قرار زوجي الي زعلني000

اول شي تعوذي من ابليس واستهدي بالرحمن


اسمحيلي اقولج ان رجلج وامه ما عندهم سالفه

يعني حرمه كبيره ليش تقول هل كلام؟
ما تعرف ان هل شي بيد رب العالمين سبحانه وهو الرزاق وحده

وانتي لو بيدج كان حملتي من اول ليله وكلنا مثلج بعد


اذا كانت سالفه الفلوس اصبري يا اختي


بس شلون هو يريد يتزوج وما معه فلوس؟؟

يعني فلوس الزواج لو يحطها على العلاج مو احسن من هل عفسه كلها

حبيبتي حاولي تخففين علاقتج باهله لان شكلهم مشاكل ويتدخلون

انا ما اقولج بعدي عنهم لا حشى لكن خففي شوي

واجلسي ويا رجلج وفهميه ان هل شي بيد الله سبحانه هو كتبه لكم

ومراحل العلاج كلها لج فيها اجر وكلنا مثلج يا قلبي

انا ما اعرف شقولج لكن ما حبيت اقرى موضوعج واطلع ساكته

ترى انا صار لي 7 سنين متزوجه وما صار لي حمل الا 3 مرات وكلهم اسقاط والحمدلله على كل حال

monsaf
الله يجزاك خير ويرزقك من حيث لاتحتسبين
بالنسبه لاهله لو اتكلم يبغالهم مجلدات
انا ساكنه معهم
والسالفه من سنتين لكن طرحتها قلت يمكن هي السبب

اختي اصبري وصلي اخر الليل وادعي ربك ان يفرج همك ويقنع زوجك واهله واستخيري الله في امرك والله مايردك انشاء الله
وابقولك عن وحده من قريبانتي تكمل هذه السنه ست سنوات وهي لحد الان ما خلفت ورجلها صابر ولو انه يبغاله اولاد لاكنه صابر وهو بكر امه لاكن الله يرزقه
ماعندي لكي اختي الى الدعاء والله يرزقك من حيث لاتعلمين ويرزقك الذريه الصالحه انتي وكل مسلم ومسلمه


والله اني اكتي لكي وان حاسه بمعاناتك ولله يفرج همك

حبيبتي عسووووووووله

وسعيييييي صدرك وش ماخذين منها وانشاء الله مايصير الا كل خير

والصبر زييييين وبعدين ترى مو انتي لوحدك احنا كلنا مثلك ميتين على الحمل والاطفال وهذا احنا صااااااااابررررررررررررين وماعليك من كلام امه اسمعي من هنا وطلعي من هنا

بس وش سالفة الزواج ماعليش عسوله بس مافهمت يعني هو يبي يتزوج عاليك

اكثري حبيبتي من قراة سورة البقره والدعاء والاستغفار


اسال الله الكريم رب العرش العظيم ان يرزقني واياكم بالذريه الصالحه وكل محروم ياحي ياقيييييييييوووووووووووووووووووووووووووم

تصدقون بنات يمكن هاي ثاني مره اتطرق لهالموضوع كثرة عدد حالات العقم عند النساء في السنوات الاخيره وبشكل ملحوظ

وحده من البنات اعرفها راحت المستشفيات تدور ابره تفجيريه تقول مالقيتها الا بعد طلعة الروح عليها اقبال مو طبيعي

وتقول مريت على مستشفى وسالتهم عنها "الابر التفجيريه"
قالو لها المستشفى تخيلو تجيهم 5000 ابره وتستهلك في اسبوع واحد فقط كل هالعدد يخلص باسبووووووووع

واحنا مو دارين وش السالفه

حسبنا الله ونعم الوكييييييييييييييل