قررت استعين بخادمه

السلام عليكم

بصراحه بعد ما تعبت في شغل البيت والطبخ قررت بمسانده من زوجي اني اجيب خادمه


بس لما دخلت المنتدى لاحظت ان اغلبكم يقاطعونهم ويحاولون يطلعونهم من بيوتكم انا حسيت اني كسلانه مو زيهم



المهم انا اكثر شي متعبني اني ساكنه بيت 3 ادوار ما عندي اطفال يعين ما فيه حوسه بس المشكله ان تشطيب البيت مو كويس يعني طول اليوم يدخل غبار والله لا يوريكم غبار الرياض والله اني ماالحق انظف الطاوله الا ساعتين وتغبر تعبت من جد



وغير كذا زوجي يقول ان الشغاله اوفر من ناحيه اني اجيب وحده في الاسبوع مرتين بالساعه وتنظيفها اي كلام تعبت وانا اعلمها بس مو مستعده تتعلم وبعدين مو ملزمه تتعلم مني
وغير كذا فيه عامل يجي ينظف السياره والحوش ويسقي الزراعه الخارجيه ومع هذا يجي يوم و3 لا ولازم ياخذ راتبه كامل :(

غير الكوي برى تصدقون من زواجنا وزوجي مغير الكواي يمكن اكثر من 5 مرات واخرتها يكوي ثيابه عند واحد وشمغه عند كواي ثاني

فهو يقول اذا جت الشغاله اقلها يكون البيت طول الوقت نظيف ونفتك من العامل ومن الكوي برى



شو رايكم
وانا جازمه انها باذن الله ما تلمس الطبخ ابد لاني انا احب المطبخ واحب زوجي ياكل من يدي

ملاحظه: انا اشتغل تقريبا 3 ايام بالاسبوع



استنى ردوردكم واقتراحاتكم




تحياتي
نيمووو