قررت أقتل بناتي ... وانتحر ............. الحقوني/ قديم

السلام عليكم .. صباحكم ومساءكم سعيد ..

اصبحت الآن مريضة نفسياً .. ابحث عن طبيب أو طبيبه نفسيه أو مستشار أسري .. ارجوكم .. دلوني حتى لو بالانترنت .. انسخوا مشكلتي وارسلوها .. والله اني افكر بأشياء ما يحمد عقباها

يارب إني لجأت إليك فلا تردني خائبة لا شكوى إلا إليك يارب اغثني يارب اغثني



بكتب معاناتي بشيء من التفصيل .. حتى محد يلومني .. نسختها من منتدى ثاني وزودت عليها الجديد لأنها تحوي تفاصيل كثيره

ترا الموضوع طويل ومعقد اقول لكم من الحين

انا متزوجة من خمس سنوات تقريباً .. وساكنه بيت ايجار غرفتين نوم وصالة ومجلس رجال وراح ابدأ بالمشكلة الأكبر .. وهي عمتي ( أم زوجي )

من يوم عرفت نفسي عروس وهي معاي في نفس البيت.. ثلاث اسابيع بس كانت شهر العسل إلا وهي جايه عندي.. مع ان عندها اولاد ثانيين متزوجين بس مو قاعده إلا معاي .. تقول تحبني لأني طيبه ومحترمه وما أرد عليها بأي كلمة تجرحها مثل باقي سلفاتي .. وهذا اللي اهلي ربوني عليه الاحترام والتقدير للكبير .. بس حرام من يوم وانا عروس!! حتى ما اقدر اجلس مع زوجي أي جلسة إلا لازم تكون فيه ولازم تسمع كل كلمة نقولها ممنوع نتكلم مع بعض ولا نمزح مع بعض لأنها موجوده يقولون عيب.. لو انها عمة محترمة كان بتحملها ..لكنها سليطه ولسانها طويل كله سب ولعن واستحضار الجن والعفاريت لكن لو اذكر بعض المواقف اللي تسويها ما اظن فيه وحده تستحملها عشان كذا سلفاتي الباقين يتكلموا عليها

طبعاً عمتي من النوع اللي لازم يعرف كل صغيرة وكبيرة في البيت ولازم تتدخل فيها ولازم رأيها هو اللي يمشي وانا صح والناس كلهم غلط .. المشكلة ان زوجي شخصيته ضعيفه قدامها ما يدافع ولا يقول لا يا أمي هذا صح وهذا غلط ..مثل اخوانه الباقين يدافعوا عن زوجاتهم

طبعا اكيد فهمتوا من القصة أن عمتي انسانة كلامها كثير ومعقد وتجيب الحالة النفسية المعقدة لا حول ولاقوة إلا بالله

ابغاك تحطي نفسك في مكاني .. وتقولي ردة فعلك لو تقول لك ام زوجك الكلام هذا عن زوجك"" أمه ياناس أمه """

كنا أنا وياها قاعدات نتقهوا ونسولف عادي عن الشباب وكيف لازم يتزوجون عشان يعفوا عن الحرام وفجأة دخلت عرض وقالت : أنا ليش زوجت لأولادي بدري !! قلت ليش ؟قالت : حتى زوجك كان يكلم بنات وانا قاعده جنبه وكان يخرج معاهم الملاهي والمطاعم ..... وكان يسوي الحرام ( قالتها بالفم المليان وكأنها حاجة عادية ) تقول أولادي كانوا ..... مع البنات ويختاروا اللي لسى بنات عشان يتأكدون ان ما فيهم امراض ................. انا عيوني صارت كذا

ودري اطرد العجوز هذي بأي شكل

خلاص طالت وشمخت ما ابغا اسمع اي كلام ثاني


بالله وش اسوي بها .. وعلى فكرة مو اول مرة تقولها

انا كرهت حياتي وكرهت الزواج وابو الزواج .. كل شي إلا الحرام .. حتى المكالمات ما اسامحه .. تقول لي كمان اعمق واعمق !!!!!!!!!!!!!!!!!!!!!!!!!!!!!!

