ازيكو يابنات
المهم الموضوع باين من عنوانه
قررت بعد تفكير عميق وسهر بالليالي وبعد عناء من التخطيط المدروس واللامدروس وبعد كميه كبيره من حفر الانفاق وتصريف الافكار الشيطانيه واللاشيطانيه وبعد مشوره اهل الراي قررت اتوظف
طقاقه
يعني اطقطق بالوم لين تتكسر اضلاعي ويجيني قريشات 5 الاف و6 الاف افضل ماانتظر تاريخ 25 واسنتر عند الصرافات ولا اقعد اخسر ملف اخضر علاقي من مدرسه للديوان واخر شي مافي وظيفه
هو صحيح كل تعبي بالجامعه دراسات وبحوث وايدي انكسرت من كثر مااشارك
يروح هباء منثورا من صاله لصاله لكن وش نسوي وين نقدم ميكانيكا ولا سباكه هههههههههههههههلكن وظيفه طقاقه ماهيب بشينه واطقطق فوق راس الخلايق
ومن زود الحماس ابرقص معهم واملي وقت فراغي واردح مع العرب واكسب راتب يضمن لي مستقبلي المجهول
بس انا قررت لو بطق بالزواجات
اغاني المدح كل الفلان كلهم لافرق الله شملهم باخذ عليها 300
ايه حبايبي باخذ تعب ال5 سنين بالكليه (سلكوا سنه خبره):pinklove:
واغاني اهداء من الصديقات للعروسه 200
مدح مباشر مثل :
- (ياصايغين الذهب عطوا الذهب فلانه) ... ادعسسسسسس
هاذي قيمتها 500 لان فيها رقص وتمتير الصاله من اولها لاخرها وفيها حماس وصوتي بيروح بخرايطها عشان امدح هالمسيكينه ويصير عندي التهاب بالحنجره ولازم مويه وفكس وفازلين عشان ادهن بلاعيمي لارجعت البيت والحياه صعبه والصيدليات نار
وكلمه تفضلوا على العشاء على حسب اذا كان العشاء بوفيه بترزز اما اذا مفاطيح بخلي عجيز تناديكم-قيمه هالكلمه 950
وكلمه امسكوا بزارينكم هاذي حطوا تحتها عشرين خط قيمه هالكلمه 1000 ريال لاني بجيب عصا ماركه قوتشي اصلخ ظهور البزارين قلتلكم الحياه صعبه
وعلى فكره عرض خاص بعد
بجيب معاي رشاشات تعرفون نص اعراس السعوديه لازم يطلقون فيها الرشاشات
والرصاص هديه مني جايبته من تراث الفراعنه بحكم دراستي قسم تاريخ بس الطلقه الواحده بخمسين لاتزعلون مني الحياه صعبه وبقيمتها بتعالج بالالماني لاجتني رصاصه طايشه كوذيه ولاكوذيه
نصييييييحه مني اللي عاطله تتوظف طقاقه تضمنين فلوسك ومستقبلك ويدخل عليك القريشات من كل هب ودب ومنها تعطين الخدعه المدنيه نظره محترمه
تهزين مشاعرهمومنها بيصيرون اهلك يدلعونك وخاصه اخوانك او زوجك بيودونك اي مكان خلاص معك قروش صاروا يحبونك ويتميلحون مثل كذا
ومنها يصير لك مكانه بالمجتمع كل شوي يدق جوالك ويمكن ال سعود وال مكتوم يطلبونك ويجيك بخشيش انما ايه
وعلى فكره صار فيها تامين ضد العنوسه والشيخوخه يعني يمكن تطقين وتلعلعين بالصوت الرقيق وتجي وحده تخطبك لولدها بس ماعليك الا تهزين خصرك كوذيه
اهم شي الشباصه على جنب ويجيك عريس ابظاي مثل ذا
فديت الخدود ياناثوويعني خلاص راح حلمي اني اصير موظفه بيوم من الايام يعني راح تعبي وشقاي وسهر الليالي وايجار السواقين وتصوير(اعطوني موثرات حزينه)
لكن طقاقه ولاذل جداره وحافز عساها تنشب بحلوقهم
قبل مااختم موضوعي
بس ابي اسالكم وين المحلات اللي تبيع الدفوف والمايك والسماعات ابي شي اصلي مو تقليد اضمن مستقبلي واللي تبي تسجل معاي حياها الله بس تسجيلي اطلق من حافز مافي تعقيد صدقوووني
ولافيه ايبااااااااااااااااان ولاموهلات علميه ولابطاقه احوال
بس اللي تبي تزغرط لازم موهلات علميه في علم الصوتيات ههههههههههههههه
بس الاهم موافقه ولي الامر ويبصم بكراعينه عشان نضمن الحماس
دعواتكم بالرزق الحلال والزوج الصالح الحنون الاخلاق الدلخ العسل يالبى متى يجي(لاحياء في الدين)
مخرج
وكل البرتكانه كلهم لافرق الله شملهم(بروفه طبعا):dry: