بنتي نفس الشي رحت معاها اول اسبوع الروضه
والاسبوع التاني من عند الباب سلمتها للموظفه الي عند الباب وخرجت وسمعت صوتها تبكي وبعد ساعه دقيت على الروضه وقالولي قاعده تلعب

اتركيها وروحي بدون ماتحس انا سويتها بولدي واسمع صياحه من برا بس وش اسوي هذا اخر الاحتمالات

تتوقعين ان البنات اللي قدامك ما صاااحو ؟ او مثلا السنه اللي فاتت ما كانت اول سنه وهبلو بامهاتهم ؟؟
كلنا حاااسونا
ونطلع عنهم
انت دخليها الروضه وضميها وقولي " حبيبتي .. انا بخليك اللحين صرتي كبيره وباخر النهار بجي اخذك "
واطلعي ولا ترجعين مهما بكت .. ومن بكره نفس الحركه .. ثم اذا خلص اول اسبوع خلاص تروح مع ابوها وهو رايح للدوام وانت مثلا تجين تاخذينها
هي المره الاولى اصعب شي عليك وعليها ثم تتعود

والله ياأختي نفس معاناتي مع ولدي جنني مايتفاعل ابدا مع المعلمه بس يلعب بالالعاب وانا عنده بالفصل لمن شفت انه مافي امل نقلتها على روضة بنت أخوي لانها ماشاء الله جريئه قلت يمكن يتجرأ شوي لكن مافي امل قالتلي الابله سيبيه عند الباب وروحي يبكي شويه ويسكت خليته عند الباب وهو يصارخ والله انه بكي بكا يقطع القلب وانا برا اسمع قلت يمكن يسكت لكن ابدا مو راضي يصرخ صراخ اخر شي دخلت عليه ولقيته ماسك ركن ويبكي حتى لمن احضنه واسلم عليه وهو متبلد مايتحرك ولمن رحت البيت صوته راح والتهبت عليه اللوز وتعب عليه وبعدها ماوديتي الروضه والله اني شايله هم خصوصا انه السنه الجايه مدرسه

الافضل بتدريج يعني اجلسي معها وشجعيها اذ سمعت كلام الابله وصارت بطله وكبيره زي هالبنات وخليها تشوفهم لها هديه وسبرايز وتحبينها ومن هالحكي

ودخليها واتخبي بنفس المدرسه وقوي قلبك خليها تصيح الين تتعب وتسكت بس قلت خليك علشان لو عجزو فيها او شي تطلعين تهدينها وتشجعينها وتغيبين مره ثانيه وهكذا بتدريج

وبعد كذا خلاص بالايام الجايه ماعاد تشوفك قولي بروح شوي واجي حسسيها اهم شي انك مو بعيده قولي بروح الحمام الله يكرمك ولا بروح السوق شوي واجي وادعي لها ان ربي يقوي قلبها ويهديها