ما أدري كيف اتأكد من كلامها هي تبعى تستفزني ولا ايش حكايتها .... !!!!! انا قعدت اضحك معاها بس عشان اسحب الكلام منها .. هي مرة سهلة بسرعه تتكلم وتعلم بكل شي ......... أما من جوتي نااار تغلي وقهر قهررررررر على هذا الحظ


بعدين الأكل .. لو تموت جوع ما تاكل من طبخي .. لازم هي اللي تسويه تقول ماتعرفين تسوين شي .. حتى القهوة والشاي لازم تقوم بنفسها تسويها .. كل ما قعدنا على وجبة انا وزوجي تقعد تسب في طبخي وتعلمني طريقتها وانها هي اللي صح وانتي ماتعرفي شي .. مع ان زوجي ياكل وساكت يقول عاجبه بس ما يقنع امه
واذا ما طبخت .. قعدت تبكي قدام بناتها .. ماطبخت لنا شي خلتنا بجوعنا .. اهلي ساكنين في الدور اللي تحت واحيانا اروح لهم إذا زوجي مو موجود .. صرت ما ابغا اقعد معاها دقيقه لحالي .. حتى كلامها عن زوجي كله سب هذا ما فيه خير هذا ولد شوارع وحق بنات وجواله مليان .. يعني تدخل الشك في قلبي غصب .. عشان كذا اتهرب منها ولا ابغا اسمع كلمة منها .. والمشكلة .. تتصل على بناتها وتقعد تبكي .. راحت وخلتني لحالي .. بجوعي ..
وقلت مره هيا ما بروح لأهلي إلا واسوي لها الأكلات اللي تحبها وفعلاً طبخت لها وتعبت والله .. وحضرته على السفرة وقعدت قصدي بقعد آكل معاها واطلع .. إلا تقول .. لا لا ما ابغا بروح آخذ لي كورن فليكس!!
من العصبية خليت السفرة زي ما هي وخرجت .............

ومره قالت نفسي في بيتزا مكرونه وكانت صايمه .. قلت ابشري .. رحت سويت لها بيتزا مكرونه وبيتزا عاديه وشربه وجهزت القهوة والشاي والتمر وكل شي على الطاولة غطيت عليه بسفره .. ورحت المشغل لأن كان عندنا مناسبة اليوم الثاني
رجعت بعد العشا لقيت الاكل اللي سويته كله نفس ماهو والسفره مكانها ... راحت سوت لها قرصان
بالله تبغوني ازيد اطبخ لها مره ثانيه

المطبخ هي ترتبه على كيفها .. والبهارات كل ما اشتريت نوع خلطته مع بعض .. حتى بهارات السمك خلطتها مع بهارات الدجاج .. ورشة الآجي حطتها مع الملح واللبن اذا قرب يخلص تصب عليه حليب ياربي لك الحمد
كل هذا قلك تسوي اقتصاد ....
فيه موقف صراحة زعلني كثير وكنت راح اسبها .. تخيلوا فتحت وحده من بسكوت الشاي ورجعته مفتوح في الدولاب وجا عليه نمل مره مره كثير وجا على العلب الثانية برضو اللي مقفله فتح له فتحه ودخل من الكيس يعني خلاص كله ماعاد ينفع .. اخذت الاكياس كلها فككتها وبخيتها بفليت وكلوركس وربطتها بكيس ثاني ورميتها الزبالة وانتوا بكرامة
اليوم الثاني لقيتها رجعتها التلاجه !!!! تخيلوا من شدة الحرص على الفلوس اخذت البسكوت من الزبالة ورجعته التلاجه هيا لو جت وحده من البنات الصغار واكلته !! والله ما اسامحها ابد

المواقف كثير كثير

أثاث بيتي .. لأنها هي اللي اختارته قبل زواجي .. ما تبغانا نغيره أبداً والكنب انعدم وراحت موضته وابغا اغير في بيتي مثل ما احب .. لكن لا .. وفي كلمة دااااااايماً تكررها لزوجي حتى صارت معلقة في عقله الباطن ( لاتمشي ورا كلام الحرمه ) انا تعقدت منها صراحة .. شوي واقول مالك دخل في بيتي ..وشكلي راح اقول لها صدق وبكيفها لو تزعل هي وولدها
وإذا جاب لي شي .. يقول لاتخلين امي تشوفه .. كل شي بالدس !!!!!!!!

