قررت اطلب الطلاق

السلام عليكم
قررت اطلق من يوم زواجي وانا في هم و غم ما يعلم به الا الله بس من تحت راس زوجي، قد ما اسوي مايبان
متزوجة من سنتين عمري ٢٧ وعندي ولد عمرو شهور، بينا مشاكل كتير وعندي تشنج وقت العلاقة ودايما يقولي انا مو مرتاح معاكي طيب دا شي مو بيدي انا بحاول اضغط على نفسي اي وحدة عندها تشنج او عانت منو حتفهمني وتعرف انو شي مو بسيط اقلو وديني عند دكتورة مو راضي يقولي انتي تدلعي! مو بس دي المشكلة
من تعاملو معايا احسو يكرهني يقولي انا حكون معاكي اسوء من اول وبيتك مو نظيف لو مره وحدة كنت تعبانه وما غسلت الصحون يصور و يوري اهلو اي مشكلة تصير يتصل على امو ويقولها، ما قصرت عليه في يوم وحتى في نفسي ما قصرت البس انظف بيتي مهتمة في ولدي برضو ما يقدر شي.. حتى يقولي انا ما ابغاكي ويوم اسود لما شفتك اهانات وتجريح دي حاجات بسيطة من اللي بيحصل معاه .. اليوم رحت بتفاهم معاه يسكتني يقولي ما ابغا اسمعك احاول اتفاهم واصلح ما يسمعني يزعل يسك باب غرفتي ويقفل النت او يشيلو سيء بمعى الكلمة معايا
اليوم انا وصلت معايا وكنت بفكر من فترة في الطلاق قلتلو طيب طلقني يقولي روحي بيت اهلك وكلمي ابوكي وقليلو تبغي تتطلقي ابويا قبل كده قدامو قال اذ حياتكم كده الطلاق احسن .. مافي داعي اعذب نفسي معاه ولا اعذبو معايا ..
غير كل دا مد يدو عليا اكتر من مرة، بس انا الصراحة ما بسكت وضربني اضربو
كتير حاولت اكسب اهلو عشان اكسبو، اطبخ يوميا مشاءالله ، اهتم في البيت وفي نفسي ولا في فايدة .. معقولة اطلق بعد سنتين ونا بدا العمر وعندي ولد بسبب عقلو؟
ما اقول غير حسبي الله ونعم الوكيل ..