قررت اسافر واترك بيتي وزوجي وعيالي مع الشغاله

بسم الله


السلام عليكم




ببدأ بموضوعي بدون مقدمات


انا ساكنه بمنطقه بعيده عن اهلي ( بالشرقيه ) ولي اكثر من سنه ما رحت لهم


المهم انا وزوجي كل يوم فيه خلافات بيننا وتعبت منه



طلبت منه انه يوديني عند اهلي ورفض لانه يتعب اذا ساق السياره وهم ساكنين بعيد جداااااا عننا

طيب وش الحل

قلت احجز لي انا وعيالي والشغاله رفض


بحجة اذا اخذ اجازه يودينا وهو الى الآن ما اخذ اجازه وكل يوم افتح معاه الموضوع ويقول مو شغلك ..!!

طيب شغله صعب جدا بأرامكو ولا يعطونه اجازه الا بعد طلوع الروح .

وش اسوي انا ؟؟

خليته يحجز لي هذا الاسبوع وبروح لوحدي عند اهلي :(


تعبت منه جدااااااااااااااا

معاملته سيئه معي واتعرض لضغوط نفسيه

و آخرتها يقولي احس اني مو طايقك واشوفك زي الشيطان :(

ورب الكعبه يابنات ان ربي معطيني جمال والكل يشهد عليه .

واني اهتم جدا بأكله ونظافتي واناقتي كل شي

بس فيه خلاف بأستمرار بيننا

ما فيه انسجام

وانا الحين خلاص بسافر بس شايله هم عيالي والشغاله بعد

اول مره اروح واتركهم

والشغاله بالثلاثينات يعني مو كبيره



وخلاص سفري قريب :(

وش اسوي


استودعهم الله واروح عند اهلي كم اسبوع

نصايحكم تهمني الله يخليكم

نفسيتي متدمره .. ولا ابغى اقول بيننا عين او سحر حاسه المسأله خلاف قوي وانا نفسيتي متحطمه

وهو نفسيته بعد معدومه ومو طايقني لو اسوي اللي اسوي

وفوق هذا كل صيف واحنا محجورين بالبيت يعني ما عنده سفر ولا تغيير وانا مليت واهلي من النوع اللي يسافروا كل سنه ومتعوده ع السفر والتغيير وهذا الآدمي ما عنده غير السجن :(


نصايحكم تهمني

والله يكتب لي اللي فيه الخير

لو وحده منكم مكاني وشلون تتصرف

حاسه نفسي مرفوضه منه ... ومن نفسي ومن الدنيا

ولا ابغى اقعد عنده وانتحر بالاخير من الاكتئاب :(

الله يثبتنا