قررت اطلب الطلاق<<وانا مرتااحة البال

اهلين خواتي
انا بختصر لكم نبذه عن الي صار بعد صدمتي في زوجي ومكالماته لوحده غيري
طبعا صارحته باللي صار وعلى طول رد علي وهو يضحك ويقولي تطمني وريحي بالك
ايه هذي وحده كلبه تبي تضحك علي انا انا طلعت اشطر منها
قالي انه وحده اتصلت عليه وقالت تبي سلف 1200 ريال وهو ارسل لها يقول شيلي الاصفار وابشري
اما رسالة انه كتب لها صباح الخير انكرها نهائيا
ورسالة سكران يقول ماني متذكر
المهم
قلت له الحين تفهمني كل شي وبالتفصيل وبدون زعل انا ماني زعلانه منك زعلانه من اللي سويته فيني
رد علي وقال يووووه نومااان قالها وهو يضحك << لاحظو الاستهتار في مشاعري كيف:27:
المهم رديت عليه بكلمه وحده قلت طيب بسيبك الحين تنام
وعلى طول قطع عليه ماخلاني اكمل كانه يبي يتهرب من المشكله الاساسيه
وقال انتي تهدديني بتسيبني انام وبعدين اذا صحيت وشش بتسوين
لاحظو كيف ردة الفعل الغريبه طيب انت مو قلت في المطبخ وانت تشرب مويه انه تبي تناااام وتقولها بسخريه وضحك
المهم قام يسبقني بالصراخ وانتي ليه تتجسسين على جوالي << جوالي هو اللي يرد عليه اوقات يعني مابيننا هذي الهرطقه اللي يقولها
وصار هو اللي زعلان انقلبت الايه في لحظه
على فكره نسيت اني اقولكم اني فاتحته في الموضوع وانا في قمة الروقان وجالسه اتريق عليه جبتها بالسلوب انه بعد يوم عجزنا قمت تخبص ومن ذا الكلام
المهم
نمت وتركته لليوم الثاني
وطبعا مر اليوم ولا كانه في مشكله بالنسبه له
يسولف ويضحك مع اولاده يجي يسولف معاي كم كلمه ارد عليه لكن في نفس الوقت ابيه يعرف ان كرامتي مجروحه وانه قهرني لكن يتجاهل ذا الشي يبيني انسى الموضوع بدون تفاهم ويبي وتمشي حياتنا على مايرحيه هواه
المهم
ماعطيته اي فرصه وهذا الشي غصب عني انسانه مدمره وبركان يغلي في قلبي ماقدرت اسامحه لين يعتذر ويعلمني وش علاقته فيها بالتفصيل ويحلفلي انها نزوة شيطان ومعاد تتكرر لكن للاسف يعاملني كاحيوانه لا مشاعر يبيني اخلص من الموضوع بالطريقه اللي تعجبه
رفضت ومازلت رافضه
اخر شي تخاصمنا وقالي تبين عند اهلك قلت ايه دام الموضوع مانتهى مستحيل اجلس وهذي المره اقولها بصدق من قلبي معاد ابي اعيش معااه
قالي بكل بساطه روحي خلي اهلك يجون ياخذونك والقلب داعيلك
طنشت
جاء اليوم اللي بعده ونفس اللي صار امس قام يسولف وانا عادي اسايره اقول لعلا وعسى يفاتحني بالموضوع ويعتذر ونفتح صفحه جديده لكن انصدم انه مازال يشوفني حيوانه ماستحق اني ازعل اصلا هو يشوف زعلي تمثيل كيف بالله بيحس فيني؟؟؟؟؟؟؟؟؟؟
لا بكيت جن جنونه ويجلس يصيح وينفخ ويبرد كل اللي في قلبه وانا مايبيني حتى البكى اللي بيخفف علي مايبيني ابكي
المهم
اليوم بالتحديد الساعه 2 كنت ماشيه على جهة الصاله ارتبها وابي انام الا يناديني تعالي اجلسي على بالي يبي يتكلم الا هو بس يبيني اجلس معه او في حضنه بدون اي نقاش في الموضوع اوعتاب مني يبي هو يستحوذني على هواه
المهم مارضيت ورفضت وقلت له ابي انام
قال مع السلامه والله يعينك على نفسك
انا هنا انجنيت لهادرجه ماني انسانه عندك لهادرجه شايفني عديمة الاحساس
لهادرجه قلبك قاسي معايه
المهم ارسلت له رساله قلت له ابيك انت تعينني وتحتويني وتخفف مصابي
تتوقعون وش صاار

