لارحت بيت جدتي وشفت بنات خالاتي
رشيقات وكل وحده تاكل الي تبيه والي نفسها فيه
وكل وحده تلبس الي نفسها فيه
أتحسر على نفسي لأن أعرف حتى لو لبست مثل لبسهم
يطلع علي كريه لأني سمينه
لاطلعت للمجمعات أدخل محلات الملابس نفسي أخذ لي شورت
تنوره قصيره بلوزه سيور
لكن أنا سمينه أن لبست تنوره قصيره ولا سيور
بتطلع الترهلات الي في جسمي والصفطات
صدق أن في هل أيام ملابس حجمها كبير لكن موديلها
مايبين لأن حجمها كبير
البنات في القعدات ياكلون شيبسات شوكولاتات بس
أنا ماقدر لأني سمينه
ولا كلت شيبس ولا شوكولاته جنب البنات دائمآ
يجرحوني بنظراتهم ونغزاتهم وكلامهم
وأمس رحت لحفلة بنت عمتي طالعت البنات كلهم نعومات
وباين عليهم عمرهم وكنهم أصغر ألا أنا كأن عمري
40سنه لأني سمينه
وكذا قررت أني أرحم الميزان وأنزل وزني وأصير
رشيقة وأعيش حياتي مثل غيري مرتاحه
بدون نظرات وكلمات تجرحني
وهذا عهد علي أنا أريج الزهراء أني أسوي رجيم
لمن أوصل للوزن الي يناسبني
البطاقة:
الأسم:أريج الزهراء
العمر:16
الطول:160
الوزن:116(مب متأكده)
الوزن المطوب:60أو55
نظامي بيكون أبتعد عن كل الي يزيد الوزن وأكل أشيا صحيه
وبكميات قليله وكل شي قليل الدسم أو منزوع الدسم+من8إلى10 كيسان ماي+رياضة لمدة نص ساعه يومين مع الزياده كل أسبوع 5دقايق+أصوم يوم ويوم(أنا سامعه الرجيم بالصيام زين)+أول أسبوع مافي يوم مفتوح
والميزان كل أحد
وكل يوم بحط لكم يومياتي
تحياتي