قررت اطلب الطلاق

السلام عليكم ي بنات اخباركم
انا قررت اطلب الطلاق اتزوجت شخص اكبر مني تقريبا ب٢٩ سنه وعمره بال٦٠ الان اتزوج لان زوجته تعبانه ولاهي قادرة تقوم بحقه الشرعي
وفرق العمر مسوي مشكله بيني وبينه جدا جدا فوق ماتتخيلون اولا بذكر لكم ايجابياته وبعدها السلبيات
وانتم احكمو سالتكم بالله
اولا يصلي وكل صلاه يصليها بالمسجد ثانيا كريم ومعطاء جايب لي خدامه ويصرف عالبيت من الالف للياء وماثث لي بيت فخم
وانسان طيب ويخاف الله
نجي للسلبيات اولها العلاقه ماكان يقدر يجامعني كان يفقد الانتصاب فجاه وبعدهاانحلت المشكله وصارت العلاقه مرات كثيره والحمدلله
ثانيا انه انسان كثير التدقيق ٢٤ ساعه مدقق بالبيت وبتصرفاتي وبالخدامه وهذا بسبب الفراغ لانه انسان فاضي مايطلع ولايخرج من البيت انسان بيتوتي درجه اولى وجالس بالبيت ٢٤ ساعه مقابل وجهي ويدقق بكل صغيره وكبيره مثلا الزنجبيل ليش ماغسلتيه قبل لاتحطينه بالشاهي والبقلاوة خبيها وغطيها عشان الخدامه لاتتفل لنا فيها وهذا غير تدقيقه بالخدامه مدقق فيها ٢٤ ساعه ويراقب بحركاتها وتصرفااتها ٢٤ ساعه
وهذا غير تدقيقه على كميه أكلها يقولي انتي دايما تكثرين لها الاكل ي فلانه واقوله احتسب لوجه الله تعالى وكله محتسبته لوجه الله ويقولي احتسبي لوجه الله بس اعطيها اكل بقدر حاجتها موتعبين لهاالصحن وتحطين لهااكل فوق طاقتها وفوق احتياجها يعني ي بنات باختصار ادمي يدقق ٢٤ ساعه بكل صغيره وكبيرة؟!
و٢٤ ساعه حاط مجهر مكروسكوب ومدقق انتي ليش،قمتي ورحتي الغرفه طيب ليش جالسه هنا وليش ماحطيتي صابون عالمغسله حقت الايدين ولاتخلين الخدامه تفرش السفره لانها توها مغسله دورات المياه يعني ادمي بصراحه يدقق بكل صغيره وكبيرة ي بنات وهذا الشي اتعبني واهلكني نفسيا ي بنات ؟!ابغى رايكم ي صبايا هذا غير انه رافض يعطيني مصروف لوالف ريال شهريا اجيب فيها كريماتي واشيائي وملابس لي وعطورات +انه يرفض يوديني بيت اهلي كل اسبوع يقول تروحين لهم كل اسبوعين مرة وراقض يوديني زواج ولد بنت خالتي بمدينه ثانيه؟! هذا غير اني طحت على مقطع لزوجته معه بالواتساب تطالبه انه يصرف عليهم وتطلب منه يحولها لوالف اوالف وخمسميه ريال وتقوله اناشايله البيت من الى وشايله الجمل بما حمل لكن ويمين بالله مابصرافتي غير ٥٠ ريال وحتى بنتنا كنا بنوديها تشرب شاهي ونجيب لهاايسكريم عشان خلصت الاختبارات ومااامعاي شي،ابدا فرجاء،حول على حساب ولدك الف اوالف وخمسميه ريال وانا عارفه لواتصلت فيك مابترد علي زي عادتك دايما وبتقفل الخط بوجهي لكن حرام عليك انت مسؤل عن عيالك ماقلت بذخ عليهم لكن لاتخليهم بحاجه ولاتخليهم محتاجين حرام عليك اتق الله في وراك حساب وعقاب 
وبس ي بنات وش رايكم الي فهمته انه ظالم زوجته ولايصرف عليها ولاعلى عيالها وانهاشايله كل شي على ظهرها ! مع العلم انها مدرسه وتصرف على بيتها من الالف للياء