بسم الله الرحمن الرحيم
اولا احنا اخوات جمعنا هذا المنتدى الفاضل لكي نفيد ونساعد بعض ..وانا عن نفسي اي شي استفيد منة
ما احب اخبية مثل بعض الاخوات الله يهديهن ..
اذا اقدر اساعد ليش اخبي ليش ماكسب اجر اخت لي واختصر
عليها الجهد والوقت :(
انا لي قرابه السنة بديت عناية بشعري بعد ماصحيت من الاهمال الي كنت عايشتة
جربت اغلب الاشياء ..
وقبل لاقول عن الزيوت الي استخدمتها بقولكم بعض النصايح..
انا شعري ايام الثانوي والجامعه كنت ابتلش ادور مشبك يلمة من كثافتة وواصل لنص فخذي
وعنايتي ( حنا كل اسبوع مرتين + وزيتي فازلين ) اشياء بسيطة وغير مكلفة
لاكن السر في الاستمرار :biggthump
بعدين بدا مشوار الاهمال تخيلن تمر سننننننننة من غير لا زيت ولاحنا
اهمالX اهمال :09:
وفوق هذا كنت استخدم الحبوب الصينية كل همي اسمن والحبوب تطيح الشعر زائد انها تسبب امراض
اولها السرطان ..:eek:
يعني وصلت لمرحله دمار داخلي واهمال خارجي :angry2:
وصار شعري لين نص ظهري وخفيييييف وينفش ...وبعد 8 سنوات اهمال بديت عناية بشهر 10 الي فات ..
وخلاصة تجاربي وعنايتي :
1- كنت متوقعه ان عناية 8 شهور كفيله ترجع شعري مثل اول بس اكتشفت اني غلطانة
الشعر يحتاج لوقت طويل حتى توصلين لنتيجة مرضية خصوصا من ناحية الكثااافة ( الشعرة عشان تنبت وتطلع تحتاج 3 اشهر )
2- كثير اخوات يبالغون في فايدة بعض الخلطات والزيوت ..فاتقول تطول شبر بشهر شبر باسبوعين:confused:
لاتصدقن علميا الشعر يطول كل شهر من 1.5 سم الى 2 سم بالشهر الا في حالات نادرة وعند بعض الناس
نتيجة للوراثة
3- الزيوت والخلطات شي ثانوي لو تحطين اغلى وافضل زيت فالعالم ومشكلتك داخلية ( غدة - فقر دم - هرمونات ) ماراح تستفيدين شي.. تجيك وحدة تقول الزيت الفلاني مانفعني مع انة فاد كثير وتكذب البنات وهي مو عارفة ان مشكلتها داخلية
خسارة فلوس بس..عشان كذا ابحثي عن المشكله الاساسية وعالجيها..
4- القص عمرة مايطول الشعر ..واستغرب من الي تحدد يوم فالشهر للقص مع دورة القمر ..وش دخل القمر بشعرتس ؟؟ هههههههههههههه
الشعرة جزء ميييييييييييييييييييييييييت اللهم البصيله يعني تقصينة والا تتركينة ماله دخل بطول الشعر
والي مو مقتنعه تدخل اليوتوب وتشوف كلام الدكاترة:35:
نجي للحبوب الي جربتها:
بانتوجار : استخدمتها شهر حلوووة بس عيبها مو متوفرة وسعرها غالي
ازنك: ماتسمن في ب 30 ريال حلوة وتركيزها خفيف .. وفي ب 60 ريال تسبب امساك الله يكرمكن ومانصحكن فيها
سمك القد : حلوة بس تفتح الشهيه مرررة :27:
نجي لزيوت :
الخروع : ثقيل ويلبد الشعر ويسد المسام وشعري يتساقط بعدة بس مو مرة
زيت الزيتون : شجرة مباركة لاكن لاحظت ان اذا حطيتة اقل من ساعتين مايضرن واذا طولت يطيح شعري
النارجيل : رووووعه يكثف ويطول .. سوى ابو صفيح او ماركة وادي النحل ..وعشان تعرفين الاصلي ..الاصلي يجمد
السمسم : ماركة ابو جمل نعوووووووومة وخفيف بس ماشفت منة كثافة ولا طول
الخردل : الي من المعصرة روووعه وهو اكثر الزيوت الي لاحظت شعري يقل تساقطة بعدة كم شعرة بس.. عيبة ريحتة تمرررض
دابر املا: من ثاني استخدام طااااح شعري بشكل يفجع واتوقع لازم يخفف بنارجيل ..لانة حار ويناسب
الي شعرها خشن او شعرتها غليضة ..
اللوز: ماشفت منة نتيجة
الاعشاب:
الحنا : شهادتي فيها مجروووحة روووووووعه ..وماحب اضيف لها شي اعجنها بمويا بس
عشان تعطي فايدتها اعجنها واتركها ساعه ثم احطها واتركها ع الاقل 6 ساعات
والنتيجة كثافة وطول مع الاستمرار.. وحيوية من اول استخدام :heart:
السدر: يجفف مررررة ويسبب تقصف عكس الحنا.. والافضل يستخدم كاغسول فقط
الاس + الزعتر + اكليل الجبل : ماشفت نتيجة تذكر لاكثافة ولاطول اللهم يصكك راسك من البرد هههههههه
القراص : منقوعه اذا شطفت شعري فية بعد الشامبو يعطي لمممممممممعه ..بس
الشامبو:
بعد موضوع الاخت احلام تركت الشامبوهات المضرة خصوصا صانصلك
وبانتين
اغلبها ملوثة بالسيلكون
ولان الشامبوهات الطبيعية والعضوية غالية
ومو متوفرة
صرت استخدم شامبو جونسون للطفال << فرق بين جونسون ونونو انتبهن
خالي من الباربين والسيلكون وخفيف
واذا في مناسبة اغسل بشامبو برت
يعني خلاصة تجربتي :
( حنا غير مخلوطة + وزيوتي نارجيل وخردل لكل زيت يوم محدد)
شعري كان لنص ظهري والحين ماشاء الله لتحت تحت خصري
وفي حاجة لازم تحطينها فراسك ((( العناية المستمــــــــــرة )) هي سر جمال كل شعر
الي تستفيد تدعي لامي بالشفاء من السرطان ولي بالتوفيق:44:
عطرH @aatrh_1
كبيرة محررات
يلزم عليك تسجيل الدخول أولًا لكتابة تعليق.
ام دالي و صلاح
•
الله يعطيك العافيه حبيبتي
الصفحة الأخيرة