قربتت اصلع شوفولي حل تكفون

عصير البصل حطيه على شعرك النتيجه من اول مره بس المشكله في ريحته انا مجربته بس طبعا قبل مااتزوج او عصير الجرجير

يامشااااااااااكل شعورنا اللي ماتخلص ....

نفسسسسسسي اعرف وش سبب تساقط شعورنا .....

مع اننا الاكل مايحتاج ...

انا بعد اعاني مثلك شعررري اغلبه طاااح الله يرده لي زي ماكان ...

بس بقولك اني بديت استخدم السدر . اخلطه مع المويا واحطه على شعري مرتين بالاسبوووع .... يقولون مررره طيب ولسى توني باديه ماشفت له فررررق .... بس معروف السدر مايحتاااج شجره من شجار الجنه .... ومن ايام الرسول عليه الصلاه والسلام وهم يستخدموونه ....


وبعد سمعت عن خلطه زيوت للشعر المتساقط من غير سبب .. يعني يكون عين مثلا .... زيت السدر وزيت الزيتون ... وخلي شيخ يقرا عليه او انتي اقرري عليه ... وسوي لك حمام زيت مرتين بالاسبوع بس انتبهي لايطوول على شعرك ... يعني بالكثييييير 3 ساعات ...

والله يرجع شعورنا زي اول واحسسسسسسسسسسن

دعواتك ياقمر .....

شوفي من كلامك إنك لسى طالعه من النفاس انا بعد ولادتي صلعت قسم بالله أنا شعري كثير وصار حبتين إذا ربطته شكله قبيح وإذا فكيته حبتين يفشل قالتلي أمي لايضيق صدرك لان النفسيه يلعب دور هذي هرمونات بعد الولاده وبيرجع يزين وفعلا اللهم لك الحمد بعد 7 شهور على شوي شوي رجع طبيعي صح مارجع زي أول لان قبل زواجي كنت أهتم بقوه وبعد زواجي وبنتي صرت مو فاضيه
لكن أنصحك ((بزيت الخروع جدا رائع)) مرتين بالإسبوع حطيه ساعتين وغسليه عادي بالشامبو

الله يبعد عنك كل شر ويرجع شعرك مثل ماكان واحسن

السلام عليكم .....الى من يتملك راس اصلع وارض قاحله لاحياة فيها:28:
الاخت اللي تقول شعري مدري ليه يتساقط اسألي نفسك هالآسئله
1/الهرمونات وافرازات الغدد عندك منتظمه ولا لا (افحصي في اقرب عياده)
2/دايم تغسلين شعرك وهو جاف يعني مايكون فيه زيت ولا تستخدمين حمام زين بأنتظام؟
3/تمشطينه وهورطب صح ولا
4/كثره استخدام الأستشوار (الاستشوار يحرق البويصلات الشعر التي عن طريقها يتغذى الشعر
5/التنويع في استخدام الشامبوهات
6/كثره شرب القهوه والشاي (مايحتاج احنا اهلها)
7/تناول الإدويه (مثل ادويه الامراض المزمنه او حبوب منع الحمل ....عاد كل وحده تشوف اذا هي تستخدم دواء تشوف وش التأثيرات اللي يسويها هالدواء
8/الحمل والولاده = تساقط شعرك ..
............
بعد كذا نعطيكم الحلول
1/روحي لدكتوره جلديه (تعطيك بخاخ يزرع لك فروة الراس....بس انتبهي لازم وصفه طبيه لاتاخذون اسم الدواء من مجالس الحريم
2/ممكن تكوني سليمه بس هالتساقط ماله سبب >> اقولك في هالحاله استخدمي هالخلطه
(زيت خروع+زيت جرجير+زيت سمسم ) تخلطينهم مع بعض وتحطينهم بعلبه زجاج (تستخدمينها يوميا لمده اسبوع وبعدكذا مره في الاسبوع والزيت لازم يجلس اكثر من ساعتين على شعرك

3/اذا اضطريت تغسلين شعرك وكان جاف استخدمي ماسك ((من شركه إلفيف)تلاقينه بالصيدليات فيه انواع الشعر جاف /دهني /عادي(مكتوب عليه طريقه الاستخدام)
4/كل يوم اكلي تبوله بالمره غنيه بالحديد اللي يخلي شعرك بالغصب يزين
5/مو لازم تصيرين مخلصه لشعرك تغسلينه دايم بشامبو الكبار اذاجاف اغسليه بشامبو اطفال خفيف ومايدمر كشتك
6/ابتعدوا عن الجل تجعيد الشعر اذا استخدمتيه بعدها اغسليه وعلى طول زيت عشان يعوض المار اللي سوه الجل

دعواتكم لي ان يستجيب الله دعائي (عشان انا ادعي على كيفي )