ام صوص

ام صوص @am_sos_6

عضوة جديدة

قراري الاخير . توصياتكم وكلامكم

الأسرة والمجتمع

اسأل الله العظيم لكل من جبرت بخاطري وقالت لي وشاركتني في همي وردت علي ان الله يجعل لها من كل ضيق مخرجا . ومن كل همن فرجا..


اخواتي الغاليات انا على وشك اسافر لاهلي .. طبعا تعرفون موضوعي واللي ماتدري وش قصتي اختصرها لها . انا متزوجه من شخص رجال بكل معنى الكلمه . لكن عيبه انه مدمن حبوب ومخدرات .. وكل مافاتحته في الموضوع وانه يتعالج يهاجمني ويسبني ويقول لي اقطعي الموضوع . اروح دائما لاهلي ويجبرني ابوي ارجع . وارجع واشوفه يزيد في وضعه .. وصلت فيه انه يشك فيني وفي شرفي ويحلفني ع المصحف داااائما . وماصبرني عليه الا عيالي والامل اللي في قلبي انه بيتوب . لكن دون جدوى . انا وصلت لقرار اخير . وهو اني اروح لاهلي من غير مايدري ان نيتي انفصل عنه . لأنه لو عرف بمجرد تفكير اني ابي اتركه راح يحرمني ما اروح لهم .. المهم ابيكم تنصحوني . اش اقول له وكيف اوصل له اني ابي طلاقي منه . كيف افهمه اني رحت لاهلي لاني ابي انفصل منه . على فكره بنات . انا كل ماقلت له انت نسوي كذا وكذا وتمشي بالطريق الخطاء يقول لي اذا اثبتي علي شي ذيك الساعه تكلمي .. صرت افتح جواله من وراه واجمع محادثات له ومقاطع صوت تثبت انه يبيع وانه يستخدم . . ابيكم تساعدوني وتعطوني افكاركم كيف ارتب الكلام معه وكيف ابدا .. كيف اقدر اتكلم وهو يوديني عند اهلي ومايقصر معي ينزل مصروفي ومصروف عياله وينزلني وانا وياه مبسوطين ويدخل ويسلم ويهدي امي وابوي وبعدها يطلع . اش الكلام اللي اقدر اقوله لانسان مثله . كيف افهمه اني ماعمري زعلت عليه الا بسبب المخدرات وبس . كيف اقدر اصبر قلبي وادوس عليه واجبر نفسي اني مقدر اعيش مع انسان شكاك ومدمن .. نسيت اقولكم انه قبل سنوات طلقني عشان الواتس . كان يشوفني متصل ويقول من مشغلك مني واشتد الكلام بيننا وطلقني طلقه وحده . وبعدها بسنه اتهمني في شرفي وفي عرضي مع واحد من اصدقاه وكبرت السالفه . وزعلت عند اهلي ومارجعت الا بعد تعهد ورضوه وكلام كثير . رجعت له وهو متغير مو زوجي اللي اعرفه . لكن الحين رجع زي ماكان اول وبدات اشوف فيه الشك والادمان يسيطر عليه . ي بنات تنصحوني اروح لاهلي واقفل كل الابواب بوجهه واسوي له حضر واغير رقمي . ولا اقول له مستحيل ارجع لك لين تتعالج . واترك له فرصه انه يرسل ويكلم لعل وعسى . ولا شلوووووونً.. وقفوا معي وقفة الاخت لاختها وانصحًوني .. وكيف اعلمه اني مسكت عليه اثباتات مو عشان افضحه لا عشان يعرف اني كاشفته ويعرف انه حدني اثبت عليه شي . فكري متشتت ولاني قادره المم افكاري واشوف اش اسوي .. بيني وبينكم ي بنات انت لو تطلقت ماعاد همني . لانه لو جلس كذا ممكن يشك فيني ويأذيني او يطلقني .. اتمنى كل من تقراء كلامي ترد علي 💋
71
18K

يلزم عليك تسجيل الدخول أولًا لكتابة تعليق.

تسجيل دخول

ام هند👑
ام هند👑
لي عوده
الله يفرج همك❤️
ورده كورشيه
ورده كورشيه
شوفي لاتطلبين الطلاق قولي بروح لاهلي اخترعي لك اي حجه ابوك مريض امك تعبانه اختك انخطبت اي شي المهم روحي واذا عندك دراهم ذهب قشيهم بدون مايحس المهم روحي وخليك ذيبه لايحس واذا وصلتي عند الشايب كلميهم بجديه قولي اخاف على شرفي منه وابوك اكيد بيفهم ولا مافهم بكيفه بس لاترجعين كلمي ابو الشباب اعطيه كاش قليله انت طير شلوى لاكن الحياه مستحيله معك وامدحيه انك مابتلقين مثله لاكن المخدرات وتسذا المهم اصري علطلاق لاتقلين تعالج وخراط هو اذا يبيك بيتعالج ولاترجعين اقلها سنه اذا ناويه ترجعين واذا قررتي طلاق خلاص لاتمدحينه ولا شي قليله برغبتك وقفلي جميع الطرق المؤيده لروما
وتظل الروح مشتاقه💗
‏اليأس لايصنع شيئاً .. والحزن لايعطيك حلّاً
‏والإحباط لايغيّر الأقدار ..!
‏وحده الدعاء
‏فرّاج الكُرب .. ومصنع السعاده ..وبلسم البائسين ..!
‏⁧


الله يفرج همك ويدلك على الطريق الصواب🥀
ورده كورشيه
ورده كورشيه
الله يلعنك ياشيطان حتى لو ماطلقك اقطعي جميع الاتصالات به عشان تحرقه لحمته وعسا يبعد عن المخدرات اسال الله لمن ورطه بهشي وشباب المسلمين ينزع صحته من جسده وحسبنا الله ونعم الوكيل بس استخيري اولا واخيرا
ام صوص
ام صوص
شوفي لاتطلبين الطلاق قولي بروح لاهلي اخترعي لك اي حجه ابوك مريض امك تعبانه اختك انخطبت اي شي المهم روحي واذا عندك دراهم ذهب قشيهم بدون مايحس المهم روحي وخليك ذيبه لايحس واذا وصلتي عند الشايب كلميهم بجديه قولي اخاف على شرفي منه وابوك اكيد بيفهم ولا مافهم بكيفه بس لاترجعين كلمي ابو الشباب اعطيه كاش قليله انت طير شلوى لاكن الحياه مستحيله معك وامدحيه انك مابتلقين مثله لاكن المخدرات وتسذا المهم اصري علطلاق لاتقلين تعالج وخراط هو اذا يبيك بيتعالج ولاترجعين اقلها سنه اذا ناويه ترجعين واذا قررتي طلاق خلاص لاتمدحينه ولا شي قليله برغبتك وقفلي جميع الطرق المؤيده لروما
شوفي لاتطلبين الطلاق قولي بروح لاهلي اخترعي لك اي حجه ابوك مريض امك تعبانه اختك انخطبت اي شي...
تسلمين وربي بكلامك عطيتيني اصرار ♥️♥️