قررت اشتري كفن لي !!

السلاااااااام عليكم ورحمة الله وبركاته

مثل مو مكتوب بالعنوان قررررررررررررررت وبقوووه اشتري كفن لي كل يوم اشوفه قدامي كل ماجتني مصيبه

ولاهم ولاحزن اروح لدولابي واشوفه وتصير كلها تفهات امام الموت لاني والله تعبت ابكي تعبت هم وتفكير

ابغى الدنيا تكون ولاشي قدام الاخره ابغى اشوفه وتهون علي هموم الدنيا اللي اتعبتني لمتى واحنا دنيا دنيا

صح انظلمت واااااااااااااااااااااايد ولاباليد حيله بس والله ان كل هذا سبب رجوعي لله صح اصلي وادعي واستغفر

وكمان اخاف الله بس ابغى شي يزيد إيماني ويقويني على هموم الدنيا ويرفعني بالاخره درجات واظفر ****لله

بجنه عرضها السموات والارض وتكون الدنيا ولاشي بالنسبه لي و****لله ماراح اهمل بيتي واولادي وزوجي

وراح اضحك واسولف معاهم واعطيهم كامل حقوقهم لاكن ****لله راح اخلي همي الاكبر الاخره

قال الرسول صلى الله عليه وسلم

((اكثرو من ذكر هادم اللذات!قلنا: يارسول الله وماهادم اللذات ؟ قال:الموت .)) رواه الترمذي

يعني يكفي الرسول صلى الله عليه وسلم وصانا بالاكثار من ذكره . مو تطلع لي وحده وتقول انت تكرهينا بالحياه

وتعبينا نفسيا لاوالله مو هذا قصدي انا حبيت اذكر نفسي اولا واخواتي لان الجنه تستاهل ان نجتهد ونعمل

ونصبر منشانها.

ماحلل ولا اسامح اي وحده ترد برد غير لائق وجارح لاني قسما نيتي طيبه .:(