قررت أنتحر واخلص وش رايكم

السلام عليكم يابنات

سامحوني على العنوان بس لاني جد فكرت فيه كثير ، وسامحوني كلامي اكيد بيكون ملخبط بس غصب عني وبعد سامحوني اذا طولت بالكلام بس لاني جد تعبانه ..

ورجاءا رجاء خاص ترى اللي فيني مكفيني ماابي ولا اي كلمة جارحة وابي حل عقلاني بدون تجريح كل وحده تحط روحها مكاني هذا مصير حياة ومستقبل ..

بالبدايه بقولكم اني ترددت كثير اني اكتب مشكلتي ، بس لاني جد بعد ماعاد فيني اتحمل اكثر لازم القى حل نهائي للموضوع والا جد بنتحر ..


انا بحكي لكم القصه من البدايه والله يخليكم واسوني وساعدوني ..

انا ماني صغيره أنا بأواخرالعشرينات موظفة وجامعية وعشت حياتي انتظر زوج يحبني واحبه مثل كل بنت بس عمري مااقتنعت بأي انسان كل مايتقدم لي واحد ارفضه وماكنت ارتاح له.
نفسي اعيش مثل البنات عشت ايام وليالي طويله ابكي وانا انتظره لاني وحيدة جد وحيدة ومالي حل غير الزواج يمكن غباء اني علقت كل السعادة على هالشيء.

بس غصب عني هذا احساس طبيعي ابي اعيش بالحلال خاصة اني الحمد لله مو ناقصني شيء وماراح انكر انا غلطت وكلمت شباب يمكن من الوحدة من الفراغ ،
ووصلت لمرحلة اني كرهت نفسي وكنت احتقرها لحد ما الحمد لله جاهدت نفسي وحاسبتها وتصالحت معها وتغيرت كليا.

وبعدها التقيت بشخص هو اول انسان دخل قلبي وعقلي وحبيته جد وكان هالشيء طبعا بعلم اهلي واهله وتمت الخطبة بينا ولانه هو ظروفه ما تسمح حاليا فأجلنا كل شيء الي بعد كم شهر واهلي وافقو انه تكون بينا مكالمات بسيطة ..

ومن ثاني يوم جاونا فيه للخطبة بدت المشاكل ..

يابنات انا تعبت وربي تعبت ماادري انا ادفع ثمن ناس جرحتهم ورفضتهم والا هذا عقاب من الله والا ايش بالضبط من مشكله للثانية مره ظروف بعمله وكلمني وقالي ظروفي كذا كذا تبينا نواصل وبتتحملين لحد ما تتعدل الاوضاع والا كيف قلت اوكيه بتحمل ..

ومره طلب مني اليوزر حق الفيس بوك والتاق وانا الغبيه نسيت امسح كل شيء قديم وشاف رسايل والله غبيه ولا كنت اعتبرها شيء ومافي اي شيء وسخ او خطأ اساسا انا كنت قاطعه كل هالاشياء ومن مدة بس ماادري كان نصيب انه تنفضح هالامور.
وبعدها اضطريت اني اقوله على كل شيء صار قبل مااعرفه وكانت سوالف عادية وتافهه وطلبت منه يسامحني وانه شيء راح وانتهى ولا عمري حبيت قبله ولاشيء،
كانت مكالمات قليلة والاهم اني تغيرت وخير التوابون الخطائون وانا حاسه بخطئي والله يشهد علي اني استغفره على طول وابي الستر والحلال قالي خلاص بنعطي بعض فرصه واذا كان ربي يسامح انا من علشان مااسامح بنبفتح صفحة جديدة ورجعنا مع بعض.

بس هو مره تغير صار ما يسأل فيني وعلى طول يتعذر لي انه مشغول وانا وربي ماعندي غيره وماابي من الدنيا غيره احبه بقلبي وبعقلي وعاتبته اكثر من مره قالي لا تلوميني انتي عندي غاليه وواثق فيك بس خايف من المستقبل خايف بيوم تضعفين وتخطئين .. وقالي انا مرات اوسوس واعذريني غصب عني خلينا ندعي انه ربنا يزيح هالوساس من قلبي .. وبعد ما تكلمنا وتصارحنا حسيت تقرب مني اشوي بس موحاسته مثل قبل ..دايم مشغول ، مرات بالايام مااعرف عنه شيء ولا يرد على الجوال صار يرمي بعض الكلمات الجارحة زي لما ادق كم مره يقول ذبحتيني وكذا ، تخيلوا يسافر يخلص امور عمله بدون حتى ما يخبرني ..

