السلام عليكم

مبروك علينا الملف الجديد
ربنا يوحد بينا وبين كل المسلمين فى الصغيره وفى الكبيره
ويا رب ما تفرق بينا ابدا
بصو باه انا هتكلم فى تخصصى
مين يبدا معايا حمله تنظيف على البيت والمطبخ والحمام
بوقت صغير فى اليوم
وكل يوم حاجه ونحافظ عليه علطول نضيف
عشان منضيعش ايام فى تنضيف وتنفيض
انا هبدا ان شاء الله
مين معايا



وبما ان فيش مناسبات هنخليها توضيب بالبراحه كده وفى الروقان
اول يوم هنفض البلكونات والشبابيك حتى بتوع المطبخ والحمام انا بحب ابدا من بره واخلص من التراب كله
لو اسبوعى انا بنفض بالمقشه اليدوى وبخلع الايد بس ابدا بالشيش وبعدها السلك وبعدها السقف وبعدها الحيطان بكنسها بالمقشه وبعدها الارض
ولو حد بيبنى انصحه بلاش الزخارف الجامده فى الحديد دى بجد متعب جدا فى التنضف
وبعد ما اخلص بفوطه مطبخ او اى حته وانفض كله
لو شهرى او حسب الحاجه يعنى بجيب اى سفنجه اطباق قديمه واغسله بماء واريال واحيانا كلور المهم اسيب الميه دقيقتين وامسح تانى بيكون اسهل واشطف بماء فى قماش برده مش لازم نغرق الدنيا
لو شهرى او اكتر صراحه افك الشفاط واغسله فى المناسبات يعنى
واللى مش عامله يعمله
كده بره كله خلص واكمل تنضيف يومى عادى وشغل المطبخ والطبيخ وكده
تانى يوم نخلص من تراب البيت من فوق لتحت يعنى فوق الدواليب والمكتبه والنيش وحتى دولاب المطبخ نغير الورق اللى عليهم كلهم وبصراحه الخطو دى بتحسسنى بالنضافه بجد بس بعملها تلات مرات فى السنه كلها
وكمان بشيل الادراج واكنس وامسح مكانها فى ناس بتنسى الموضوع دة وقوق الستاير والستاير تتنفض ونمسح اللمبات
الاسبوعى باه فوق الابواب بنفضه بالمقشه برده فوق السخان فوق البراويز او اى لوحه
السقف بعمله بالزعافه وممكن البس المقشه قماشه وامسح السقف والحيطان على الناشف كده وانفض الصالون وامسح تحت الصالون بمنفضه ريش نعام عشان لو فى عنكبوت ولا حاجه
اجيب اى حاجه رفيعه وطويله زى مضرب الناموس كده وامرره تحت الاثاث اللى صعب يتحرك زى الدواليب والنيش
عشان اخرج اى حاجه تحته ولو خيوط عنكبوت
واتنى المراتب واكنس تحت السراير واكنس الشقه كلها عادى وكل فترة باستخدم المكنسه الكهربا واشفط تراب المراتب واكمل تنضيف يومى
تالت يوم
للادراج والدواليب من الداخل وبجد المحافظه هتخلى الخطوة دى سهله اوى
انا الدولاب عندى دايما مرتب الحمد لله بس برتبه عشان امسح الارفف او اغير من النظام وكمان عشان افتكر هدومى
لانى البس حاجه اغسلها والبسها تانى وانسى باقى هدومى كلها عشان كده بحب اقلب الرفوف
وفكرة الرول فى التطبيق بجد حلوة جربوها فى حاجات معينه طبعا
والادراج برده فكرة استغلال العلب فى الترتيب حلوة اوى وبتخلى اى درج مرتب فترة اطول حتى درج المكياج

