لينا وعدنان @lyna_oaadnan

محررة ماسية

قربت اكرهها تصرفاتها راافعه ضغطي ..شوفوا واحكموا

السلام عليكم
اسمحوا لي افضفض واخذ رايكم عشان اريح ضميري :( انا من النوع الي دايم افكر حتى لو صارت مشكله اخاف لا اكون غلطانه ..المهم شغالتي اندونيسيه قربت اكرهها ..انا عاطيتها نظامنا تنظف الثلاجه مرتين او مره بالاسبوع ..امس خلصت تنظيف وتمسحها من الخارج على ان خلاص خلتها تلمع واروح اشوف داخل الي مثل الدرج الكبير فيه برتقال وليمون وبعض الخضار الا اشوف بعضه معفن خرباان انا سبق وشفته قرب يخترب بس ابي اشوف شغلها بضمير او لا ..عطيتها فرصه الا اكتشفت انها اصلا ماتنظف داخل بس الشي الظاهري ولا كله وهذا اكثر من مره اكتشف خداعها وغشها الا اقول لها ليه مانظفتيه ؟الا تقول انا كل مره انظفه وهي كذابه واضح ان من زمان مانظفته وظليت اتهاذر معها وهي مقتنعه انها نظفت الثلاجه بس الي تحت الدروج مانظفتهم والا الرف الي فوق وش بقى يعني من الثلاجه؟ وكلما اقول حرام انتي تصلين حرام الغش تكرر علي انا نظفتها بس هذا وهذا الي مانظفته!:16: بدل ماتقول ايوه غلطانه تظل فرحانه بنفسها ومكتفيه انها نظفت بعض الاشياء ..للعلم يابنات معاملتي معها مره حلوه ..اسولف وافهمها واشتري لها يعني المفروض تقول حرام تغشني ..حركه ثانيه سوتها
بعد ماخلصت تنظيف الحمام الا رايحه الحوش على انها تكنسه (للعلم عدة مرات تقضي وقت على الفاضي اروح الا مو مسويه شي )وهي رافعه سروالها للركبه ؟مع ان مافيه مويه عشان تتبلل وممكن ابوي يدخل والا زوجي في لحظه الباب مفتوح ..قلت لها ليه رافعته خلاص نزليه طالما طلعتي من الحمام الا تقولي مافيه شي مافيه رجال !طيب ممكن يدخلون في اي لحظه وتظل تراددني بالكلام ومقتنعه عادي مافيه رجال ..حركه ثالثه
وهي تنظف وعندها الفوطه للتنظيف جات لها بنتي تمزح معها وتحوس في نفس المكان الي تنظف بس ماتوسخ الا الشغاله تنرفزت وحطت الفوطه الي فيها دوا التنظيف وطبعا متسخه وظلت تطبطب فيها على بنتي يعني مش تضرب لا طبطبه وانا انقهرت قلت لها اي تصرف كلميني وانا اتكلم مع بنتي مو انتي تمدين يدك عليها وانا عارفه انها ماوجعت بنتي لكن يكفي تصرفها بالفوطه ..يعني لو انا مو موجوده شنو بتسوي ؟عصبت عليها وقلت لها مو من حقك ترفعي يدك اي ماكان حتى لو من غير وجع وهل بدل الاعتذار تظل ترادد انها على صح ..وسبق وبنتي الصغيره انجرحت واروح اشوفها تمسح على جرح بنتي بفوطه وسخه للتنظيف من غير علمي وعصبت عليها مع ان الشغاله اذا صابها جرح تنظفه بالمعقم:eek: ونفس الشي نرفزتني مره كنت واقفه اشوف كيف تشتغل الا تقول لا تخافين مدام ماسوي سحر :eek: !وش جيب هالموضوع مادري انا تكلمت لها بسحر وش دخل هالشي انا اشوف شغلها تقولي ماسوي سحر !مادري شككتني فيها .. هذي عدة تصرفات منها رفعت ضغطي وخلتني اصير اكثر خشونه في تعاملي معها ..مع اني كنت اعاملها مره كويس والله عيب هالتصرفات على الاقل تشوفني كيف اعاملها تروح تغشني ولا مره عدة مرااات تسوي نفسها منظفه زين واروح الا بس الشي الظاهر مع اني اعطيها فرصه للراحه اقول لها بس تخلص تجلس في غرفتها ترتاح واخليها تنام من بدري واذا رحت بيت اهلي اخليها تجلس معانا مو مثل البعض مايخلون شغالاتهم معهم نهائي انا اعطيها فرصه تجلس وتشاهد تلفزيون ..بنات رايكم بتصرفاتها بصراحه ..للعلم باني بس اتضايق واعصب عليها احس جسمي كله يرتجف مادري ليه ..

