قررت اعتني بنفسي / برنامجي للعناية الداخلية والخارجية

بسم الله الرحمن الرحيم

والسلام عليكم ورحمة الله وبركاته

بنات من غير مقدمات
انا من جم اسبوع كتبت مواضيع عن مساعدتي في العناية بنفسي
والبنات ماقصروا وساعدوني بس انا كسولة بكل ماتعنية الكلمة :44:
واليوم توني قبل دقايق قررت اني اعتني بنفسي واسوي برنامج عناية داخلية وخارجية

اول شي العناية الداخلية
اول مااقوم حق صلاة الفجر اشرب كوبين ماي

وبعد الصلاة اذوب ملعقة عسل بكوب ماي واشربة

وبعدين اسوي لي ريوق اكل بيضة او بيضتين مع توست اسمر او كرواسان بالجبن او تفاحة
واشرب عصير برتقال فرش

وضروي كل ساعتين اشرب كوب ماي

وع الغدا اكل دياي مشوي او لحم مشوي او عيش ابيض
ومع الغدا اكل سلطة خضار ولازم كل يوم ع الغدا اكل سلطة فضار
واشرب قبل الغدا بنص ساعة كوبين ماي
وضروري باليوم اكل فواكة
وع العشا مااكثر اكل واكل وجبة خفيفة
وشرب الماي 2 الى 3 لتر يومياً
الرياضة هذا اهم شي
وانا عندي جهاز مشي وسيكل واثقال للبنات وحبل النط
وبخصص ساعة للرياضة بس اول شي ببدا بـ 10 او 20 دقيقة بعدين بزيد
وهذي اهيا العناية الداخلية

نجي ألحين للعناية الخارجية
اول شي الشعر
شعري اسود باهت وخشن ومن تحت متقصف حييل
وكل منفوش ويتشابك ميزة شعري الوحيدة ان كثيف
المهم نجي للعناية بشعري
اول شي
احط بشعري زيت طلبة من ام رفيجتي وانا ماخذيته إلا لما جفت النتيجة على شعر ام رفيجتي
المهم احط بشعري الزيت 3 مرات بالاسبوع
الاثنين والاربعاء والسبت
ويوم الجمعة احط ماسك حق شعري
اللي هو زبادي + مايونيز - زبدة + زيت زيتون + عسل
واحطة بشعري ساعة او ساعتين
وبعد الاستحمام ارش بشعري بخاخ جوز الهند من صيدلية بوتس واحط سيروم باطراف شعري
وقبل النوم اسوية عجفة او جديلة
اممم خلصنا من الشعر

الحين نجي الوجة
يومياً اول مااقوم اغسل ويهي بصابونة بابايا اللي فيها قطع
وارش عليها ماي ورد مع عكر الفاسي
وادهن ويهي بمرطي كلين اند كلير البنفسجي للتفتيح
ولما اطلع ضروري احط حماية من الشمس
ومرتين بالسبوع احط ماسك
يوم احط ماسك الهمالايا بطين المعدني للصفاء البشرة حيييل فادني وصفاء بشرتي
وقناع الحلبة وعرق السوس للتفتيح هم حلو وفتح ويهي شوي
ويوم الجمعة هذا مخصوص احط في ماسك الزبادي مع العسل

ورموشي كل يوم قبل لا انام احط فازلين عليها حيييل فادني وطول رموشي وكثفهم
وتغيرت رموشي حيييل اول كانت عيني قرعة بس الحين صارت رموشي تطلع

وشفايفي قبل لا انام اقشرها بسكر + زيت زيتون + عسل
وارطبها بفازلين واحط واااايد
وارطبها كل مانشفت

وخشمي في رؤوس سوداء
فانا احط له لصقات الانف من نيفيا عجيب تنظف لي خشمي عدل وتخلي يلق لق
وبعدين امسحه بتونك كلين اند كلير الازرق للرؤوس السودا

ااامممم الحين نروح للجسم
انا جسمي في شعر وااايد وشعر تحت الجلد
بعد فاانا قبل لا اشيل جسمي
راح افرك جسمي بملح الحليب وكريم كاب وبشوف النتيجة
وبعدين انا من شهرين او 3 طلبة خلطة صابونية مع مجموعتها كاملة
وصج فتحت جسمي حيييل خصوصاً ذنودي ورقبتي وايدي كانت المفاصل سودا الحين صارت قريب من لون ايدي وهم الركب والاكواع
والمجموعة تكون من ( خلطة صابونية للجسم + مقشر للجسم + سنفرة للجسم + كريم تفتيح للجسم + خلطة صابونية للوجة )
للامانة خلطة الصابونية للوجة كان قوية على بشرتي فصارت تطلع لي حبوب
فانا ماادري يمكن تفيدكم

اما الترطيب فهذا شي حيييل مهم
فانا ارطب جسمي كل بزيت جونسون للجسم ويخلي جسمي ناعم وطري
وبعد استعمل لوشن فازلين الوردي والثاني اللي بالمسك
وقبل النوم دهن جسمي بجلسرين واركز ع الاماكن الخشنة

ما ايدي فهذي حالة خاصة
خشنة وكلها تجاهيد
فانا كل اسبوع بسوي بديكير لها
واول شي ويوم وترك افركها بملح خشن وليمون
وارطبها بجلسرين
ورجلي نفس الشي برطبها بجلسرين قبل لا انا
واظافري احط لهم معذي اختي شرته لي من الانستقرام
قوة لي اظافري وخلها مايتكسرون عكس قبل
وبعد يوم وترك بدلك اظافري بزيت زيتون واشوف النتيجة

واما المنطقة الحساسة
كل اسبوع احلقها
احط زيت جونسون احلق اول شي بتجاه نمو الشعر بعدين احلق بعكس اتجاه نمو الشعر
وبعدين انشفها واحط كريم سودو مع زيت اللوز المر
وضروري بعد الحمام اكرمكم الله انشفها
لان الرطوبة اهيا ساس البلاء

اممم الحين خلصت من كل شي وقلت لكم عن جدولي اللي بسوي
واتمنى تدعوني بنجاح وتوفيق لان تدرون الامتحانات قربت
وحق كل وحدة نفيدني لها مني دعوة صادقة