مساء الورد
اخيرا روقت وقررت انزل موضوعي وفرصه بما انه شهر رمضان على الابواب واللى مايعرف الموضوع يرجع لملفي الشخصي
قررت انزله بالحياه الاسريه للفائده الاكبر
هذا الموضوع عزيز على قلبي كل مابدات اضعف او امل ارجع له كل فتره فقررت انزل جزء خاص برمضان
طبعا نتكلم عن اهدافنا الدينيه
وش قررتى تعملي برمضان هالسنه وش الخطه اللى سويتيها عشان تستفيدين وتاخذين الاجر
انا قررت اختم ختمتين وقسمت القران على هالاساس ورتبتت يومي بحيث استفيد من الاجر والاحتساب
طبعا الاحتساب مو في حاجه في كل حاجه في ترتيب البيت في حسن تبعلك لزوجك في تربيه لابنائك في طبخك انا اشوف كل اللى حولينى الله يعين على شغل رمضان هذا كل اللى شاغل بالهم واستغرب بصراحه لهالدرجه مره بتنكرفون مع التنظيم والاحتساب ترتاحون صدقونى
طبعا فتحت الموضوع عشان نعطى بعض افكار فكره منك وفكره منى والكل يستفيد وناخذ انا وانتى الاجر :):)
جلست مع عيالى ابكتشف وش يعرفون عن مفهوم الصوم لقيتهم ولاشىء مايعرفون ليه نصوم ولمن فهمتهم عن معناه مره انبسطوا وولدى تحمس يصوم على الاقل نص يوم
خلينا نقول نبدء يومنا من لمن يقولون بكره ليله رمضان نبدء الاحتساب بالمباركه على الاهل واللى بيعمل السحور واللى مشغول انا ابتدء يومى من الليل اقرر وش اعمل فطور وابدء اعمل الحشوه والحلا والعصير ولو مثلا سمبوسه رقاق او بيتزا احمرها من الليل والظهر اسخنها طبعا افطارى ببيت العائله فاحتسب الاكل افطار صائم عشان اخذ الاجر واكمل شغل بيتى عادى وقبل الفجر اجهز جهاز بسيط لبس لي ولكل شخص بالبيت مرتب مع الداخليات والشراب وخلاص اصلي الفجر واقرا اذكارى والجزء اللى مقسمته للقراءه وانام اصحى الظهر اصلي واكمل قراءه وارتب البيت واغسل غسيلي قبل لايصحون عيالى واعمل لهم شىء ياكلونه وكل واحد يصحى اغير له والبسه واكشخه واعطره واخلص منهم وخلاص بين محاضره او قران في المطبخ وبين رايحه جايه على الغسيل من غير الاستغفار والتسبيح والاحتساب كل ماحاسوا شىء مااعصب احتسب بس اخليهم يرجعون يرتبونه قبل المغرب بنص ساعه اكون مخلصه ومشطبه مطبخى ولابسه اكمل قراءه قران لحد ماياذن خلونا هالمره نوحد الدعاء قبل الافطار ادعى للمسلمين والمحرومين والسجناء والاموات والمريضين والحوامل ادعى للكل عشان يقول الملك ولك بالمثل
خلصتى فطور انا انام بعد الافطار الين صلاه العشاء اصلي واكمل نومى الين 10 اقوم اكل انا وعيالى واحوس بين كوى وترتيب ساعه بس واخذ لى ترويقه على النت او اى شىء
اكون مقرره وش اعمل سحور ادخل اعمله واسوى اصناف الفطور ماتاخذ ساعه ونص وبقيه اليوم لي
طبعا قراراتى غير ختم القران
ابقاطع المسلسلات والاتصالات ماابي غيبه ولانميمه
هالفتره ابتعدت عن كل شخص يجلب لى الاكتئاب بالشكاوى او التحطيم او حتى بس يقول الله يعين على الكرف انقهر :(
وحاوطت نفسي بناس متفائله تشجعنى واشجعها والتواصل بالذكر والعباده والاحتساب وسماع المحاضرات
في ناس تقول صعب انى مااتابع مسلسل ومدرى ايش والله مو صعبه انا من العام مااتابع ابد ولاشفت الاعاده يعنى مشغوله بالنت بشغل البيت سويت لنفسي جدول امشى عليه لشغل البيت وماانسى عنايتى الشخصيه واهتمامى بنزول وزنى
كلامى مخربط والله داريه :)
بس المقصد فكره منك ومنى نغير حياه ناس كثيرين وتعالى ادلى بدلوك ونتابع الموضوع سوا ونتابع بعض يعنى صحبه طيبه واجتمعنا لله وفي الله نشجع بعض ونساعد بعض واللى تبي مساعده نعطيها واللى تبي حماس نحمسها وهكذا :)
يارب فهموتوا المقصد وانتظر ردودكم
يلزم عليك تسجيل الدخول أولًا لكتابة تعليق.
ماشاء الله عجبتني همتك وحماسك .....ان شاء الله دوم هالنشاط يارب ..
انا بعد قررت رمضان السنة هذي غيييير ان شاء الله .. بس ما عملت جدول ينظم وقتي , بحاول في
اليومين هذي اعملي جدول يناسب وقتي وظروفي ... جزاك الله خير على موضوعك اختي ...
انا بعد قررت رمضان السنة هذي غيييير ان شاء الله .. بس ما عملت جدول ينظم وقتي , بحاول في
اليومين هذي اعملي جدول يناسب وقتي وظروفي ... جزاك الله خير على موضوعك اختي ...
صعب اتجاهلك خخخخ معليش والله ماانتبهت من الصبح وانا مقرره ترتيب الموضوع بس اشغلنى زوجى ونسيت وش كنت ابكتب خخخخخ
نورتى يالغلا :)
روحى فداه شاركينا بجدولك:)
فتاه تبوك نورتى يالغلا :)
نورتى يالغلا :)
روحى فداه شاركينا بجدولك:)
فتاه تبوك نورتى يالغلا :)
الصفحة الأخيرة
وشجعتينا بس انتي قلتي
انام الين العشا واصلي وارجع انام
طيب وين التراويح ليكون اكلتيها ههههههههههههه
الله يبلغنا رمضان