كلام بالصميم يالغاليه

وكأنك تتكلمين عني وعن الي اعاني منه

اولا بالنسبه للطلبات

صرت زيك بالآونه الاخيره

مثال من غير غيبه

ناس تجي عندي من اقرب الناس

كل اسبوع طبخ ونفخ وبالاخير ما انعزم لو مره وحده

ناس تموت وناس تحي ههههههه اقصد يولدون

واروح وأوجب

وانا اقرب الناس تموت عندي الناس الي رحت لهم ما قدروا وضعي ولا قالوا على الاقل اتصلت

وهالناس مره قراب يا ساتر وش صاير يالدنيا يا ذوق لا لا عن جد وش صاير

ليه الناس يحبون انك ترفعين التلفون تعزمينهم برا او داخل البيت

وما قد مره كنتي زهقانه جو ونسوك ولا قالوا يا فلانه تعالي عندنا لو على شاي حاااااااااااف مو اشكال

اهم شي صلة الرحم وربي الشاهد

ليه لما امرض محد يجي يسأل عني وانا الي اروح واخدم مو بس ازور

ليه لما يصير ان احد يعزم احس نفسي غريبه مع اني لما هم يجون اقدمهم على انهم مو بس اهل الا هم حياتي كلها ما لي غنا عنهم وربي الشاهد ان مو مجامله

ليه لما ناس هم من لحمك ودمك يدرعمون على غرفة نومك واااااااااو جنااااااااااان وش هالترتيب واخر شي داخلين من غير اذن يعني لاحقيني

ليه لما اسوي لهم نفس الحركه احسهم يتوترون احسهم يخيبون ظني فيهم

ليه لما مره وحده ولدي لما كان صغير كب مويه ببيت بعض الناس

جت الاخت اليوم الي بعده وكبت فينتو ومع الضحك قالت وحده بوحده

بالله وش تفسير الي قاعد يصير يا ذوق تراني احيانا ما ودي اروح لاحد بسبت هالاشياء

ليه لما اروح للغرب يستقبلوني احسن استقبال

والناس الي لهم معزه وغلا بالقلب ومن لحمي ودمي

تقعد اشوي وتغيب الف وكأن لهم اشغال و مشاغل اجل ليه ما قلتي ما اقدر استقبلك اليوم

كان شفت روحي و عيالي احسن

اقسم بالله يا ذوق اني ما اعزم احد حاليا الا خوفا من الله عز وجل وابي صلة الرحم

ابي ناس حوالي وعيالي يعرفون هالشي حبي لاهلي يخليهم يحترمون الاهل ويصلون رحمهم

بالنسبه للاعمال الي يوكلونها لي

خلااااااااااااااااااااااااااااااااص

ما عدت اسوي هالشي ابد

ان كان لي مزاج كان بها وان ما كان عندي ما اسوي

وان سويت سويتها لوجه الله ونفس الوقت ما اكلف على عمري

كل واحد له اشغاله وهمومه محنا ناقصين

نقطه مهمه جدا واعاني منها بجد

ليه الناس تتصل رنات مع هم يبون شي مو انا

ليه الي عندها تلفون ثابت مستغله بجميع الاحوال

طيب حطوا لكم وش الفرق يعني

ليه لازم اني اتصل عشان اسمع اخباركم وتسألون عني مع اني ما ابي اسمع اخباركم

وما ابي اسولف وقتها عندي شي يشغلني

وليه عندكم شكواي وتبون حلول من راعية الحلول

ولما انا ضايق صدري فيني هم ما ابي اشتكي لان ادري الشكوه لغير الله مذله

ليه لما ابي اسولف عن اشياء عامه عشان بس تروح مني الضيقه

اتصل على حسابي ولما اتصل اول الردود

احصلها سلبيه انا فيني وانا ابي وزوجي وعيالي وما تدرين وش قالوا لي المستشفى

وبدل ما اسمع شي يونس صدري انتشل نفسي من همي لهمها

واسكر بعد ما قالت كل شي وانا ما قلت لها شي ابد

ليه لما اسكر من عندها احس اني استغلوني وانا بضعفي و زوجي يدفع لمكالمات ما سوت لي شي

سوت للغير هم فضفضوا هم حصلوا على حلول وانا مكانك سر .....