يلزم عليك تسجيل الدخول أولًا لكتابة تعليق.

تسجيل دخول

لؤلؤة مشعة • 13 سنة

عن نفسي اخاف من هاا الاشكال ياختي منتي ناقصه وجع راس والشغلات ياما تشوفي من عمايلهن الي تشيب والله
والحمد لله انه معاملتك لها زينه وماظلمتيها فخلاص سفريها وربي يعوضك بافضل منها

اسيرة الصدق • 13 سنة

الله يكفينا شر الجاوه
والله انهم يخوفون
هذا كوم والحسسسسسسسسسسسسسسسد كوووووووووم ثاني
الله يستر انتبهي
لاتستامنينهم
والله اذا موفيزا
طلعيها وارتاحي وشلك بوجع الراس والبلاوي
الي يسببونها للخلق
والله والله تظهر لك الطيب والورع والدين وهم يضمرون لنا الحقد والغيره
وانتبهي لي بنتك لاعاد تنظف لها الجرح الله يستر عليهم
انا مابغه اخوفك
لاكن احنا في زمن
عجايب الشغالات ودماااااارهم للخلق
واستودعي نفسك وزوجك واطفالك دايم
والله يكفيكم سحرهم وبلاويهم

&همس النسيم & • 13 سنة

الله يعينك اذا تقدرين تستغنين عنها افضل..

خاله لينه وديما • 13 سنة

لؤلؤة مشعة :

عن نفسي اخاف من هاا الاشكال ياختي منتي ناقصه وجع راس والشغلات ياما تشوفي من عمايلهن الي تشيب والله والحمد لله انه معاملتك لها زينه وماظلمتيها فخلاص سفريها وربي يعوضك بافضل منها

عن نفسي اخاف من هاا الاشكال ياختي منتي ناقصه وجع راس والشغلات ياما تشوفي من عمايلهن الي تشيب...

يوووووووووووووووو كل شيء تعاقبينهاا عليه

لما اقرا موضوعك كنك مديرة

الثلاجة اتوقع انها تنظفه بس ماتنظفه زين على السريع
اما رافعة سروالهاا لية هي وش لابسة المفروض تاخذ راحتهاا اذا زوجك ولا ابوك بيدخل قبل يدخل يدق الباب
وبنتك جااية تمزح ترا ماهي وقت للمزح لو اني مكانها عصبت عليها ضربتها
بنتك انجرحت انتي وينك عنهاا تخلينهاا تروح للخدامة
واضح خدامتك على نياتها
انتي حطي نفسك مكان الشغالة كيف تبغين اهل البيت يعاملونك

خوووخآيه • 13 سنة

&همس النسيم & :

الله يعينك اذا تقدرين تستغنين عنها افضل..

الله يعينك اذا تقدرين تستغنين عنها افضل..

يعني وش تبغين تسوين فيها
يااختي هذولا ماينفع معهم لاطيبه ولاكلام
راح تعااااااااااااااااااااااند وكل ماخانقتيها تعاند
الله يستر منها
يااختي سفريها وافتكي من وجع الراس
قبل لايطيح الفاس بالراس وتندمييييييييييييين
تسوي شي ببنتك او بزوجك لاسمح الله
سفريها وافتكي منها
مايسوى تضايقين عمرك عشانها
وانا عارفه لو مهما سويت يماراح ينفع فيها