جاء عندي الغرفه فرحت احسبه بيعتذر ونتناقش بهدووء
الا هو يقولي قومي ابي اجلس على النت
طبعا انا ماكنت مشغله النت من يوم صارت المشكله بس جالسه على الكرسي
رحت انسدح وسمع صوت انين وبكى وهذا الشي غصب عني ماعرف اتكلم مثله ولا اعرف ارادد مثله
ماعندي غير القهر والدموع هي الراحه لي
انهبل قام يصيح ويسب والله يلعنك ويلعن اليوم اللي شفتك وسب كثير ومنها رووحي بيت اهلك فكيني منك انتي نكديه انتي جبتيلي الهم من يوم عرفتي وانا في مشاكل<<< كذاب لو انا راعية مشاكل ماجلستني في بيتك دقيقه وحده
(روحي غيري حياتك روحي شوفي وجه جديد غيري << لاحظو هنا تكلم على شي كانه نفسه هو يسويه)
روحي يابنت الناس بيت اهلك وعلميهم اني اعرف وحده عليك وتطلقي وارتاحي
قلت لا اعوذ بالله ماقول ولا افشي سر حياتي عند احد ننفصل بهدووء قام يصيح
انا بقووول انا بعلم انا بفضح نفسي بقول هذي بنتكم خذوها لاني اعرف عليها وحده
تركته وطنشته وجلست ابكي بحرقه
وقام يصيييييح مايبي يسمع صوت البكى
انا بس انعاد علي شريط السب والكلام اللي قاله ومعاملته معايه من يوم عرفت سالفته عرفتي قيمتي عنده
باختصار انسانه مربيه لعياله منظفه لبيته مجهزه عيشته يعني باختصار ماني زوجه لا وحده ممشيه الحال عنده
قررت اقوم اصلي واتعوذ من الشيطان وادعي ربي بقلب نظيف وصادق ان ربي يريحني ويطفي نار الغضب اللي فيني
وقلت يارب ان كان انا ظالمته في حياته ربي يصرفني عنك وان كان انا مظلومه معاك من يوم تزوجتك ربي يصرفك عني
طبعا صليت الاستخاره ودعيت من حرقة وقهر
يارب اطفي نار الغضب اللي في قلبي يارب اطفي نار الغضب اللي في قلبي وجلست ارددها 100 مره
ولكم ايش صار لي

حسيت براااحه كبيره حسيت نار الغضب اللي في قلبي انطفت (اقسم بالله العظيم معاد اشعر فيها)
حسيت اني معاد اقدر اعيش معه حسيت انه هذا الانسان غريب عليه من ذي اللحظه
وقررت انسحب من حياته بكل هدووء واروح بيت اهلي واطلب الطلاق
وهذا انا اكتب لكم قراري وانا مبسوووطه قمت رتبت البيت وبخرته كالعاده:39:
استغرب من الرجال اللي يستغفل الحرمه ويلعب من وراها خاصةلا كانت حافظه بيتها وزوجها وعيالها ومخلصه معاه لاخر درجه
مدري وش يحس فيه الرجال لا تونس مع وحده ساقطه فاجره هل لان الرجال يمتلك في داخله جزء بسيط من الخباثه والفجر والفسوق؟؟؟؟؟؟؟؟؟؟؟؟
ماتلاحظن يابنات انه الرجال يسوي الغلط وهو مفتح عيونه بدون خوووف من الله قبل الحرمه
مدري وش يحس فيه؟؟؟؟