قررت أسوي زراعه لشعري ( أبي رأيكم + معلومات+ أستفسارات للي قد سوت قبل)

السلام عليكم ورحمة الله وبركاته..

كيفكمممممممممم...
بدخل بالموضوع على طول..
بنات انا شعري عقدتي :( مره مره مره..
دايم لاصق مجرد ماألبس الطرحه واروح الجامعه الاقيه مره رايح فيها ولاصق والمشكله أنه فيه فراغات يعني توضح أكثر ...
جربت مليون شي وشي مافاد يعني لاتقولون جربي لأني يأست..
والمشكله خف التساقط ماشاء الله بس مستحيل ينبت او يكثر...

طبعا اللي مخوفني اخاف يقل اكثر من كذا لاني قبل سنه ماكان كذا وقبل سنتين كان اكثر وقبل 3 اكثر وووو يعني كل سنه يقل ومالقيت السبب :(

طبعاً فكرت اسوي زراعه..

بس عند مين ..؟ وايش مشاكلها..؟
وهل الشعر يطلع فعلا كثير وزين..؟
وبكم؟

واي وحده عندها اي معلومه جعلها للجنه تعلمني...
لانه من زمان كنت سامعه دكتور يقول ممكن تسبب اورام.. والله اعلم يمكن انا لاقطه الكلمه ومدري بالضبط ايش يقصد...
طبعا راح استخير ان شاء الله ... بس اتمنى اني الاقي عندكم اللي يحمسني او يبعدني لاني اخاف اخلي الفكره بالي واتحبط...
والله يعطيكم العافيه يارب...