رابع يوم اكنس البيت عادى واخرج السجاجيد والمشيات بره فى الشمس وانقضهم
وادخل امسح الشقه كلها باى مطهر لازم يوم فى الاسبوع وانا بحب الكلور بيبيض السيراميك
وبغير احيانا بديتول او جاز التغير حلو برده
اسيب الشقه تتهوى وتنشف وادخل الفرش افرشه
كده وضبنا فى السريع لو لغينا الحاجات الشهريه واللى بتتنضف فى المناسبات انا بحكى عشان اللى مش منضفها ينضفها لان مفيش مناسبات قريب
وكل يوم نتسلى على حاجه عشان تاخد راحتها فى التنضيف بدل ما نكروت فى النص
نكمل بكرة لو تحبو
كل يوم باب يتمسح نجفه تتلمع بميه وخل فى قماش والهيكل على الناشف طبعا الاباليك كبس النور بندعك بفرشه سنان اسهل بكتير من اى طريقه تانيه ادوات كهربيه ممكن بالنفخ بالمكنسه او السشوار وبعدها نمسح ونلمع
تلميع اثاث بفرشه جزم وممكن ورنيش
عايزين نتفق كل يوم نطلع حاجه بره فرش سرير بطانيه سجاده
لاننا مهما نضفنا الشمس اهم مطهر للبيت
انا طولت اوى
سلااااام باه
l

مادو ....الله ينور عليك يا قمر....ايوه كده ...مستنيين الباقى
ايه رايكم يا جماعة انا حنقل موضوع الميزانية بعد ما مادو تخلص موضوع التنضيف علشان يبقى عندنا كل موضوع على بعضه

الحمد لله
ان ربنا يجمعنى بيكو فى الدنيا ويارب يجمعنا ببعض فى الجنه ونجلس بجوار الرسول
صلى الله عليه وسلم ونحكى له اننا قدمنا ما نقدر عليه من بيتنا وفى حدود امكانياتنا
فى حدود معلوماتنا البسيطه لكن لاننا بنحب الله ورسوله فاجتمعنا على الهدف ده
وحولنا كل حاجه فى حياتنا لله ورسوله وان شاء الله سوف نجنى الثمره فى الدنيا والاخره
ورجاء بذكر نفسى وكل اخواتى قبل كتابة اى حرف احتسبى النيه ان النصيحه لله
والوصفه او الطبخه لانك بتساعدى اختك المسلمه ونكون عون لبعض
ان الله فى عون العبد ما دام العبد فى عون اخيه
يبقى عمرنا ان شاء الله ما حا نزعل ولا نفترق
انا اسمحوا لى خلينى فى شد الهمه فى الجانب الدينى عشان يظلنا الله تحت ظله
وبرده اى معلومه فى حدود اهدافنا لازم حا اقولها عشان بحبكو
يالا وصفه صحيه سريعه برنامج اتكلم عن اللبن والحليب لو مش بتشربى حليب يوميا مش مشكله
المهم اللبن ال هو الرايب او الزبادى مفيد جدا ونسبة الكالسيوم فيه تفوق الحليب 400 مره
بيساعد جدا على التخسيس لانه بيساعد على الحرق مفيد جدا للمعده
وطبعا فوايده فى الوصفات التجميليه لا تحصى عطر تقولها
يالا نعمل لبنه او زبادى او رايب ممكن للاطفال والكبار يكون مشروب
تضربيه فى الخلاط مع ماء قليل وسكر مشروب رائع
لا تنسوا الاكثار من الصلاه على الرسول عليه الصلاة والسلام والدعاء لاهل غزه

الف مبر وك الملف الجديد ياجماعة
انا معاكى يامادو فى النظافة انا بعمل كل الى كتبتية بالظبط مرة كل شهر مع واحدة بتساعدنى ومرة مراجعة كل اسبوع سؤال يامادو ازى اشفط تراب المراتب انا بتنيها وانفضها بقطعة قماش فى طريق ثانية

لاتنسوا صباحا ومساء حسبى الله لا الله الاهو علية توكلت وهو رب العرش العظيم 7مرات

اللهم انصر الاسلام والمسلمين فى غزة والعراق وافغنستان والهند والشيشان وشتى بقاع الارض

الف مبر وك الملف الجديد