قررت اتسنع واعرف اخيط، عندي كم سؤال قبل لاابدا بس هع

اهليييين يابنااات،

خل اقول قصة حياتي اول.
توني متخرجه وماخليت مكان ماقدمت عليه وكلهم عطوني ركبة كذا جميلة في الوجه خخخخ الله يوظفني غصبن عنهم بس <== عن مين بالضبط؟
المهم ومن زمماااان ودي اعرف اخيط ملابسس، فقلت مابدهاش يكفي مغاير لاخواني وهم رايحين المدارس من صباح الله وانا اودعهم بروح انام. وقلت خل يبدا الجد والكفاح *موسيقى حماسية بالخلفية*

عاد قلت خل اشتري الة خياطة واقعد ابربس لين اعرف لها. من البحث بالمنتدى اكتشفت ان الغالبية يقولون سنقر Singer هي الزينة.
بس عندي كم استفسار،

١.الحين اللي تجي بكمبيوتر ليه ازين من القديمة اللي بدون؟ ووش استعمل الكمبيوتر له بالضبط؟

٢. هل تتحمل اقمشة غير القطن؟ اشياء اقوى وامتن من القطن مثلا؟

٣. وش فايدة اشكال الخياطة"الرسمات اللي تجي على آلة الخياطة؟ اللي زقزاق واللي معفطة واللي مدري شلون، مب هو خط مستقيم وقضينا بالعادة؟

٤.لو بس ابي اخيط ملابس يعني ماراح احتاج تطريز. ولا الا غصب اخذ اله تسوي تطريز؟ مااحب التطريز ولا عندي نية اطرز ملابسي "اللي بخيطها ان شاءالله" <<=dream much?

٥.وين القى سنقر بالرياض؟ وبكم اسعارها تقريبا؟

لاساعدتوني بردودكم وربي كتب اني اشتري الة خياطة، بنشب في هالموضوع كل ماورطت وادري ماراح تقصرون (L)

مشكورين مقدما