قرارهم صحيح بالقيصري ؟

مساء النور بنات حواء 🌸


انا قبل ٥ شهور ولدت قيصري وقبلها مرتين طبيعي ولدت .. الي صار انه رحت ع المستشفى وقد جاني طلق الصباح واختفى ورحت العشاء سوو تحاليل وكشف قالت ١ سم فقط بعد التخطيط روحي البيت واصلا ماكان فيني طلق اختفى الظهر بعد التخطيط قالو انزلي تحت خذي مغذيه ثم سوي سونار طلعت لهم وسوو تخطيط ثاني قالو انزلي خذي مغذي ثاني جداا استغربت وماني فاهمه رجعت لهم بعدين سوو تخطيط الثالث قالو اشربي عصير سكر قوي بعدها حطو التخطيط ٥ دقايق وشالوه !! جات الدكتوره والممرضات قفلو الغرفه عندي زوجي قالو نبضات قلب الجنين مافيها تفاعل يعني بنات خط كذا
ـــــــ فيه تعرجات بسيطه قلت لها طيب شوفي النبض شغال انا مو فاهمه قالت التخطيط الطبيعي في تعرجات لفوق وتحت هذا يدل ان الطفل مختنق جوه اعطيناك ٢ مغذيه جلكوز قلنا يمكن الطفل كسلان بس الواضح في مشكله جوه مو عارفين ايش هي ! ومامعك طلق لازم تدخلين قيصري !! دخلت القيصري وطلع الطفل حايس الدنيا ومتبرز جوه


في حريم قالو لي المفروض يولدوك طبيعي !! انا ماهمني طبيعي او قيصري سلامه طفلي اهم بس ابغى اعرف اذا فعلا احتجت قيصري !!