بنت سعدى @bnt_saad_2

عضوة فعالة

قرب زوجي والا الوظيفة؟؟ ردوا قبل 6-5 تكفوون

السلام عليكووووووم والرحمة والبركات من ربي..

اخباااركم؟؟

الموضوع يا حوائيات مشووووووووووره
ابي شوركم الله لا يهينكم,, لاني عايشه صراع نفسي ماله حد..
خاصه بعد ما مددوا مدة ادخال البيانات قبل المفاضلة التعليمية في وزارة الخدمة المدنية..

كيف؟؟

هذا يا طويلات الاعمار اختكم في الله بنت امها متزوجه وعايشه بمدينه وفرصتها للوظيفه بهالمدينه جدا ضعييييييييييفه,,رغم ان مستواها فوق الممتاز,,
وتبي تقدم على وظيفه بقريه بعيييييده عن مكان زوجها بس لها اهل هناك ومو اي اهل ,,
اهل ينحطون ع الجرح يبرا,, وبيشيلونها بالعين قبل الدار..

بس زوجها رااااااافض بشده,, وبعدها كانه وافق وحزن على وضعها النفسي السيء من الفشل لكن بشرط ماراح اروح معك لهذه القرية لو ايش ما يصير ,, يعني انا بصوب وهو بصوب..

بالنسبه لي عااادي البعد ,, مو كره له الا اموت على تراب الارض الي يطاها بس احس ما بروح عند اغراب وبيتحقق حلمي الوظيفي وتعب هالسنين وشقاها واجتهادها,,والاهم الراتب 8400 ريال لو ربي اراد وتم التعيين لان الفرصه كبيره بهالقرية..

اهلي وكل من احس قلبه علي مؤيدين هالفكره بقوه بس ماتدخلوا ابدا,,
يعني مافي ضغط علي من ناحيتهم ابدا..

صليت واستخرت واحس قلبي معلق بهالقرية مررره,, بس ارجع اغير واحط هالمدينه خوف من ان البعد صعب وخوف يتغير علي لانه يتاثر باهله مررره واكيد هالشغله ماراح تعجبهم,,
خوف بعد ان الي جاي بالطريق ما يحس بمسؤليته ولا يتعلق فيه ونصير ما نهمه لا انا ولا الي بيجي ع خير _البعد جفا_..

شاروا علي اقدم ع هالقرية واخذ اجازة رعاية مولود,, طيب والى متى اهرب,,خاصه انه ما يحق لي انقل قبل 3 سنوات,, والاجازات تضعف نقاط المفاضله للنقل..

والله ما ادري اش اصلح اخر مره يوم قالوا المفاضله تنتهي الجمعة الي راحت حطيت هالمدينة,,
وامس اشوف خبر التمديد الى الاسبوع الجاي قلت يمكن خيره من ربي لكن صراعي يتجدد..

اخيرا:: من قبل وانا اصلي صلاة الاستخاااره واحس قلبي لهالقرية بينفطر وصليتها اكثر من مره وان شاء الله اعيدها,,
واستشرت الوالده والوالد لحكمتهم ماشاء الله وكلهم يقولوا لا تفوتيها ابدا رغم انه اهم شي عندهم بالدنيا هالزوج,,
لدرجة انهم اذا قلت باسافر لكم ما يرحبوا فيني الا اذا تاكدوا ان زوجي راضي تمام الرضا..

اليوم للمرة الالف رجعت وغيرتها على هالقرية وقلت ماراح اقول له شي,,
وش شوركم؟؟

ملاحظات::
-ماديا وضعنا مستور الحمدلله,,واجتماعيا الحمدلله لازم من المشاكل بس مقدور عليها
-ما ابغى اعيش بهالمدينة مو مرتاحه فيها ابد,, وهذي فرصتي للهرب,, بس يقول مستحيل اطلع لو ايش ما يصير..
-اهلي مو بنفس هالقرية,,بمدينة ثانية بس باروح عند اقاربي..
-ماعندي عيال..
-تووني عضوه جديده وهذا اخر رد لي اليوم..
-دعووووووواتكم

يلزم عليك تسجيل الدخول أولًا لكتابة تعليق.

تسجيل دخول

همي في قلبي • 13 سنة

حبيبتي والله ما ادري ايش اقول لكن ربي يكتب لك الخير ..انا اشوف رضا زوجك اهم شي ...ويارب يحقق لك ما ترجين في هذي الدنيا ..

((العيون السود)) • 13 سنة

صراحه انا مؤيده لك وبشده والله اعرف كثيييييييييييير من زميلاتي قدموا على القرى والحمدلله توظفوا رغم ان عندهم اولاد وازواج لكن لقمت العيش وحده اسكنت بالقريه واخذت عياله معها وابوها جالس عندها ولما يجي الخميس والجمعه تروح على الرياض وتجيب السبت مرضي والا العكس الاربعاء واعرف وحده برضه تتردد بنقل مسافة 300 كيلو انارايي انك تقدمي بالقريه وصدقيني الترم يروح بسرعه ولما تولدي خوذي رعايه مولود المسافه كم بينك وبين القريه

الشيخة نورة • 13 سنة

الله يختارلك الي فية الخير

بس نصيحة اتوضفي في نفس مكان زوجك حتى لو المبلغ

بسيط المهم انكم تكونوا سوا

ترا صدق من قال البعيد عن العين بعيد عن القلب

وايش بينفعك الراتب الكبير وزوجك بعيد عنك ويمكن مع

الجفا كل واحد بطريقة

وافرضي مع البعد اشتاقلك ومالقاك ويين يروح اكييد يابيتزوج

او في حضن بنات الحرام والله يعينك على المشاكل وقتها

المهم بيتك وزوجك وبعدين الوظيفة طالما انها مو اساس او

ضرورة موجبة البعد

وبعديين طالما يبغاك بجنبه لاتضحيين فية واشتري رضاه

الله يوفقك ويسهل عليك

**الشووق** • 13 سنة

ياقلبي استخيري وترا الوظيفه فرصه اكيد بتتعبين لكن بعدها باذن الله بترتاحين ويجيك النقل وطالما موافق زوجك وماعندك عيال ظروفك مناسبه

الله ييسر امورك

سمو الاميرة 23 • 13 سنة

راح اقولك استخيري واذا ارتحتي لا تفكري في الاشيا الي راح تضيق عليك لان ربك راح ييسرها لك ويفرجها لاني اعرف ناس كذا اول ماتوظفت تعبت ومده قصيره تيسر لهم النقل وارتاحوا مع ازواجهم وبعضهم ازواجهم راحوا معهم الله يوفقك وتوكلي على الله