هلا والله بعيون سعد اشتقنا لك..انا من اشد المعجبات بمواضيعك ويوم شفت اسمك على طول دخلت ...حبيت اسلم بس ولي عودة ان شاء الله

:26: :26: هلاااا والله بااختي عيون سعد
اقول ياالغالية ترى اول شي للتغيير هو الصبر فلابد يكون عندك صبر واحتمال علشان تتغيرين وتغيرين طريقة اسلوبك مع عيالك الله يحفظهم وعن تجربة مني اقول الاحتضان والبوس والابتسامة الحلوة والتشجيع تقدرين تكسبين عيالك وتغيرين من وضعهم واسمعي ياالغالية كثرة القصص والتحدث مع الابناء في جو هادي ممكن يعطي نتايج سليمة انا ولدي الكبير عمرة 9سنوات وكم شهر والاوسط 8سنوات والبنت 7سنوات الله يحفظهم ويخليهم لي الحمدلله مانيب عصبية مرة ولو ازعل منهم ارجع اسامحهم بس اكتشفت صدق انة بالفعل لما تضمينهم وتمسحين على راسهم بعطف وحنان يقربون منك ويحاولون يرضونك باي طريقة علشان ماعاد تزعلين في النهاية ياالغالية الله يحفظ لك عيالك ويحفظك لهم وتتغيرين معهم وتعطفين عليهم ترى العصبية الزايدة والحرمان الزايد ممكن يجعل منهم عكس ماتتمنين والله يقدرنا جميع على اننا نربي عيالنا تربية تجعل منهم ابناء بارين فينا بالمستقبل والله يحفظ لي ولكم ومشكورة على ذاالموضوع الهادف اللي اتمنى اننا نطلع منة بااهداف سامية:26: :26:

هلا بعيون سعد الغاليه
كلام الاخوات قبلي ماعليه زود وفوا وكفوا.بس حبيت اقولك مافي شي في الدنيا يسوى.الدنيا كلها عند الله ما تسوى جناح بعوضة
اختي حاولي تاخذي حياتك وامور حياتك بالمرح وخاصة مع اطفالك والله من احلى لحظات حياتي لما يلعبون ويضحكون مع بعض واكون معاهم العبهم والعب معهم انزلي لمستواهم واشعريهم المرح ترى جدية حياتنا وضغوطاتنا النفسية والحياتية خنقتنا ايش ذنبهم الصغار؟؟؟
حبيبتي تذكري انه بيجي يوم ان شاء الله بيكبرون ويخرجون من عندك ساعتها تحمدين الله ان طفولتهم كانت حلوة ومرحة بين ايديك وانك عملتي كل جهدك وطاقتك وحنانك وضحيتي براحتك وعمرك في سبيل انك تطلعينهم للمجتمع وهم ما ينخاف عليهم وكلهم شجاعة وثقه في انفسهم
اختي اهلنا ماقصرو فينا من كل النواحي لكن اهملو هذا الجانب واحنا ندفع الثمن الااااااااااان تذكري انك تعلمتي وحصلت على اعلى الدرجات لكن الشهادة الحقيقية هي اللي بتشوفينها في عيالك لما يكبرو .انا اكتب لك هذا الكلام وعيوني تدمع لاني دائما افكر في اطفالي مع انهم لسا صغار بس ما ابغاهم يعانون مما عانيت منه ابدا ابدا ابدا اتمنى تكون فكرتي وصلت لك ولك مني ارق تحية وارق سلام

هلا و الله و مشكورة لك من ردت علي أو دخلت موضوعي ، ماتدرون وش قد هالموضوع شاغل بالي؟؟؟؟

بس بردودكم الحلوة حسيت أنه فيه أحد حس بي و فهم علي ...

بس انا اللي مضايقني أن ما أقدر أطلع لهم عواطفي من حب و حنان ، يعني لما أشوف وحده تبوس عيالها و أحس انها مستمتعه أستغرب ، يعني ما تشمأز من كذا ، يعني اليوم كم مرة جاءني ولدي يحضني و يحاول يبوسني بس أحاول أبعده عني ، مع انه مع الاطفال الثانين عادي يعني بنت أختي أحبها و دايما أحضنها و أبوسها ....

هناء :
أوكي عزيزتي خلينا نحاول نبدأ بحاجة ، يعني ما فيه حاجة جربتيها و ضبطت لو بنسبة بسيطة .. ياليت تذكرينها ولو كانت تافهة...

المتغلية:
هلا حبيبتي ، مشكورة ما قصرتي ، و انا هاذى المعذبني أني أعرف الكلام هاذى زين و أعرف أهمية الحب و الحنان في حياة الاطفال زين ، بس وش أسوي غصب عني... بس بحاول أضغط على نفسي أكثر...و الله المستعان..

الفراشة الماسية:
هلا حبيبتي ، مشكورة على كلامك ، و الله انك صادقة و كأنك تتكلمين عني ، بس انتبهي من الحين و لا تتأخرين مثلي مادام بنتك لسى صغيرة ، أنا خطأي اني دايما أقول ما راح أكون مثل أمي بس أبدا ما ركزت على تصرفاتي ، و صرت نسخة غصب عني مع انه أمي مرة حنونة و طيبة و أنا أعرف هالشي زين بس ما تطلع أبدا و انا مثلها ما أكذب عليك اذا قلت لك أني أحن خواتي كلهم بس بيني و بين نفسي و الكل يعرف هالحاجة هاذي و كثير من يلجأ لي لتفريغ همه و حل مشكلته ... مشكورة على الاقتراحات و انا تقريبا أسويها بس بحاول اني أكثر منها...خاصة اني الاحظ انهم ينبسطون بها بس ما أدري أحس بالاحراج لما أسويها خاصة قدام أبوهم مع انه ينبسط منها .. بس ولو بضغط على نفسي الى ان أتعود عليها....

أنسة توتي:
هلا فيك ،، حالتكم سبحان الله نفس حالتنا بس الفرق انه خواتي كلهم ماشاء الله قدروا يتخلصوا من هالحاجة يعني الاحظ انهم صحيح يضربوا عيالهم بس من ناحية ثانية دايما يبوسهم و يمدحونهم يعني مشبعينهم عاطفيا عكسي تماما أنا ما أضرب عيالي بس حارمتهم عاطفيا ، صدق هالحاجة ما تقدرين تتحكمي فيها الا اذا انتبهتي زين ...فانتبهي و نبهي أختك علشان ماتتعبون زي...

سلوة الخاطر:

هلا فيك ، يالله ياليت تكتب اي تجربة أو حاجة سويتيها محاولة منك لتعديل الوضع حتى لو كانت تافهة....

لونا 2006:

تسلمين حبيبتي ، و الله يسلمك أن شاء الله ،،كلامك سليم و بحاول اني أبدا من جديد معهم أدعي لي انه ربي يسهل علي ....

زهور:

هلا فيك ، مشكورة ، تسلمين حبيبتي ....

الف ليلة و ليلة:

هلا و غلا و الله ،، أعرف و الله أعرف ،، أدعي لي انتي بس و ان شاء الله ربي يسهل لي ...



تسلمون بنات على تجاوبكم معي ، بس طلبي انكم تبقوا معي هالفترة لانه بحاول أسوي حاجة و بشوف النتيجة و بقولكم...