قررت ارسل هـ الرساله لخطيبي ..المنفصلات بعد الملكه يهمني رأيكم

الأسرة والمجتمع

( السلام عليكم )

كيفكم ياحوائيات ؟ مآأحلى كلامكم
وردودكم بجد أحـس
بهـ المنتدى آني بين ناس تحبني وتدعيلي
لوجه الله وهي ماتعرفني .. الله يجزى من
أسسه عنا ألف خير

:26:
انا سبق وكتبت مشكلتي مع خطيبي ..
وبآختصار هو صارله شهرين ونص لاكلمني
ولاسأل عني ولايدري عني لا برساله
ولااتصال ولاغيره والسبب مشكله تافهة
والله ماتستاهل كل هـ البعد
والغلط كان مني ومنه وحاولت
اصلح الوضع ولقيت منه صد وامي
بادرت وكلمت امه وتفاهمت معاها على اساس
انهم يردون وطنشوا لاهو رد ولا امه يعني حتى امي ماقدروها حتى ولاقدروا اتصالها
ولاحدد معاي وقت الزواج والحين لي 6 شهور تقريبًا
مملكه وهذا هو هاجرني الحين
ولاادري وش ناوي عليه ..

فكرت كثير وبكيييت اكثر وآستخرت ودعيت
بصراحه مااحس بشي ابدًا احيان
آكرهه وادعي عليه وآتحسب
احيان اشتاق له وهذا حالي كل يوم بمزاج ..

والحين وصلت لقناعه أني انهي الموضوع تمامًا
وراح يبان اذا هو للحين شاري ولا يبغاها من الله
وبصراحه في كل الحالتين راح ارتاح
واعرف وش انا عليه
لأني مشتته بس انا محتاره فالطريقة
قلت لأمي كلمي أمه وقوليلها خلاص
النصيب قصر والبنت تبغى تنفصل
بس حاسه فيها مو مطاوعها قلبها
هي الحين امي وابوي والمسؤوله عني
لأن الوالد متوفي الله يرحمه ويغفر له وجميع أموات المسلمين
واخوي الكبير والله لو طلبت منه يكلمه
ان يجيب العيد لانه من اول حاس
انه فيني شي اخبيه عليه
ويتحلف فيه ولو درى انه مزعلني او مضايقني او انه هاجرني من الأساس
بيحتفل فيه هو عصبي ولسانه وكلامه اذا عصب الله لايوريكم !!

قررت اتوكل على الله وارسل هـ الرساله مني له على طول من غير لف ودوران وابغى رأيكم .. الرساله هذا مضمونها >> ( ضاع التفاهم والوصل بينا ..
آستخرت ودعيت الله وربي مابيخيبني تمنيت وانتظرت بس !!
واللي وصلنا له الحين ماله إلا معنى واحد انا وياك ماعاد ننفع لبعض اذا اول موقف صار هذا حالنا كيف بتكون حياتنا بعدين ؟؟
وعني ماجاني منك إلا كل خير وآتمنى انك تحس نفس الشي من ناحيتي والدنيا قسمة ونصيب
آهلي عندهم علم بقراري وكلامي هذا والحين الموضوع صار عندك وانت ادرى كيف تتصرف .. )

وطبعًا امي واخوي راح يكون عندهم علم اكيد قبل لاارسل ..

وعندي سؤال لو انفصلت فعلاً وكتب لي ربي هالشي ، كيف بقدر ابدا من جديد ؟؟
والله احس انه كسر كل احساس حلو بداخلي
وصرت احس ان الزواج هم وغم ونكد
والبنت ماعندها شغله الا تداري زوجها
لايزعل ولايعصب ويتركها بأي لحظه ويتخلى عنها
لما يرن جوالي اقول اكيد هو
بيقولوا خلاص ولا لما توصلني رساله
على طول اتخيلها منه بينهي كل شي بينا
تخيلوا لأي درجة من اليأس وصلت

بس مو مشكله انا راضيه باللي ربي كاتبه لي
ومتوكله عليه ومفوضه امري اليه
بس اهم شي اعرف وضعي بوضوح
ماابغى اجلس اكثر من كذا
بين ايه ولا وممكن ومستحيل ..

