قررت اتغير يابنات 🥺

أهلا وسهلا بك، فكرة انك تتغيري ممتازه والعزيمة والإصرار عليها اهم خطوة، ،ابدأي حياتك الجديده بالقرب من الله تعالى اذكار صلوات صيام ،،ورد من القرآن الكريم اذكري الله الدعاء،،ثم اهتمي بصحتك وعافيتك، ،اهتمي بمشاعرك واحساسيك اهتمي بقلبك نمي مواهبك استغلي أوقاتك فراغك،أسأل الله العلي العظيم أن يوفقك ويسعدك ويرزقك 🤲💚

نصيحة لك ابدي بعادات بسيطة سهله جيده في كل النواحي ومع الوقت بتلاحظي الفرق
يعني عادة المشي وشرب الماء وترك السكر صحيا
ودينيا المحافظة مثل على الوتر صلاة الضحى ورد من القرآن واذكار الصباح والمساء والنوم وهكذا
عقليا ونفسيا تثقفي بالمواضيع اللي تحتاجينها حاليا مثل أنتي ام مواضيع في الامومه او أنتي مطلقه او أنتي موظفه تثقفي في مجالك
أهم شي لا يروح وقتك وانتي مركزه في موضوع واحد زي الجسم وتضيعين حاجات ثانيه بتندمين

حطي في بالك حديث الرسول عليه الصلاة والسلام ( قليل دام خير من كثير منقطع)

خلي ارادتك قويه

نصيحتي لك ادخلي تحفيظ في موقع (مقرأة) عن بعد كويس وتقدرين تختارين الوقت الي يناسبك او ادخلي دار تحفيظ عندكم افضل🥰،حافظي على اذكارك تقربي من الله،
وحطي لك خطط يوميه👏🏻 فيه تطبيقات أو بنوته الجوال تقدرين تسوين الخطط تمشين عليها مثلًا اليوم بقراء كتاب، اليوم بكمل درس الانجليزي،
ادخلي دورات تشعبي فيها ما عندك ماده فيه دورات مجانيه،
من ناحيه العنايه خلي يوم الجمعه مثلًا للعنايه كثير اعرفهم حاطين يوم بالأسبوع للعنايه ترا يغير نفسيتك 👌🏻🤩، تعرفي على صاحبات انتقيهم عدل مثل ما هو معروف الصاحب ساحب لا تخلينهم يسحبونك للخراب،
والله يصلح حالك.

احلى شي فكرتي تسوينه
اهم شي نومك وصلاتك واذكارك
واكل هذي تحافظين عليها
المويه اشوبيها بكثره وكلي فواكه وخصار يوميا
وخففي من الحلى والاكل المقلي والدسم
وجسمك اشتري ليزر منزلي اذا ماعندك قدره واستخدميه ترتاحين من الشعر وغثاه
وكل اسبوع الى اسبوعين جلسة حمام مغربي شوفي طريقة د هند في اليوتوب وسويها
وكل شاور خذي صابون طبيعي افضل ورطبي بعده ضروري انا استخدم زيت جونسون للاطفال
وشعرك حنا كل اسبوع او زيت يناسبه
وبشرتك غسول مرتين في اليوم واذا فيه تصبغات وحبوب او اثار خذي مقشر سيكنورين ممتاز اقري عنه واستخدميه بحذر مع واقي شمس مناسب لبشرتك ووقفيه بالتدريج وحافظي على بشرتك بغسول مناسب ومرطب اذا كانت جافه وتونر وواقي
ويدينك ورجولك صنفرة قهوه تركيه وزيت زيتون وسكر لاتبالغين في تقشيرها بس مره في الشهر مثلا وعلى خفييييييف عشان ماتسمر زي ماصار لي
ولو جافه زيي خذي جليسوليد وزيت لوز مر وزيت زيتون وعصرة نص ليمونه اخلطيها سوا واستخدميه يوميا قبل النوم يجنننن مع الاستمرار
وخلي لك ورد يومي من القران لو صفحتين اهم سي لاتهجرينه
ومع الاستمرار بتتغيرين للأفضل بإذن الله
واذا وصلتي للوزن اللي تبغينه خذي لك كم قطعة من السوق مناسبه لعمرك وجسمك وجددي في ملابسك عشان تتجدد نفسيتك
ولو حابه تصبغين جربي ماسك د هند اسمه الماسك الذهبي يقولون يفتح الشعر ويخليه صحي وحيوي ناويه عليه بعد ولادتي وان شاظ الله يفتح لون شعري لاني ما احب الصبغات
والله يوفقك ويسعدك ❤️❤️