واذا شافت معاي شي حلو وعجبها تاخذه بدون استئذان .. كنت اسكت في البداية .. لكن بعدين صراحة صرت اطلب منها ترجع الشي اللي خذته

وفوق هذا اذا رحت السوق لازم اجيب لها شي ومن الغالي كمان .. ومايعجبها ..تروح تعطيه الشغالات قلك توزع صدقات .. فسرت اجيب لها اشياء من الرخيص واي كلام بعد لأني عارفه ان مصيره برا مو لها

ملابسي .. ما اقدر اتدلع قدام زوجي والبس زي ما ابغا واظن قصدي مفهوم .. .. لدرجة أني حملت وولدت وحملت وفيه ملابس من تجهيز عرسي ما قدرت البسها .. ليش .. لأنها موجودة طبعا!!

لبسي في البيت حلو ومرتب واحط مكياج واغير اللوك من فتره لفتره.. بس برضو في اشياء ابغا البسها لزوجي مثلا ظهر مفتوح .. تنورة فوق الركبه .. حاجات ثانيه .. هذي الاشياء مستحيل البسها برا .. بس نفسي البسها لزوجي .. أكيد كل رجال بالعالم يحب يشوف وحده لابسه هذي الملابس انا والله محرومه منها وزوجي محروم منها بسببها غير عن الحركات والدلع اللي بين الزوجين مانقدر مره كان بيكسر رقبتي سحبها من وراي بسرعه اول ما سمع امه فتحت الباب.. لحد يقول خذوا راحتكم بغرفة النوم .. اوكي .. بس مره ما ينفع ليش هذا مو بيتي كله ؟؟؟؟؟ غرفة النوم صغيره ومكتومه ابغا امشي في البيت واروح واجي على كيفي :44:

حتى النوم ما تنام إلا لما تتاكد أننا نمنا وخلاص ما عاد فيه حس بالبيت .. وكل ساعه تقوم تتعذر بالحمام .. وهي اصلا تبغا تشوف فيه احد ولا لا .. وايش قاعدين نسوي ..
احس انها كاميرا مراقبة في البيت .. مو أم .. ومو بس مراقبة .. إلا تسجيل كمان .. واذا اجتمعت مع بناتها .. تفرط الشريط كله .. سوت وقالت وفعلت ولبست وطبخت ونامت .. وتفرجت في التلفزيون ووش اكلت اول ما صحيت يعني كلللل شي كل شي ........ كل شي نسويه في البيت وكل مشوار رحنا له وكل كلمة نقولها كلها منتشره بين الناس كلهم عارفين عنا نفسي بشوية خصوصية يالله بنجن

ولما اخرج من البيت مع اهلي وهي فيه صرت اقفل غرفتي بالمفتاح صراحة لأني اكتشفت انها تدخل وتفتش اغراضي حتى الخاصة .. ما اقول تاخذ شي لا والله .. بس ليش اللقافة ليش تتفرج .. وتعرف كل درج من غرفة نومي اش فيه داخله لا حول ولا قوة إلا بالله ..

في البداية زعلت وراحت علمت زوجي شوفوا اللقافة لحد فين .. بس وقفت قدام زوجي قلت له شوف .. بيتي مفتوح لأمك واخواتك من باب الشقة لين الغرفة الثانية .. إلا غرفتي محد له دخل فيها .. هذي خصوصياتي وانا حره فيها ... كان يبغا يزعل بس كويس انه تفهم

والله تعبت تعبت تعبت .... حتى الكلام الحلو والدلع ما صرت اشوفه ولا اسمعه من زوجي .. صارت معاملته جافه وصار ما يبغا يقعد في البيت .. من كثر الزن اللي يجي على راسه من امه وأخواته .. يالله من جد انا راسي يصدع منهم فكيف هو!! .. لدرجة أنه جاته فتره صار يخون فيها .. صار يكلم بنات يتسلى .. بس الحمدلله رجع لصوابه ...
يا ناس انا وزوجي .. على الصامت 24 ساعة .. مانعرف نتكلم مع بعض ... الصراحة ما نعرف بعض 5 سنوات ولا قد سولفنا مع بعض سواليف حلوة وضحك ووناسة قهر وربي قهر

