انا من رأيي تقرصينه قرصه ف قلبه تصحيه روحي عند اهلك واجلسي قد ماتقدرين ولاتردين ولاتتصلين خليه يحس انه راح يفقدكم وراح يجلس مع نفسه ويحس بغلطه ويعرف قيمتكم لازم تاخذي موقف ابد لاتضعفين وان شاءالله ربي بيهديه ويسخره لكم

الله يجزاكم الف خير ونعم الاخوات والله
دعواتكم بلسم على قلبي الله لايحرمك الاجر والله يسعد كل من اضافت نصيحه او دعوه
واللي بكت الله لايذوقك غير دموع الفرح يارب ماتدرون كيف اسعدتوا قلبي
الحمدلله انا لي فتره استخير وماراح اقرر الا بعد مااحسبها صح يكفي اني تزوجت بدون مااستخير واكيد ماراح اكرر الغلطه
وبالنسبه لبنتي هو قالي مره لو طلقتك خذي البنت لك ماابغاها وانا مستحيل اتنازل عنها مستعده اصبر واتحمل واخسر كل شئ بس مااخسر بنتي هي عندي بالدنيا كلها
واهلي الله لايحرمني منهم بيتفهمون وضعي وخصوصاً ابوي لو يعرف عن اللي يصير مابيتركني ابد
ابوي عنده كل شئ الا بناته له وقفات معي ماانساها الله لايحرمني منه
بعد موت ولدي بشهر حجز لنا انا واهلي على اندونيسيا وسفرنا عشاني والدكتور كان محذره من السفر لان عنده ضيق في الشرايين وكان مقرر له عمليه قسطره للقلب ومع ذلك كانت سعادتي اهم عنده من كل شئ وخبوؤ عني الموضوع عشان لااشيل هم في السفره وانبسط الله لايحرمني منك يااحن قلب بالدنيا

بالنسبه للي تسأل عن شخصية زوجي هو يستحقر الحريم والبنات بشكل فضيع وحتى اخواته يعاملهم كذا وهذي تربية امه الله يسامحها يستحقرون البنات والاولاد عندهم شئ مقدس حتى جدتي ام امي كانت اذا وحده من حريم عيالها جابت بنت تمرض جدتي وتسخن من القهر
سبحان الله بعكس امي وابوي يعشقون البنات وابوي ربى اخواني على احترام البنت وتقديرها وماشاء الله طلعوا اخواني ونعم الرجال يعاملون زوجاتهم احسن معامله الله يسعدهم ويوفقهم يارب

ياعمرى الله يكون بعونك
استخير اول وشوفى وش يامرك ربي عليه
روحي لبيت اهلك وخلي الموضوع بيدين الرجال افضل لان بعض الحريم والحموات الله يصلحهن يزيدن المشاكل بين الزوجين 
صدقيني الرجال اكثر حكمه من بعض الحريم وذا عزمتى على الطلاق تاكدي من شي وحد ان الله سبحانه ماينسى عبدة 
ومامن دابه تمشى على الارض الا وعلى الله رزقها 
الله يفرج همنا وهمك ويرزقك على قد صبرك ونيتك 

اذا سحبك وحرمك من وداع ولدك
اذا شكل بنته وتأثرها وبكاها ووفاة ولده ماغير فيه شي
والله مااظن يتغير ابد
مافيه ميزه وحده تستاهل البقاء
لا بيت ولا مال ولا احساس ولاحياه كريمه
استخيري بالطلاق
هذا انسان قلبه قاسي
اتوقع انسان مر بكل هذي الظروف ماتغير
مايغيره شي

يابنت الحﻻل كلن ياخذ نصيبه وبعدين صار ياكثر الطﻻق قبل الزواج صار عادي ...وانا صادقه وربي ماحد يبي الفرقاء لكن الظروف تجبر وكلن له قسمه وبتعيش البنت ويمكن تاخذ حضانه افضل من انها تجيب غيرها نصيحه وتستخير لوجه الله افضل بعد بكثير
...اما انا عند نفسي ودي يطلقني مو عشان شيء بس ﻻني خﻻص مهملني عقب ماكان مهتم فيني وياما حاولت وحاولت وكنت ابي طفل حتى الطفل كنت اروح اتعالج وهو ﻻ ياشيخه لن يصيبكم اﻻ ماكتبه الله لكم