اتمنى تعطوني آراؤكم بموضوع الرساله
والتعبير فيها وهل تكفي لتوصيل المعنى ؟؟

ولو طنشني ولارد لأنها عوايده كيف اتصرف ؟
اسكت ولاارجع بعد فتره اتصل او ارسل
ولااخلي امي او اخوي يتدخلون ؟؟

والله يخليكم ويسعدكم ويحقق لكم امانيكم
لااحد يقول انتظري واصبري وتريثي
لي شهرين وعليها صابره واتفاءل وايأس
وانتظر شي مآدري وشو !!

دمتوا
74
19K

يلزم عليك تسجيل الدخول أولًا لكتابة تعليق.

تسجيل دخول

kokiya
kokiya
و الله انا من رايي ابعتيلوا الرسالة و شوفي شو رح يكون ردو ما انصحك تستنيه اكثر ...الله يكتب لك الي فيه الخير
الحربــ بنت ــي
الله يفرج همك
صمت المحيط
صمت المحيط
استخيري ارسليها علا طوووول.... واذا مارد عليك خلال يومين بالضبببط لازم اخوك يتكخل لانه العز اهل...موامك اخوك مهما كانت عصبيته بس استخيري قبل كل خطوة و الله يوفقك...لا تنسين تعلمين اهلك بقرارك قبل الرسالة
-:مسك:-
-:مسك:-
اتوكلي على الله وارسليها دامك مستخيرة ربي بيدبرها
الله يكتب لك الخير ويرضيك به
خالة عبوده
خالة عبوده
أول شئ انتي مقتنعه بفكرة الإنفصال لان شكله الرجال يبغاها تجي منكم خصوصا ان امك لما كلمت امه ماردوا عليكم
ثاني شئ كيف تقولين بعد الإنفصال كيف أبدا حياة جديد انتي أساسا ماتغير شئ فيك لاتزوجتي ولا سويتي عرس ولا حتى كان عندك زوج مثل الناس انصحك لوجه الله لاتفكرين بهذي النقطه ابد أجل وش تقولين على اللي تزوجت وتطلقت وهي لسى عروس >>>> محدثتك ههههههههههه
شوفي أقولها كلمه من وحده مجربه هذا باين من اولها وترى الإنفصال بإذن الله راح يكون لك خيرة واللي يعاملك كذا أساسا حرام انه ياخذ حيز من تفكيرك أجل ست شهور ولا يكلمك والله لو انتي وش مسويه يعني على أول مشكله تخلى عنك طيب الحياة كله مشاكل على كذا مع كل مشكله بيترك كذا
وخلي أخوك يتدخل خليه يمسح فيه البلاط ويطلع حرتك فيه بنات الناس مو لعبه

رسالتك حلوة وواضحه وباين منها انك انسانه عاقله وفاهمه
لازم تستشرين أهلك وخصوصا امك وقبل كل شئ تكونين انتي مستعده للموضوع لان راح يضيق صدرك شوي بس والله انك تفتكين منه من اللحين موب بعدين لاطاح الفاس بالراس وعادي يضيق صدرك شوي ولا يضيق صدرك طول العمر
وحده من زميلاتي نفس وضعك مع أول مشكله تطلقت وضاق صدرها بس ماشاء الله عليها كانت صابرة واللحين الله عوضها بزوج أفضل من اللي كانت ماخذته ألف مرة

أستخيري كثير وخلي أمك تدعيلك ورددي دائما ربي لاتكلني إلى نفسي طرفه عين واصلح لى شأني كله

الله يدبرك على الصالح يارب