قررت أغير حياتي للأفضل...والتغيير راح يبدأ من جسمي وصحتي...

السلام عليكم ورحمة الله وبركاته يا بنات حواء
أنا بصراحة من المدمنات على هالمنتدى وجربت منه شغلات كثير بس ما نفعتني يمكن لأني أنا ما أداوم على الشي مو لأن الخلطات ما تنفع عشان كذا قررت أنزل هالموضوع اليوم

كثير منا يعانون من السمنة اللي صارت مرض من أمراض العصر وكل يوم نجرب شي جديد وما ينفع والنتيجة ترجع علينا سلبا إما بثبات وزننا أو بتدهور حالتنا الصحية ومشاكل في المعدة والقولون

أنا شخصيا كنت أتعالج عن اضطراب في كليتي وكانت الأدوية تنفخ الجسم وتزيد الوزن والحين ولله الحمد والمنة وقفت العلاج وودي يرجع جسمي زي أول

أنا يا بنات أبي وحدة تكون فيها نفس صفاتي من حيث الوزن وعاداتنا اليومية ممكن تكون لحد معين متشابهه عشان نبدا مع بعض ريجيم ونشجع بعض ...ودي تكون صديقة لي وبنفس الوقت مشرفتي الصحية يعني تضيفني عالماسنجر وكل وحدة فينا تتابع اليوميات الغذائية للثانية نحدد أهدافنا مع بعض لن إحنا بنفس الوزن..

أنا وزني وصل لل95 يا بنات والوزن المثالي لي 65بالنسبة لطولي يعني يبي لي أنزل 30 كيلو بالراحة عشان كذا إيمانا مني بإن المشوار راح يكون طويل وصعب أبي أحد يكون معاي تكون خويتي اللي أخاف الله فيها ونشجع بعض وبشكل شخصي مو قدام المنتدى كله لأن بصراحة فيه فالمنتدى بنات أسلوبهم شوارع وأنا عن نفسي ما اتحمل قلة الذوق

ما تدرون يمكن تكون هاذي بداية صداقة حلوة يعني ننحف سوا ..شوي شوي نجرب خلطات وصنفرة مع بعض وتصير السالفة مرح ووناسة..

يالله ألحين اللي ودها تكون معاي حياها الله وأنا قلتلكم لازم يكون وزننا متقارب عشان نوحد الأهداف وبنات حتى اللي وزنهم مش مثلنا كل ثنتين يقدرون يكونون فريق خاص لهم

أتوقع بتسألوني عن تفاصيل أكثر مثل فصيلة الدم أنا A+ وبنات تراني دارسة كل الفصائل وعارفة وش اللي يناسبها عشان كذا خلونا نحط إيدنا بإيد بعض

والله ولي التوفيق

ربي إني لما أنزلت إلي من خير فقير..استغفر الله العظيم الحليم اللذي لا إله إلا هو الحي القيوم وأتوب إليه