اشجار الخريف 2 :

خلاص يا بنات كلمتها مره ثانية و اول شي سألتها اذا قالت لاخوها قالت لا على امل اني اغير رأيي و قلت لها خلينا نتعرف اكثر و بالفعل قالت لي كل شي و لحد الحين ما اشوف فيه اي مشكله الا انهم بألمانيا و قلت لها ترسل صورة الرجال و وضعنا بالسليم و الصراحة قلت لولدي امس و قال براحتك و مدري مدري هل اقول ايه او لا لأن حرام اقولها موافقه و تجي السعودية و ارفض او ان العكس يصير

خلاص يا بنات كلمتها مره ثانية و اول شي سألتها اذا قالت لاخوها قالت لا على امل اني اغير رأيي و قلت...

🇸🇦السعوديه🇸🇦 :

تمام عليك كذى صح أعطي نفسك فرصه للتعارف والتآلف. مشكلة انه في المانيا ترى ممكن تلقين هذا أروع شي. لاتتخوفين من شي. جلست في بريطانيا ٥ سنوات وفي أمريكا سنتين وفي كندا سنه والله ما كان فيه أي مشكله أو غربه. كل شي صار سهل ومتاح. توكلي على الله واستخيري وسوي ملكه وتعرفي عليه في هذي الفتره الي تعتبر إختبار للطرفين. وطمنينا عنك بإستمرار.

تمام عليك كذى صح أعطي نفسك فرصه للتعارف والتآلف. مشكلة انه في المانيا ترى ممكن تلقين هذا أروع...

أولادي أغلى ماعندي :

وانتي مين قلك ان مشكلتها هي السفر والعيشة برا وكيف تقارني حالك بحالها انتي سافرتي مع زوجك اللي جو اهله خطبوك وشافك وشفتيه وسألتو عنه وفي ملكة وكان يجي يشوفك وتتكلمو مع بعض عارفة ارضه من سماه ابوك واخوانك قعدو معاه وشافوه ان كان صاحي ولا مجنون يعني لو مثلا اللي خاطبها اخو صاحبتها ولا ولد جيرانهم ولا حتى ناس دلوهم عليها وهو وعايش برا بنقول في طريقة توصل ليه تعرف اهله مكانهم بيتهم حياتهم لكن هنا الادمي اللي تتكلم عنه مجهول ماتعرف حتى ان كان مصلي مسمي ولا ماسجد لربه ركعة والا تبغيها تمشي على كلام اهله ومدحهم ليه وكلنا نعرف ان الاهالي يشتكو من جور عيالهم وانهم مطلعين عيونهم والولد يكون دشير وسكير ولما يجو يخطبوله يطلعوه للسما لين ماتحسي انه ربي ارسله هدية ليك ولا على بالك بيقدرو يسألو عنه في المانيا والا تبغي ابوها اللي مو داري عنها يسأل عنه هذا اذا رضي اصلا انها تتزوجه هذي هي المشكلة ونقطة الخلاف وحتى لو جا بيجي مرة وبتقابله مرة ولا اثنين يقدر يمثل فيها ولا يقدر يخبي ان كان فيه بلا

وانتي مين قلك ان مشكلتها هي السفر والعيشة برا وكيف تقارني حالك بحالها انتي سافرتي مع زوجك اللي...

نَقاء ☁️ :

تأني و تريثي ولا تضيفي جرح جديد لحياتك بسبب تهورك بإتخاذ القرار ، بتعالجي مشاكلك و تهربي منها بمشكلة أكبر ، خصوصاً كل شيء غامض بالنسبة لك فجأة مافكرتي ليش مُجرد ما جلستي مع أُخته خطبتك له وهو بالعمر هذا ! طيب ما سألتي نفسك إيش معنى إنتي !؟ و ليش ما تزوج قبل .. مو معقولة صابر ماتزوج وهي صابرة ماخطبتله هذا كله مُجرد ما تقابلتي معاها نص ساعة عرضت موضوع الزواج عليكِ ولحّت فيه ! و لا زعلت وعارضتك ليش رفضتي وجادلتك ! يعني الآن اللي عايشة إنتي وياه بنفس البلد و نفس الحي ونفس الدم و الطبع والعادّات تتزوجيه بكرا و تكتشفي اشياء واُمور عمرك ما توقعتيها ولا كان ظاهر لك حتى بالملكة و فترة التعارف !! فـ مابالك بشخص غير جنسيتك و مبهمين بالنسبة لك و لاتعرفيهم ولا تعرفي عاداتهم و الشخص تحته خطوط حمراء كثيرة و الأدّهى و الأمر بتتغربي بالغربة مع شخص غريب اساساً ماخفتي من هالنقطة بالذات و ماتخافي يستغلك بأشياء غير مشروعة ولا بأهداف معينة براسه ولا يسوي حاجة فيكِ معليش الزمن يخوف و تتوقعي كل شيء.. فنصحيتي اللّي عارضوك مو ضد مشروع الزواج و السفر والإستقرار والحياة الجديدة ولا ضدك بشكل شخصي.. لكن مبدئياً الموضوع غير مطمئن وبالأخص بعد ماعرفت ظروفك وشكيتي لها من أهلك وعرفت إنك مكسورة ولا وراك سنّد فضمنتك من هالناحيّة إستخيري ولا تستعجلي وبكرا لا قدّر الله تتمنّي هالحياة اللي إنتي فيها و اللي مو عاجبتك من اللي حطيتي نفسك فيها بالقرآر هذا. وموّفقة يا رب

تأني و تريثي ولا تضيفي جرح جديد لحياتك بسبب تهورك بإتخاذ القرار ، بتعالجي مشاكلك و تهربي منها...