الحين علموني وشو اسوي انا من يوم صارت آخر سالفه بينا احسه ماسك علي شيء وانا برضو مو مرتاحه وقد مااقدر احاول ماافتعل هواش معاه حتى لو كان هو الغلطان مااقوله شيء وانتظر الوقت المناسب واعاتبه عاد يحس ويعتذر ويقولي اخر مره ومن هالكلام بس احسه صاير يتماده.

تعبت انا شخصيتي قويه وهو شخصيته قويه مااقدر امثل دور الضعيفه تنازلت كثير عن اشياءجرحتني والاهم اني وحيده ومره حساساه وهوعنيد يحبني مره بس ما يطلع ويتصرف ببرود حيرني ماني عارفه كيف اتصرف معه اخاف ابتعد عنه واصفطه يقول اني العب واكلم غيره واخاف اتقرب منه واسامحه على كل شيء يدوس علي ويجرحني اكثر ماادري وش الحل ..انا ماابي اخسره ابي نرجع زي قبل

انا ماابي غيره انا انتظرت اني التقي بشخص زيه سنين واذا ماصار نصيب بينا مستحيل افكر بالزواج مره ثانيه لاني خلاص كبيره وش بقى من العمر .. والله يابنات من يوم تقدم لي الى الان وبدت المشاكل وانا شهور لانوم ولا اكل ولا دوام زي الناس مااطلع من البيت غير الدوام وبس نحفت وكارهه نفسي 24 ساعة بكي تعبت وربي تعبت ولما اعاتبه يقولي انا كلي طيبه وحنان وانا احبك كلم امي وقال لها بحافظ عليها وان شاء الله قريب اكون معاها..

وفجأة ينقلب الحال مو قادره استوعب يوم كويس و10 لا انا من وين اجيب صبر

كلمته الف مره وقلت له البنت ماتبي غير اشويه اهتمام واني وحيدة وهو كل شيء بالنسبه لي مافي فايدة يعتذر ويرجع لنفس الاسلوب جربت معاه كل الاساليب صفطته وحنيت مافي فايدة .. قلت يمكن يسوي كذا يبي يطفشني وانا اللي اقول ماابيه المصيبه اني حافظه شخصيته هو لو مايبيني يرميها بوجهي لانه مره صريح حتى لو كانت الصراحة تجرح ..ماادري يمكن يبيني اكرهه ومايبي يجرح مشاعري ويقولي ماابيك

حتى بعد كل هالهواش جاب لي بعيد الحب هدية مع اني وهو مانعترف بهالامور بس لانه كان يبي يهديني اي شيء وانا ارسلت له هديه قبل كم يوم وكتبت فيها كلام كثير صادق ودعيت انه ربي يجمعنا انبسط وتفاجأ فيها وقالي حسيت انه الكلام من فلبك و دخل قلبي

وبعدها رجع لعادته مو فاضي مشغول تخيلو اقوله خلنا نروح نسوي فحص الزواج يقولي مو فاضي لهالامور الحين يعني وشو مو فاضي لي اتزاعل معه يكلمني بعد ماتنقع مراراتي ويقول ماابي نتزاعل ماابي اعور قلبي لاني مشغول بالعمل مو فاضي ، حتى مره كلمته وقلت هذا مو حب هذا تملك يقولي ايه سميه تملك بعدين اللي ابيه وهو قلبك خذته

يغار مره ويبيني دوم اتسامح واطبطب عليه وانا من يحن علي امي تقولي صبري صبري ماهو فاضي في عمله وماسك منصب جديد بس هو مايحن علي اشلون يسافر حتى ما يخبرني كيف اصرفها واشلون اسامحه ..

دلوني علموني وش الحل انا اليوم سكرت جوالي وانا مره سويت هالحركه وتهاوشنا بعدها لانه كان قلقان علي مره وقالي هاذي اخر مره بس من قهري عليه سكرته وماابي اكلمه احسه كرهني في كل الرجال تنصحوني اثقل واصفطه واشوفه وش يسوي ماراح يقول اني تركته ورحت العب وانا وربي بس انتظره اي كلمه منه ماتتخيلون كيف تفرحني والا اقوله خلاص انتهى اللي بينا والا اصبر واتحمل والا وش اسوي والله تعبانه .. ضايقه فيني الدنيا