هو اسبوع واحد بس اذكره أن امه سافرت مع ولدها الثاني حضرت زواج ورجعت .. عندي .... رجعت فين ............ عندددددي

لا وكمان معاها مفتاح للبيت وتجي من غير ما تقولنا .. دقيت عليها قالت لا لا مابنجي إلا بعد يومين ...( تكذب كانت في الطريق جايه ) وطبعاً فرحت ما صدقت اخيراً بتنفس بآخذ راحتي .. البيت ما فيه أحد .. راح زوجي للدوام .. وانا قمت اكنس وانظف البيت بملابسي الداخليه اللي مو كأني لابسه بس ولا قطعه ثانيه عليّه .. إلا هي دخلت فجأة بسم الله الرحمن الرحيم .. وقلبي طاح من الخرعه وانطلق على غرفتي البس ... وياليتها تعتذر أو شي .. لا بالعكس قعدت تضحك بصوت عالي .. قالت ايه ايه معاي مفتاح للبيت !!!!!!!!!

وحكاية الخاتم الذهب ما انساها .. ولا راح اسامحها .. كنا رايحين لمناسبة .. وجت عندي قالت سلفيني أكبر خاتم ذهب عندك اعطيتها واحد قالت لا لا اكبر .. اعطيتها واحد احبه وغالي على قلبي وخذته.. وقالت اذا رجعنا بعطيك قلت طيب .. ولما رجعنا .. وتجمعوا عندي حمواتي وسلفاتي وحنا قاعدين عالقهوة .. قالت قدامهم لبنتها .. وش رايك بالخاتم اللي اعطتنياه هدية !!!!!!!! طبعاً انا انصصصصصصصدمت وما عرفت اش اقول اول مرة اتعرض لموقف كذا .. بس بكل بلاهه قلت فداك ياعمه تستاهلين اكثر .. كان نفسي افضحها اقول لا ما اعطيتك هات الخاتم .. بس ما ادري كيف ما ادري اش صار لي ..

أنا الحين شوي وانجن ... صار عندي شغالة .. وكل يوم تحرشني عليها تبغاني اكرهها غصب .. تقول الشغالة تحب زوجك وتسوي قدامه حركات .. الشغالة .. ما تنظف .. وجودها زي عدمها .. ما نحتاجها ... الشغالة تكلم هنود .. الشغالة تضرب بناتك .. وهي والله انها بريئة من هذا كله .. بس هدفها اننا نسفرها تقول زيادة مصروف !!
لما رحت تعاقدت سنتين في غير مدينة زوجي .. بس تتصل عليه .. زوجك قاعدين ندور له عروس .. لو كان مارحت ما فيك خير .. وتقول له .. زوجتك المفروض ماتخليها تروح يمكن تسوي لك مصيبة !! حسبي الله ونعم الوكيل .. ورحت ورجعت وهي باقي عندي في بيتي ماراحت ولا جت ...
وكل شوي تسألني كم راتبك وكم رصيدك وش دخخخخخل ابوك .. بس بجد صرت اقول وش دخلك !! تبغا ترفع ضغطي هذي العجوز بأي شكل ... على فكرة إذا قلنا عجوز تزعل تقول لا انا باقي شباب .. واذا قلنا طيب البسي واكشخي وتزوجي قالت لا انا عجوز ... مدري كيف

الحين طلبت تعيين في مكان بعييييييييد مافيه احد لا اهلي ولا اهل زوجي .. وان شاء الله يجي

تدرون اش تقول



بجي معاك !!!!!!!!!!!!!!!!!!!!!!!!!!!!!!!!!!!

اقسم بالله ماعاد فيني اتحمل

وايش بعد من حكايات ..

وبس

بداخلي كثير كثير لكن تعبت اصابعي وانا اكتب مرة ابكي .. مره افتح عيوني عشان اشوف حروف الكيبورد ..

