشف إنه ما يحبني أطلع لأحد ولا حتى أحد يجيني ويتضايق كثير إذا قلت فيه أحد بيجيني حتى لو كذب..
مره قلت بأطلع لخالتي عازمتني خلاص؟ ورحت ولبست وكشخت في الأخير قال لي بكل خبث لاااااااااااا رحت وصكيت الغرفة علي وأصيح صياح قوي وبحرقة..
قلت له ابوي ما منعني من الطلعه ليش إنت كذا؟!
أنا مو صنم ولا جماد أنا إنسانه أحب الناس والجمعه..
مع إنه ما يفوت عزايمه وهو من النوع اللي نادرآ ما ينعزم لكن إذا انعزم يروح من غير ما يشاورني..
آآآآآآآآخ بس تعبت نفسيآ بديت أنحف وصرت انطوائية حيييييل ولا عاد اعرف اتكلم أو اكون علاقات مع إني كنت اجتماعية حيييييل وعلاقاتي بالناس مره مره حلوة..
كنت محبوبه عند صديقاتي وجوالي والثابت ما كان يسكت صديقاتي كانوا كثييييير يوم كنت عايشه بعز أبوي..
وحملت منه وجبت ولد وهو كان يتمنى الولد وكان يقول بأسوي لك وأشتري لك و. و. و. يخليني أعيش أحلام اليقظة..
طلعت من النفاس توقعته بيهديني هديه بيطلعني مطعم بيعطيني أقل شيء فلوس أجهز فيها نفسي كل هذا صار هباء منبثا رحت معاه وكان تجهيزي فاشل
أثر على نفسيتي صرت أحيانا أكره ولدي من التطورات اللي صارت فيني من بعد ما جبته..
تخيلوا قعدت شهر كامل ما يجيني ولا يكلمني كنت أجيه وأقول له يلا أنا جبت لك ولد بعد الله ما أشوف هديتك لي قال لي بكل برووود تراك غثيتيني بالهدية
أنا ما عندي فلوس..!
رحت لأهلي في العيد من غير فلوس ومن غير ملابس لا أنا ولا ولدي وبدون حتى مصروف يغطي..
وكأنه قاطني عند أهلي يبي يرتاح نفسيآ مني أنا وولدي..
رجعت معاه وكان فيني تفاؤل إنه بيتعدل ولا فيه فايده..
حملت على ولدي وكانت النفسية عدددددددددددم كان يقولي اذا جبتي لي ولد ثاني بأسوي لك وأشتري لك و. و. و. وأنا غاسلة يدي أدري إنه كذاااااب
وجبت له ولد ثاني يا بنات وازدادت الأمور سوءا وأنا ونفسيتي ضحيتها..
عمري يا بنات أللحين 23 توني في مشوار العشرين باديه وربي كني عجوز عمري 50
ذبلت طفيت انصدمت بالواقع اللي شفته وبعد ما تخيلته..
تزوجت رجل لااااااا يحبني ولا أهلي ولا يصرف عليّ أبدآ ولا يحب يسولف معي ولا يخليني أطبخ له علشان ما يقضي البيت ولا يحب يطلعني ولا يسفرني
ولا ولا شيء..
أنا أللحين بفترة نفاسي بولدي الثاني بقيصريه عند أهلي..
لا مصروف ولا اهتمام ولا حتى كلمة حلوة منه..
الله يخلي لي أهلي..
والنفسية زززززززززززززززززفت عليه..
قررت ما ارجع له لو ما صار..
قررت إني أخلي أبوي يكلمه..
قررت ولن أتراجع عن قراري..
أختكم: توته..
لنـ London ـدن @ln_london_dn
عضوة فعالة
يلزم عليك تسجيل الدخول أولًا لكتابة تعليق.
الله يعينك دخلي اهلك في الموضوع الى متى السكووووووووووووووووووووت ؟ واستخيري الله ولاتستعجلين وتقررين وانتي في فترة النفاس وطالبي بحقوقك كااااااااااااااااااااااااملة اذا يبغى والا مع السلامه الله يكتب لك مافيه الخير لك يااارب
اكبر عيب يعيب الرجال هو البخل
فما بالك اذا كان البخل مادي وعاطفي
الله يفرج همك حبيبتي ويهدي زوجك ويسخره لك
فما بالك اذا كان البخل مادي وعاطفي
الله يفرج همك حبيبتي ويهدي زوجك ويسخره لك
الصفحة الأخيرة
احس ان قرارك صح واستخيري قبل كل شي شوفي وين نقطة ضعفة ادخليه منها ربي يوفقك