فلانه وش رايك نروح لفلانه تراهي مسويه عزيمه

ما عزمتني يا اختي

لا هي وصتني اعزمك

الظاهر لما وصلت الين عندي خلص رصيدها ما سوت لي غير رنه

تخيلوا عزيمه برنه ان رديت خلاص انعزمت وان ما رديت عليها على حسابي راحت علي العزومه

مو قهر بذمتكم مو قهر الي يصير

ليه الناس كذا ليه يبون ويبون بالنهايه ما يبون هم يضحون ولو بالقليل عشان اسعاد غيرهم

ليه لما تجي لك وحده تشوف عندك احد تقول ليه ما قلتي لي ان احد عندك

بالله وش تبي ذي وش عندك معي انا وش بالنسبه لك

كيس ترمين فيه همومك وان حصلتي عندي احد هذا يعني انك ما تقدرين

تقولين لي اسرارك قدام احد

انا وش ذنبي اني اسمع همومك وتخليني اشيل همك و ما تسألين يا فلانه انتي فيك شي

تبين شي ودك نتكلم بشي معين

عندي وحده بس والله فرق شاسع اللهم لك الحمد والشكر

مثلك يا ذوق

ان تكلمنا تكلمنا عن وش استفدنا من اي كتاب من اي تفسير

هي حاليا تفسر لي سورة الكهف

وانا افسر لها سورة البقرة

كل اسبوع نلتفي

صحيح نضحك ونسولف

لكن ما يخلى هالقعده بالتذكير

عزمتها عزمتني عطيتها عطتني

قدرتها قدرتني

لدرجة انها نفست عندي وقت ما كان زوجي مسافر وهي يتيمه

والله ان احيانا الغريب اقرب الناس والقريب ابعد الناس

وش يسوي الميانه ما غير يهدم الاحترام بأكثر الاحيان

علموني البشر

اني اكون رسميه

اني ارفع ايدي لله اشتكي منهم بدل الدعاء لهم

والله من كثر الظلم

الانسان يسامح يا ذوق لكن في اشياء مالنا طائل نستحمله

القلب وش يتحمل عشان يتحمل

ما في احد خالي من الهموم

الا الانسان الي ما يبالي بما حوله

والله يبعد عنا جمود القلب

لكن ارحمونااااااااااااااااا يا بشر عاملونا بالمعروف

بس تراني ما ضحكت الا على الي تبي طبخه

لان نفس الحركه تحصل لي

بس ابي اعرف السر ؟؟؟ وش هالحركه الحلوه الي متعلمينها

الا بقول وش يعني لما احد يسالك وش اسم عطرك

ولما اعطيها وتسجله بجوالها

اسألها هااا عجبك

لا بس ريحته قويه !!!!!!!!!!!!!!!!!!!!!!


ههههههههههههههه

يا نااااااااااااس ندمت اني عطيتها وجه وقلت لها اسم العطر

ليه لما محتاجه اعرف شي منهم لان عجبني يقولون ما نذكر من وين ماخذينه

هههههههههههه

راجعه لموضوعك يا ذوق اتابعك

كملي ولا تخافين ما بنتحر هههههههههه


واموت على صراحتك تعجبيني وبقوه

جزاك الله خيرا
واسعد الله حياتك دوما بطاعته ورضاه

:44::44:صدق والله كلامك بالصميم
في الفتره الاخيره كل ماجاب زوجي سيرت النقل افرح صراحه خاطري اروح بمكان مايكون فيه قرايب
مرررررره تعبت تخيلي اقل شي ثلاث ايام بالاسبوع لازم اطلع من البيت عشان القرايب
انا والله احب صله الرحم بس احيانا محد يراعي ضروفك لازم اجلس من المغرب لين 10اقل شي
ولاينزعل مني ولاني اتعامل مع ناس لهم فضل علي ماحب اشوفهم زعلانين ولامتضايقين
ولما اطنش اتعب نفسيا بشكل ماتتخيل حتى لما يعاتبوني اتفشل مره واحاول اعوض
هذا اول شي
اما الشي الثاني اكره الاجازات الشله الي معي يحبون التنكيت والمزح انا شخصيتي اقرب للجد
صح احيان انكت واعلق زيهم بس ابدا ماجرح بالكلام
وفي اشياء كثيره مايحتاج اكتبها
لكن السبب الاكبر الي متعبني بنتي نسخه مني كرهت حالي بشكل ماتتخيلين
بعض الاطفال يتاثرو بغيرهم نادر مالقى طفل شخصيته زي امه اولهم انا لما كنت صغيره والا الان مافي اي وجهه شبه بيني وبين امي
امي احسن انسانه بالدنيا وانا عكسها تماما:44:
لكن بنتي كل شي فيها زي كل حركاتها تذكرني بنفسي وانا طفله
قسم بالله حتى طريقه النوم الككلام كل شي
حاولت ابدا اغير فيها شوي بذات انه صغيره 3سنوات لكن ماقدرت وكل ماطلعنا وسوت شي الكل يقول بنتك نسخه منك وانا وقتها نفسي تنشق الارض وتبلعني:icon33:
جالسه احاول ادخلها روضه مدراساتها ممتازات امكن تتاثر فيهم


تقبلي مروري واسفه ع الاطاله
اعذريني:44:

