ايوا صحيح ليش ما تقدمي ع الضمان

اسال الله ان يغنيك من واسع فضله
ليش ماتسوي حضانه جارتي مسوي حضانه وكل طفل تاخذ عليه ٣٠٠ وماسك بالشهر ١٣ طفل من غير اللي يجونها بالساعات الساعه ب ٣٠

الله يرزقك بالرزق الحلال ويرزقنا ويفرج همنا وهمك

كلام الأخوات صحيح ،شغاله ما تنفع لك لأسباب كثيرة و أهمها الي ذكرو البنات زائد انك سعودية ولو شكلك مختلف بيعرفونك و بتنكشفين عاجلاً ام اجلاً ،و بمكن تصيري معرضه لاشياء من الرجال الي في العوائل هذي اكثر من الاجانب لتحرش او ما شابه.
سوي الأمور حق الطلاق حقك عن طريق المحكمة و ترى الشيخ ممكن يسرع امورك اذا فهم وضعك .
في نفس الوقت روحي لقصور الافراح و اسألي مين الي ماسكه الشغل حق قاعة الحريم و خودي رقمها من عندهم ،كلميها و اشرحي لها الوضع و ان شاء الله يحصلون لك شغل معاهم (من صبابة او مسؤولة عن مراقبة الجوالات او حقت العبايات او مشرفة ) . و شغلهم بالعادة يبدأ من بعد العصر الين الفجر و وما يكون يومي الا في الاجازات . روحي لكم قاعة و اسالي عن ارقامهم في الادارة اذا كانت مسكرة حاولي تروحي في وقت من الاوقات الي قلت لك عليها ،اما بالنسبة لمين يوصلك للقاعة اذا جاتك فرصة العمل فقولي للمسؤولة الي وظفتك انه ما في احد يوصلك و خليها تشوف لك مكان مع الي يوصل البنات الي يشتغلون عندها يوصلك معاهم في الجماعة (بالعادة يكون زوج وحدة منهم يوصلكم اول شي ثمن يروح لبيته مع زوجته و كل وحدة منكم تعطيه مبلغ رمزي بالشهر او اليوم على حسب اتفاقكم)،وربي يرزقك الي فيه الخير ان شاء الله ويسر امر

ياقلبي انتي الله يرزقك ويرزق الجميع يارب ..
عندك المصانع لجميع الشركات يبون سوا حلويات السلام او شركة المراعي او حتى شركة البسام حقت الغتر .. قدمي عليهم كلهم يبون بالهبل ورواتب كويسه ..
عندك محل لتوظيف بحي الضباب يوظفون بالمولات لشركات تابعه للحكير ** لجميع الشهدات انتي روحي له وقولي معاي كذا وكذا وابي وظيفه واهم ماراح يقصرون لأنهم دايم يطلبون ..
عندك المطاعم كنتاكي هرفي مايسترو الخ يبون كول سنتر روحي مكان الاداره الرئيسيه وقدمي ..
عندك المستوصفات والمستشفيات الأهليه مثل التخصصي الطبي او الحبيب او دله .. قدمي عندهم سوا استقبال او ملفات أو اي شي ..
عندك شركه في مستشفى الملك فهد الطبي يأخذون حتى الي معها ابتدائي يشغلونها بالمستشفى سوا تنقل ملفات او تساعد المرضى بنقلهم من كرسي او توديهم اذا عندهم اشعه وكذا .. انا ناسيه اسم الشركه وش بالضبط بس روحي مبنى العيادات الخارجيه تلقين بالاستقبال بنات تبع الشركه قولي ابي اقدم على نفس الشركه الي انتو فيها وراح يدلونك ..
عندك شركات الكوفي سوا د/ كيف او جافا تايم دايم يطلبون يبون موظفات بحيث يشغلونهم يسون كوفيهات في الجامعات للبنات .. وعايدي اي شهاده ..
عندك الماركت الكبار بنده العثيم أسواق المزرعة دايم يطلبون كاشيرات ورواتب كويسه وفوق هذا أسواق المزرعة يعطون برمضان راتبين ..
جامعه نورا دايم يطلبون حارست أمن او قدمي على الشركه المخصصة للحاراسات الامنيه واهم راح يوظفونك ويحطونك بمكان الي محتاجين حاراسات..
وشي حاولي تسوينه لاترسلين السي في إيميل افضل شي تروحين لهم رائسن ..
اتمنى اكون افدتك وأفدت الجميع 💖