قرار خطير خطير.. وطالبة منكم المشورة .. مقدمة على تغيير جذري

السلام عليكم يا بنوتات ويا مدامات
كل واحدة تقول رأيها بصراحة وسوف أقبل جميع الآراء
طالبة مشورتكم فلا تخذلوني ..

المعطيات:
1- بصوا يا حبايبي أنا بشرتي فاتحة بس مش بيضاء قوي .. ممكن تقولي آخر درجات الأبيض وأول درجات القمحي..
مثلا فيه ناس تقول : إنتي بيضااا ^^^^^^ وناس تقول لي : أنت قمحية .. يعني حنطية بس فاتحة ..
جوزي من النوع الثاني للأسف :09:
وعندما أضع كريم أساس وبودرة ( والذي منه) ببقى بيضا .. بس بردو مش قوي يعني مش فاقعة
خلصنا من الجزئية دي ؟؟؟؟؟

2- شعري أسود بس مش فاحم.. طويل ومتوسط النعومة.

3- عيوني سود سود .. ووساع الحمد لله .. ورموشي طويلة وسوداء..

4- حواجبي ثقيلة وطويلة وسوداء ومتناسقة

المهم ..

عندي عقدة يا بنات
عقدة معقدة
حاولت أعالجها وفشلت

المطلوب:
العقدة يا بنات إني حاسة مش عارفة ليه وإيه السبب إن زوجي في دخيلة نفسه وأعماقه الداخلية يحب العيون الملونة والشعر الفاتح ..:mad:
بصراحة الراجل عمره ما قال حاجة .. بالعكس
بس أعمل إيه في نفسي
مش قادرة والله لدرجة إني ساعات بحلم ببنات شقر واصحى مفزوعة ومضايقه منه (( الله يعينه))
خليكو معايا بس.....
المهم أنا تعبت من الموضوع ده
وقررت إني
أكون واحدة منهن :15:

عاوزة أصبغ شعري ....... بس أعمل ايه في حواجبي ورموشي
وخايفة لو صبغت أصفر يبان لون وجهي أغمق من حقيقته
وفي نفس الوقت مش عاوزة اروح لكوافير عشان المناظر المزرية من نمص وتهتك ..
يعني في البيت
وممكن أروح للكوافير على مضض ..
وكمان
عاوزة ألبس عدسات ملونة :34:
ايه رايكم
مين العسولة اللي تساعدني وتكتب لي رأيها بالتفصيل
أصرف نظر
ولا .......... أتوكل على الله وأغيررر
وايه الخطوات
ساعدوا اختكم.....
يارب اللي تساعدني اذا ماكنتش متجوزة تتجوز واحد يحبها وتحبه ويعينها على طاعة الله
وإذا كانت متجوزة ربنا يصلح لها حالها وذريتها ويرزقها لو مخلفتش

وحسنة قليلى تمنع بلاوي كتيرة
وهنيالك يافاعل الخير والثواب:21: :21: