قررت أفتح محل ممكن تعطوني رايكم.. نداء لسيدات الأعمال

ما في سيدات أعمال ؟؟!!!!!!!!!!!

هلا اختي الغالية ام حمادي الحمد الله على السلامة

وان شا الله مشروع ناجح يارب

بشوف وبرد عليج من عيوني :24:

مشكورة أختي بنت البنات

:26:

هلا مرحبا اختي

أولا بالتوفيق ان شاء الله و الله يرزقج كل خير

بالنسبه لدراسة المشروع

بما أنج قريت المواضيع

لازم تطبقينها بالواقع

يعني مثلا عن الايجار

كم انتي مححد تدفعين ؟ يعني تقريبا

اسالي عن المكان اللي بتأجرين فيه

مثلا ادخلي اي محل في نفس المنطقه أو البنايه اللي بتاخذين فيها محل واسألي عن ايجاراتهم عشان تكون عندج فكره من الواقع و ليس تخمين بس

و نفس الشي لو فكرتي مثلا انج بتاخذين محل في مركز تجاري

اتصلي في الاداراه واسألي عن الايجارات

طبعا أي محل في أي مكان كل ما تزيد المساحه يزيد الايجار

بعدين بالنسبه للديكور لازم تكون عندج فكره انتي شو تبين تسوين بالضبط

يعني مثلا بتفصلين مخزان أو أرفف أو اي شي ثاني

تقدرين تمرين على نجار و تسألينه, طبعا بتعطينه مساحه تقريبيه و بتخبرينه شو بتسوين بالضبط و بتون عندج فكره كم يمكن يكلفج

دوم حطي في بالج انم اي شي يمكن يزيد أو ينقص

يعني تأكدي راس المال يكون يغطي كل التكاليف

و لا تنسين رسوم رخصة البدليه و غرفة التجاره

بالاضافه الى اللوحه الاعلانيه و كم بتكلف

نفس الشي تقدرين تمرين على أكثر من خطاط و تعطينه حجم تقريبي للوحه و بقولج كم بسويها

و أيضا الدعايه للافتتاح سواء في الجريده أو عن طريق بروشرات ( في الجريده وايد أحسن )

بالاضافه الى تكاليف المحل لاول 3 أشهمر مثل فتح خط تلفون و كهرباء و راتب عامل .. الخ


أتمنى اني افدتج ان شاء الله و الله يسهل و و يوفقج

مشكورة الغالية أفراح الأمة

بالنسبة للمحل هو أنا بافتح اثنينه لأني أباه وسيع وكل ما كان المحل واسع ومرتب يجذب الزباين أكثر

وأنا سألت عن المحلين وتكلفتهم

بالنسبة للديكور بسوي المحل 3 أقسام أو 4 بس الأرجح 3 أقسام، قسم للأطفال وقسم للهدايا والتحف وقسم للملابس الجاهزة

بالنسبة للي لازم أفصله هو أرفف للهدايا والتحف

وأبغي مكان لعرض الملابس الجاهزة اللي هي ملابس للأطفال وملابس للبنات الصغار وجلابيات نسائية

فأنا لين ألحين ما أعرف كيف بيكون ترتيبي للملابس
إذا عندج فكرة أتمنى أنج تفيديني بها وبكون لج شاكرة

أما مستلزمات الأطفال ممكن أرتبها وأسوي لها ديكور حلو

بالنسبة للرخصة أنا سألت عنها وعرفت كم ممكن تكلفني

أما اللوحة الإعلانية ما أعرف كم بيكون حجمها

أنا بسوي التصميم بروحي للخطاط وبودي له التصميم وبخبره بالمقاسات أريده يكون كبير شوي وبشوف كم بيقول لي

وإذا في حد عنده شي ممكن يفيدني أتمنى أنه ما يبخل عليه

ومشكورين مقدما


:26: :26: