مثل ما انتم عارفين الاجازة قربت والصيف والنوم والسهر وتخربط الوقت وكل شيء راح يتغير عشان كذا قلت
افيدكم بخطتي مع اولادي بالصيف بس بعض الايام تتخربط الخطة اذا راحوا العيال مع ابوهم للإستراحة بس
ماشية عليها بإذن الله وما حبيت اكتمها بغيت تستفيدون منها خصوصاً ان اغلب الامهات يشتكوون من الصيف
والاجازة والايام اللي تروح بدون اي إفادة
بالنسبة لي الله يحفظ عيالي وعيالكم عندي اثنين واحد برابع والصغير بثاني ابتدائي واعمل لهم خطة انه كل يوم نحفظ
شوي من القرآن صح بينسوونه بس اهم شي وقتهم ما يضيع بلا فائدة والجائزة حقت الحفظ هي انهم يجلسون
ع النت ساعة لكل واحد لان عيالي الله يحفظهم مدمنين ترافيان الله يصلح لي ولكم ان شاء الله
والشيء الثاني شريت لكل واحد دفتر وسطرته تذكرون لعبة انسان حيوان جماد اسويها لهم حتى اوسع مخيلتهم وبنفس
الوقت ما ينسووون الاملاء لان الاملاء اهم شي بالتعليم يعني 2 × 1 تسلية وتعليم بنفس الوقت والجائزة اي شي
يبووونه من اكلة او حلى او ايس كريم
حطيت لهم ورقة A4 وعلقته بخزانتهم واللي يصلي بدون ما اقول له احط له نجمة واللي يمر يومه كله ونجومه
كاملة يجلس ع اللاب توب بس مو نت لاا عندي اقراص مرة حلووة اللي شافت مهرجان جدول الضرب اكيد مرت
عليها صور الاقراص مررة رووعة تعليمية وترفيهية بنفس الوقت
ملاحظة :-
بقت عندي مجموعة لا بأس بهاا اللي عندها بنيات وعيال من تبووووووووك اكرر من تبووك وتبي منها تحدد لي
المكان وراح انزله لهاا وكله لوجه الله ومابي شيء منكم بس العدد محدود وهي ممتعة وتعليمية ورائعة بس اعذروني
ماقدر ارد ع الخاص يعني لا تحسبون يوم ترسلون اطنش لا والله بس لاني ماقدر ارسل مسجات
بالنسبة لكتكوووتتي عمرها خمس سنين مثل اخوانها تموت بالنت والالعاب سويت لها جدول حتى هي مع اخوانها بس
بدال الوضوء لانه بدري عليها اعطيها مسبحة واخليها تستغفر مئة مررة واسم الله تسوي مثل ما اطلب منها واحط لها
نجمة عند اسمهاا حتى اشجعها
وعيالي ترى كل واحد عنده مسبحة ويستغفرون فيهاا واحط لكل واحد نجمة حتى اشجعهم
وشريت لبنتي دفتر تلوين لولو كاتي والوان واخليها تلوون حتى تشغل نفسهاا الله يصلحها يارب
وبما ان عيالي الله يصلحهم ماهم شاطرين بالانقليش الاجازة هذي بس لاني والله ماقد سويتها قبل بجيب لهم اقراص
تعليمية للانقليش واحدد لهم وقت واعطيهم دفتر وقلم ويكتبون اللي يتعلموونه لاني مابيهم ينسوون اي شيء يتعلموونه
اتمنى اني افدتكم واذا جاء في بالي اي شيء راح اضيفه هنا وبالنسبة للتحفيظ للأسف ماقدر اوديهم لان المسجد بعيد
عن بيتنا واللي تجي عيونها هنا تدعي لي ربي يرزقني ببيت ملك يكون بابه مواجه للمسجد يارب ياحي ياقيوم تحقق
لي الامنية هذي نفسي بيتي يكون قريب من مسجد عيالي وابوهم يروحون يصلوون فيه يارب ياحي ياقيوم
اللي عندها افكار ياليت تسدحها لنا حتى نفيد ونستفيد ونكون مجتمع فعال ونافع وذكي يقضون اجازتهم بشيء ينفعهم
دين ودنيا
استودعكن الله انتن ومن يعز عليكن من اهل واولاد وكل من تحبوون
اللهم اني استودعتك والدي في قبره فارحمه واغفر له وآنس وحشته واستودعتك امي واخواني واخواتي واولادي وابوهم وبيتي
ومالي وشغالتي وكل ما املك وجميع ما املك واستودعتك اختي وجنينها اللي في بطنها واستودعتك حملها وولادتها
انك لا تضيع ودائعك
في حفظ الله ,,,,,,