الاستخاره هي الحل الوحيد
أنا أرى انكم ماترفضون الولد اذا كان طيب وأخلاقه زينه
وبعدين يمكن مايلقى وظيفه بسررعه ..ياكثرهم اللي يقعدون سنه وسنتين وو على مايلقون الوظيفه
مافيها شي لو انخطبت الحين والزواج اذا استقر وظيفيا
صح البنت صغيره والزواج مسؤلييه وتعب بس الستر أحسن
الله يوفقها

يااختي بنتك طفله

مو مراهقه

حرام تكلفيها بمسئوليات الزواج

خليها تعيش عمرها بسلام وهدوء

خليها تعيش مراحل عمرها وتحس فيها

وش مستعجله عليه؟!

خايفه من العنوسه ومنتي خايفه على صحة بنتك

وعلى نفسيتها وعلى مستقبلها

من جدك انتي ؟!

خلي البنت تعيش حياتها وابعدي السالفه عن راسك

حتى الولد بزر ومستحيل يكون قد مسئولية الزواج

كيف تضمنين بنتك مع ولد عمره 20 سنه

ومستحيل يكون عارف هو وش يبغى

يمكن تعلقين بنتك فيها وتربطينها بمصيره وبعد كم سنه يكون في باله وحده ثانيه

يؤ انا منصدمممه

من جدكم انتم؟؟
البنت صغيرررره ولاحقه على الغثا والمسؤليه اصلا ماتهنت بعمرها لسى صغيره بتزوجونها حررررررررام عليكم
ابد احسسسسسسسسسسسن سن زواج 20 اذا تخرجت لازم شهاده اهم من الزواج
اول ماتتخرج زوجوها تكون كبرت وتفهم وتعرف هي اللي تختار توافق ولا
ونا مع الاخت اللي قالت اصبي على الولد اذا تخرج وكون عمره قررو توه لاتحكمون عليه
واستخيرو بس ارجع واقول حرررررررررررررررررررررررام
انا اللي مستغربه منه ردود البنات اللي يشجعونك كيف العالم تطورو وانتم تزوجون بناتهم باعمار صغيره حرام لاتخلون البنت تندم بعدين من زواجها بسببكم

ياعمري عليها


زغنوووطه

لكن ماعليها انا انخطبت من يوم ولدت خخخخخخخخخخخخخخخخخخخخخخخخخخ

نفسكم بالضبط للجماعه

والزواج كان بعد الثانوي

والحمد لله ماندمت كملت الجامعه وتوظفت عند زوجي وماعلي قاصر

توكلي على الله بس البنت وش رايها اهم شئ تكون هي راغب با الزواج وبنتي زوجتها وعمره18 والحمد الله