قررت اتطلق ..بس محتاجه مشورتكم

الأسرة والمجتمع

السلام عليكم ورحمه الله وبركاته

كيفكم اخواتي مالي في المقدمات ابدخل في الموضوع على طوول...

انا خلاص قررت اني اتطلق من زوجي بسبب تراكمات من ست سنين وصلت حدي وعندي طفلين منه حارقين قلبي لكن خلاص من جد طفح الكيل اتحملت بما فيه الكفايه على امل يتعدل لكن لاحياة لمن تنادي..زوجي يقول انه يحبني لكن للاسف حب بالكلام ماقد شفت شي بالفعل دايم انه يصارخ وينافخ وموعاجبه شي انا اعترف يابنات اني غلطت غلطه لكن هو السبب فيها وكشفني وصار ماعاد يثق فيني لكن انا تبت لله والحمدالله ربي هداني ونسيت لكن هو مانسى كل ماصارت مشكله بينا يقعد يذكرني فيها لين كرهني فيه حقود بشكل مو طبيعي ومايرضى بسرعه صار يعاملني مثل الخدامه جيبي حطي سوي افعلي حتى لدرجه انه يتدخل في اكل ولبس عيالي تخيلواا بس كل مرره يامرني واقول سمعن وطاعه حارمني من الطلعات كل ماقلت ابغى اروح مكان لا مافي تعبت وطفشت وبس يصارخ ويسب ويلعن وكشفته اكثر من مره يخونني وعديتها له لكن للاسف مازال في عوايده صارت مشكله جامده قبل فتره تخيلوا ابوي واقف بينا سبني ولعني قدام ابوي رجال كبير ماحترمه ومن ذاك اليوم الين اليوم وانا كارهته وعايفته وجا اكثر من مره يبي يصالحني ويرسل رسايل في الواتس لكن انا خلااااص قنعت ماعاد ابيه ...وش تنصحوني فيه هذا جزء بسيط من اللي قلته لكم في اشياء كثيرة ماقلتها مدت يده عليا اكثر من مره وسبه وتجريحات وتريقاته قدام اهله وكثيير كثير .. اتمنى منكم تنصحوني لاني خلاص مليت وابي الفكه الزم ماعليا راحتي وصحتي وسعادتي.
28
5K

يلزم عليك تسجيل الدخول أولًا لكتابة تعليق.

تسجيل دخول

هب الهوى
هب الهوى
عيالك حارقين قلبك ليييش؟
ومعرفك غير موضوعك ،،،،الله يهدي سركم ،الحياة يبغى لها صبرررررر
نبضي حنان
نبضي حنان
معرفك غير موضوعك تمام

الله يعينك
متجر هاجر
متجر هاجر
الله يختارلك الى فيه الخير
بقايآ حَـنـينْ
إذا أهلك بيحطون له حد

وبيعاملك بما يرضي الله

لاتطلقين لأن بينكم طفلين

وبالنهايه انتي ادرى بمصلحتك

الله يصلح مابينكم يارب

ويهدي زوجك ويسخره لك
$$شيهانة الخير$$
استخيري الله
الله يصلح حاااالك .