اختي الحبيبه ذوق باسلوبي شكرا لك على ردك لي والسماح لي بمشاركتك راح احاول اوضح لك من كلامي لان انا يمكن لما تكونين امامي استطيع ان افهمك وتفهميني لكن بل كتابة اسئال الله ان تفهميني وذالك لسبب واحد يمكن تكونين انت من يغير حياة الكثيرات منا لانك واحييك على الكتابة الي يبغالها بحث وكتابة وتنسيق في الكلمات رغم انك ام وربة بيت ولك علاقات انا لا استطيع ان اكتب لاني اعتقد من اللذين لازم اكون مع مجموعة فاترك الموضوع لك بدعوات صادقة في مجال الكتابة و***** الله راح تؤلفين كتاب بهذا الموضوع لا تستهيني بكلامي انت راقية وذوق باسلوبك حطي هذا الهدف تاليف كتاب وانظري الينا كلنا لابد ان نفتح موضوعك لكي نقراءه والان سوف اخبرك بشى في نفسي احس انه لابد ان تتوفر فيكي هذه كيف اعبر لك عما يدور بداخلي هناك جزئيه عظيمه لو تعلمتيها اوف راح تكونين تغيرين العالم كله بجمال روحك وثقافتك ما راح تفهمين كلامي الا لما اكتب لك قصتي حتى تبان لك الصورة بشكل اوسع

رب اشرح لي صدري ويسر لي امري واحلل عقدة من لساني كتبت رد لكن طار فعودت اكتب من جديد جلست اكثر من خمسة عشرة سنة وانا افكر في هذه الدنيا الغريبة اني هنا اتحدث عن العلاقات بين البشر في الاسرة الزوجين الابناء اهل الزوج واهل الزوجة والاقارب بشكل خاص والمحيطين بناء بشكل عام عندما افتح كتاب الله اجد رب العالمين يدعونا الى تقوية الروابط الاسرية وحب الخير للناس وكذلك السيرة النبوية كلما قراتها وجدت انه لازم تحب لاخيك ما تحب لنفسك وكنت ارى من خلال الواقع انه ام الزوج والزوجة ابدا ما في حب بينهم والواقع ان اكثر النساء يقولون ذالك ورايت صراع الاقارب مع بعضهم البعض والجيران واحيانن الاسرة الواحدة الواحد ياكل الثاني فكنت اقول لنفسي لا في شي غلط النا س ما هي فاهمته ولا كيف القران كمؤمنة ومسلمة يدعونا لشي احنا ما نقدر نطبقه في الحياة في خلل موجود انا ما ني عارفته واتذكر قبل حوالي سبة سنوات كنت اتا بع برنا مج لدكتور كبير ومشهور والناس تتصل فيه من جميع انحاء العالم هو يتكلم عن القران ومعجزاته المهم كنت احب هذا الشيخ لكنه قال شي صدمني والذي جعلني اتذكر هذا الكلام حتى الان قال لوحدة تسال عن خلاف ام الزوج معاها هو كان يهدئها لكنه قال ان الخلاف بين ام الزوج والزوجة هذا خلاف دائم من القديم حتى الان يعني هكذا الحياة فنصدمت من هذا الكلام وما اقتنعت فيه لا في شي لابد ان نعرفه حتى يعيش البشر بسلام هذا ديني وهذا كتابي يقول ذالك ومرت الايام وانا اشاهد اكثر البرامج الدينية برنامج لدكتور سعودي اول مرة اسمع كلام جميل عن العلاقات وكيف ان الناس راح تعيش بسلام لو طبقوا بعض المبادءئ وفرحت كثيرا بهذا البرنامج وكان ياتي في باكستان الساعة الثانية ليلا لكني كنت اجلس وحيدة انتظره وبعدين عرفت من الدكتور انه يتحدث من كتاب لكاتب امريكي والقصص الي يقولها من الكتاب وبعدين وجدت او عرفت السر ان اكثر اللذين قرائو الكتاب وطبقوه ناس مرتا حة من الداخل ونا جحة في علاقاتها مع الناس والدكتور طارق السويدان اكثر كلامه عن الكاتب الامريكي هذا ولاني ما اعرف الا عربي وبلادي ما فيها كتب عربية قررت اسافر لسعودية التي هي موطني الذي تربية فيه واهلي هناك وذهبت لمكتبة جرير واشتريت هذا الكتاب الذي كان نقطة تحول في حياتي عرفت ان القران حق وان محمد حق ارتحت كثيرا انا احب هذا الكاتب واكثر كتبه عندي وادعو الله ان يجعله يسلم لانه علمني كيف اعيش بسلام ولان قراني يدعوني ان اعيش بسلام هذه قصتي اختي ذوق باسلوبي لابد ان تطلعي وتقرائي هذا الكتاب في اشياء تحتاجين ان تتعمقين فيها اكثر وهذا الكتاب يدرس في الجامعات الامريكية والان سوف اعود واقراء ما كتبتيه اليوم وكم انت رائعه واني استفيد منكي وبدات احفظ القران لانك اعطيتيني الهمة اسم الكتاب لستيفن كوفي العادات السبع للناس اكثر فعالية