لحد يقول أمه ... خلاص أمه عرفنا أن لها احترام وتقدير وانها على العين والراس وانها ربته وتعبت عليه ومدري ايش..... بس كمان الزوجة لها احترامها ولها حقوقها .. ولها حق انها تتمتع مع زوجها .. أنا حاسة الحين ان زوجي زي اخوي بالضبط ما في اي مشاعر إلا مشاعر اخويه بس .. ومشاعر زوجية وقت النوم ..حتى النوم والله ما اتهنا فيه بالي مشغوووول

ايه نسيت حاجه ... حاجه تضحك والله .... أحياناً تتعامل مع زوجي قدامي كأنها ضرتي !! تعرفوا كيف

تقعد تقول له كلام حلو وتدلعه وتاخذه بحضنها وتحك راسه واذا هي قعدت جنبه تحط راسها على صدره ... والا اذا جا من مكان تقول ها حبيبي جوعان ولا عطشان اش تحب اسوي لك واش تحب اجيب لك عصير ولا لبن ولا شاي ... وإذا تكلم عن الفلوس إذا فلس مثلاً نهاية الشهر .. تقول أنا لك ياحبيبي وانت لي .. ولا يهمك

الحمدلله والشكر


-----------------------------

حالياً .. كيف وضعنا بالبيت

يطلع زوجي للدوام .. اروح انا غرفتي انام .. اصلي .. اجلس على النت .. ومعاي كوبي .. واي شي آكله

اذا قرب يجي قمت سويت الوجبه سواء غدا أو عشا ..

بعدها زوجي طبعاً ما يتحملنا .. مايقدر يقعد بالبيت يروح لأصحابه ..وانا ارجع اقفل على نفسي بغرفتي .. مستحيل اجلس معاها .. بنجن

بناتي جبت لهم سريرين ودولاب معاها بالغرفه وسلمتها البنات هي تنومهم وتصحيهم وتأكلهم .. ريحت نفسي ..

لو تموت جوع حلفت ما اسوي لها شي .. وعندها جوال .. تبي تسولف تدق على بناتها تسولف بكيفها أنا مبغا

---------------------------------

الحلول اللي كانت مقترحه

نستأجر بيت أكبر <<<< هذا مستحيل

تروح عند أولادها الثانين <<<<<< مايبغونها محد ناداها لا أولادها ولا زوجاتهم مع أن بيوتهم ماشاء الله فلل كبار

قلنا بنستاجر لك شقه لحالك جنبنا ونجيب لك شغالة <<<<< تقول لا انا اخاف لوحدي مع الشغالات

طيب بنزوجك شايب يبسطك وتسلينه ويسليك <<<<<< حلفت ما تتزوج

وش السواة ياناس :44:

شكيت لأهلي قالوا .. هذي أمه استحمليها

كلمت زوجي .. قال اللي ما يبي أمي انا ما ابيه

مو اتطلق احسن .. ؟؟ والله ما لي داعي بالبيت هي اللي تطبخ له وتستقبله وتحضنه وتسولف معاه وكمان تعطيه فلوس ... انا بس زوجة في كرت العائلة والنوم بس

مو اتطلق احسن مية ألف مره ... وربي حياتي راح تكون احلا بكثيييييييييييييييييييييييير بعد الطلاق .... انا الحين ادور أي طريقة عشان اتطلق ...نفسيتي خرباااااااااااااااانه

وفي نفس الوقت خايفه عالبنات اللي يعيش مع زوجي وامه لازم لازم يمرض نفسياً .. ما اقدر اروح واخليهم وش ذنبهم

فقلت خليني اقتلهم عشا ما يمرضون نفسيا .. بعدها يا انسجن او يحطوني بمستشفى المجانين .. أو يقبروني جنب بناتي

حتى صرت اقول استغفر الله يارب ادخل غيبوبه أواتنوم بالمستشفى على الاقل ارتاح شوي

استغفر الله العظيم

استغفر الله العظيم

استغفر الله العظيم

استغفر الله العظيم

استغفر الله العظيم

استغفر الله العظيم

استغفر الله العظيم