حلو موضوعك. بنات كيف اهيئ بنتي مستجده اولى ابتدائي للدراسه. وايش تنصحوني احس شايله همها الود ودي اروح كل يوم انتبه لها واشيل شنتطتها واشتري لها من المقصف من كثر مو متعلقه في بنتي مدري كيف اذا داومت افكر بكل شي

اول شي الله يوفقها وتشوفينها مثل ماتتنمين
خذيها للمكتبه خليها هي تختار كل شي وراح تتحمس ليوم المدرسه
اول يوم لاتحسسينها انك شايله همها لا العكس قولي لها باروح معاك اشتري من المقصف او باروح معاك باتذكر لما كنت صف اولى
وبعدين كل يوم سوي لها شعرها غير وخذي ربطات وششغلات حلوه البنوتات يحبون كذا
ووريها معلمتها وبصراحه المعلمه لها دور كبير في تقبل بنتك للمدرسه او لا
وكمان الصباح لاتصحينها بصياح والله ماعقد اغلب الطلاب الا هالاسلوب
تصدقين ان بنتي اصغر وحده اول ايام دراستها غيرت لها غرفتها حقت النوم 😂😂
وكل اولادي كذا والحمدلله اصغر وحده عندي صف خامس وتموت فالمدرسه

وحده كتبت كيف أهيئ بنتي على اللون الزهرر .. ترا لون جميل صحيح مو لوني المفضل لكن قرار سليم
اختارو الألوان الفاتحه عشان الكل يهتم بالنظافه .. صدقيني حلو حيكون اللون على بنوتاتك انا متاكدة


-
والأم اللي شايله هم بنتها مع أول يوم
أقدر شعورك حاولي كل يوم تعرفين وش يصير لها اسئليها وشجعيها وادعميها وامدحيها ..
وبالتوفيق جميعا

انا عكس الاغلبيه ... اعشق جو الدراسه واحبه ....
ينظم حياتنا وخليها نشيطه وبالعكس ماهي ممله الا تكون مليانه مهمام وانشطه واخر الاسبوع نفرح بالخميس والجمعه يكون لها طعم الاجازه ....
واطفالي ينشغلو بأشياء مفيده ويتعلمو اشياء جديده ويقل جلوسهم على الاجهزه الالكترونيه اللي مرضتهم وينامو بدري ويصحو بدري وياكلو وجباتهم بنتظام ....


وانا يكون لي وقتي اللي اعشقه وهو الصباح من يوم يروحو لحد مايرجعو من دوامهم هذا وقتي وملكي ....


جو الدراسه عشان يكون ممتع وجميل يبي نظام وجدول صح واجابيه منا احنا الامهات ...


نظامي بيكون كذا ...
انام بدري وهذا المهم وانا اطبقه في الدراسه لاني اعشق جو الصباح ...
يأذن الفجر اقوم واصحي عائلتي وولدي بثالث ابتدائي السنه هذي ببدا اخليه يصلي الفجر مع ابوه في المسجد .. فأصحيه واخليه يوضي ويروح يصلي .. انا اصلي واقرا اذكاري .. واروح اجهز الفطور ...
يرجع ولدي وابوه .. يكمل نومه اذا حاب لحد موعد الدوام ..
اصحي اخوه الصغير سجلته تمهيدي ... والبسه واقوم اخوه ويتجهزون كلهم ويفطرون .. ويالله للمدرسه .. واودعهم مع ابوهم .. ولازم اكون اجابيه مبتسمه اوصل لهم طاقه اجابيه عيالي قبل يروحو لمدارسهم .. يشوفوني مبتسمه واسولف معهم واشجعهم واقول لهم يالله انبسطو اليوم في المدرسه وان شاء الله يومكم حلووو .. واذكرهم بدعاء الخروج واوصيهم على انفسهم واستودعهم الله ....
بعدها خلاص يبدا يومي انا ووقتي انا من الصباح الي الظهر ..
اسوي فيه انشطتي وهوياتي والامور اللي احب اسويها ..
استراخاء او اهتمام بنفسي او ممارسة هوايتي او قراءة كتاب اللي احبه اسويه بوقتي .. قرب الظهر خلاص انتهى وقتي واحهز للغداء ...
البيت من الليل مترتب طبعا مايكون عندي الا مواعين الفطور والغداء بس ...
اصلي الظهر ...
يرجعون حبايبي اغديهم اسولف معهم واخذ اخبارهم وش سوو في يومهم (( هذا مهم جدا عشان تعرفين وش صار مع اطفالك وتحلي مشاكلهم ويكون بينك وبينهم تواصل ))
بعدها اقول الظهر هذا ملكم هو مسموح فيه النوم .. تبون تنامون وتاخذون قيلوله هذي فرصتكم ... تبون تلعبون وتضحون بالنوم ... براحتكم بس بشرط .. اذن العصر ينتهي وقت النوم مافيه نوم العصر ولا المغرب النوم العشاء ...


اخليهم يختارون ... ويتحملون نتيجة اختيارهم ..
انا اخذ قيلوله اريح فيها اذا حبيت وطول السنوات اللي راح ماكنت اخذ قيلوله لاني قليلة نوم ... ولان الليل كله انام واصحي الفجر وعليها لليل .. السنه هذي شكلي باخذ قيلوله الظهر لان بتكون عندي طفله الله يجيبها بسلامه .. واحتمال تقل ساعات نومي بالليل ...


اذن العصر .. اصلي واصحي اللي نام يصلي ..
اجهز القهوه والشاي والحركات .. واجلس انا واطفالي نتقهوى ونذاكر ونحل الواجبات وانا احب اذاكر معهم واحل معهم بطريقة لعبه ومرح ... لان هدفي يحبو الدراسه مايكرهونها ويحسوها هم .... ولي طريقتي في هذي ولله الحمد


اعطيهم ساعه او نص ساعه يتفرجو او يلعبون اذا حابين او يكملون للمغرب المذاكره .. والمغرب يكون وقت لعبهم
او يداكرو اول العصر ونصه يلعبون ويتفرجون والمغرب يكملون


اعطيهم يختارو ويتحملو نتيجة خيارهم ... وعيالي يحبون هالشي مني اني اعطيهم خيارات ويختارو ويقررو .. يكونو مقتنعين ..
اذن العشاء يتعشون عشاء خفيف ... وينامون .. نوم الهناء يااارب بعد مايقرؤن اذكارهم طبعا ...
انا عاد جدولي يتخلل هالشي بيكون لي اشغال اسويها داخل هالامور ... بس هذا جدولي معهم هم .. غير شغلي للبيت
نهاية الاسبوع بيكون انتظار بحماس ننجز فيه امور تسهل علينا الاسبوع الدراسي .. وبيكون فيه طلعات وزيارات وترفيه عن النفس ...


عشان كذا اعشق جو الدراسه لانه مليان انشطه لي ولعيالي ...

انا توأمي عيال دحين رايحين اولى
انا متعودة مدرسة مافي مدرسة نصحى 5ونص ستة
يعني وقت افطرهم والبسهم ويراجعوو قرآن حتى لو 5دقايق الاستحمام في الليل
وبس يروحو يرجعو يتغدو واخليهم شوية عالتلفزيون
ما اخليهم ينامو قيلولو عشان ينامو بدري 7
المهم ان شاءالله ينبسطو ويحبوها انا خوفي واحد فيهم صار شوية خجول التاني لا ماشاءالله ماينخاف عليه