قراري بعد ما اتخذته الي حولي حطموني

السلام عليكم ورحمة الله وبركاته

يا هلا فيكم ما ادري المكان هذا مكان موضوعي او لا المهم بادخل في الموضوع على طول لان الركن هذا فيه اخوات الله يذكرهن بالخير

شوفو انا كملت تعليمي بعد انقطاع دام عشر سنوات كملت المرحله الثانويه القسم الادبي ونجحت بنسبه عاليه ولله والحمد يعني جبت نسبه تأهلني دخول القسم الي ابيه وطبعا في منطقتنا تو انفتحت قسمين جديده الي هي علم نفس ورياض اطفال طبعا بعد تفكير حسيت اني ادخل احد هذه القسمين بحكم انها جديده يكون مستقبلها افضل فدخلت رياض اطفال لانه قسم أسهل من علم النفس نوعا ما لاني زوجه وام وعندي ابناء في مراحل عمريه مختلفه من 13 سنه الى سنه يحتاجون متابعه وزوجي وبيتي وما عندي شغاله
الى هنا كل شئ تمام بتقولو وين المشكله المشكله اني حساسه مره وكلما سالني احد وقلت له رياض اطفال يقول كل هذا التعب واخرتها رياض اطفال كان دخلتي قسم غيره والي يقول لو ان النسب تنباع كان اشتريت نسبتك والي يقول خليك ورى البزران يعني الي يحبون يرمون كلام من اهل زوجي كلامهم يجرحني مره يعني كنت فرحانه ومستانسه مره على دخول الكليه لكن نكدو علي مره حتى كذا مره افكر اني ارجع احول علم نفس او شريعه حتى لو كنت اخرها باجلس في البيت وانا عارفه وضعي زين اني باتعب واجد لو دخلت قسم ثاني لكن حطموني حسبي الله عليهم

قلت اطرح لكم مشكلتي حتى الاقي الي يفهمني ويعيد لي ثقتي في اختياري هل فعلا ان الي دخلت قسم رياض اطفال مستقبلها ميح وبرستيجها طاح تكفون ريحوني بكل صراحه وبدون مجامله