قررت اتطلق من زوجي بسبب اهله

اهل زوجي سيئين معي مرررة ودايم يحرضون زوجي وانا مطنشتهم وساكته لان زوجي يجيني شايش ودايم يدافع عنهم وانا يمسح فيني الارض اهانة وشتم لخاطر عيونهم
كل هذا ماهمني وامشي اموري اروح لهم واجامل واسوي الواجب وشارية بيتي وزوجي
اخر مرة رحت لهم اخت زوجي ضايقتني بكلمة واخذت بخاطري بس مارديت عليها لبست عبايتي وطلعت ولا تعشيت معهم
جاني زوجي شايش ومعصب يقول ليش تطلعين من بيت اهلي وانتي ماتعشيتي انت ماعندك اخلاق ولا تعرفين السنع
قلت له اختك قالت لي كذا وكذا قال من الاخير لو اهلي اكلوك تبن تاكلينه فاهمه
ويقول بكرا تروحين لامي تعتذرين منها

وانا مدري على ايش اعتذر ومين اللي مفروض يزعل
امه حرمة كبيرة واحترمها ما اختلفنا بس هو عارف ان اهله سيئين رغم كذا يقول لو اهلي ياكلونك تبن تاكلينه وانتي ساكته اذا مو عاجبك انقلعي بيت اهلك وبيني وبينك الطلاق
هذا كلامه بالحرف اكتب وانا ابكي على جرح كرامتي والاهانات
انا ابي اتطلق منه لانه دايم يهينني واهله يهينوني وهو سيء معي مررررة مايحترمني ابد ومقصر معي بكل شي دايم برا البيت ومقصر معي بالمصروف كل هذا تحملته وتحملت اهاناته لكن يقول لو اهلي ياكلونك تبت تاكلين وتسكتين مااقدر اتحمل اهاناته هو واهله والطلاق اريح لي