السلام عليكم
يااااه ياذوق كلامك أثر فيني عندي شي كثير أبغى أقوله لكن فكري ملخبط وجهازي خربان أكتب من الجوال
أحس بعجز وضعف سامحيني أدري بتقولين سلبيه لكن ما أدري بالضبط كيف أتصرف كيف أبدأ كيف أسيطر على تصرفاتي الخطأ
أقولك إذا صلح جهازي يمكن أكتب كل مافي خاطري يمكن

ذوق تراني كل يوم افتح صفحه جديده صار عندي مو دفتر الا ملف قولي ديوان

هههههههههه

بالنسبه لي يالغاليه مكتفيه بعالمي الخاص حاليا مشغوله بالبيت والعيال وزوجي الحمدلله رب العالمين

الله لا يحرمني منهم ولا يحرمك ولا يحرم اي وحده راعية بيت او يحرم الي عندها اهل ربي يدفع عنا وعنهم البلاء يا رب

ايه والله بس ادخل البيت انشغل و عادي ولا كأني زرت وسمعت وصار وما صار

اقول بالطقاق اهم شي مزاجي بالبيت ما يتعكر وعلى قولتك فعلا كلامك صحيح

انا اهم شي بالبيت انا الي اسوي كنترول بمزاجية عيالي وزوجي فلازم اكون دائما مرتاحه نفسيا

بالنسبه ان مجرد احساس ان احس نفسي غريبه

لا والله مو احساس الا المعامله يا اختي

شفتي لما تروحي بيت ناس تفلينها معها نفس ما تفلها معك

يعني بعطيك مثال

تفتح الثلاجه افتح ثلاجتها

اطلب كوفي وهي كمان تطلب كوفي

يعني تدرين ما في احراج

اقول لها وش اسوي لك تقعد تتأمر ابي كذا وابي هالحلا

والله افرح لانها تعاملني بالمثل

هذا مثال بسيط ولا السالفه تراهي مو اكل وشرب بس احترام تقدير

حب معزه وغلا

اما هذول الي اقول لك اني احس نفسي غريبه

لا جيت سويت نفسها ودخلت المطبخ

جت ركض وراي

وش تبين اقول لها شاي مثلا ابي اسوي لي شاي

تقول طيب روحي الصاله ابجيب لك شاي

والله ادري انها نظيفه يعني ما كانت خايفه اني اشوف شي بالمطبخ

بس في ناس ما يبونك اساسا تشوفين شي ببيوتهم

بس هم العكس تماما

يحبون يفتشون ويسألون ويعرفون كل شي

المصيبه يا ذوق

ان فلانه مهي جارتي

مهي صديقتي

غصبا علي لازم اروح لها مرات ومرات وطول الحياه

صلة رحم ومن قلب بعد

حتى عيالي ما يرتاحون هناك بس لما هم يجون يفلونها عيالي مع عيالها

ووناسه ..

احاول قدر الامكان اقول لهم احترمو الناس لانهم اهلكم صار وله ما صار اهم شي صلة الرحم

لكن سبحان الله ..

متى هالطبع يزول من هالناس

عندنا مثل يقول بيت الغرب يسمونه بيت المال

يعني سوي الي ما بدالك دام مو بيتك اكلي وشربي وكبي وتأمري

لكن بيتهم هم .. يا كافي بس حتى المويه ما تجيبها لك الا لما تطلبين والله اخاف

اتحرك من مكاني لا تحسب اني ابسوي نفسها هههههههه

يعني الدعوه كلها مو احساس وبس الا صدق

وبالنسبه للعطر هههههههه تراني عرفت وش تقصد وهي طايره ليه اسألها

دام قرفتني بجوابها الاول ما يحتاج اطولها معها لا تفخفخ بروحها زياده

بس حسستها اني ما صدقتها اساسا انا ذوقي مو شي قوي ولا ثقيل

احب الخفه هههههههههه والذوق الراقي وجت على فكره سألتني

من وين تراني دورت ولا حصلت لانه عطر مره قديم بس معروف

لكن ما يتحصل بكل مكان واحيانا اسوي منه اوردر وان حصلته اجيبه اكثر من واحد لان ادري

بتعب الين ما احصله

قلت لها ادري من وين بس ماني قايله

قالت الله وأكبر كل السالفه عطر

قلت لها ما احب اكذب عشان كذا انا صريحه ليه اخذ ذنب

تفشلت ومن يومها ما تسالني عن شي

ذوووووووووووق كملي تراني متحمسه لموضوعك

طحاويه نورتى واياكى ياقمر

شذا ياشذا انتى بالذات راسلينى على الخاص لى كلام عميق معك من زمان من موضوعى الاول قبل الاجازه
وانا ابيك على الخاص ابي اتفاهم معك واشد شعرك هههههه انتظر جهازك يتصلح يعنى تعبت وفتحت الموضوع لعيونك وعيون البنات واخرتها تقولين يمكن خخخخخ بذبحك دافعه فلوس للموضوع ههههه وانا مااحكم عليك بالسلبيه بس كل شىء ينحل مافي شىء ماله حل

رؤيا افرح لمن اشوف ردك احسك انا >> انا مثلك مكتفيه بعايلتى حاليا وصداقات من النت بس وامين يارب
طيب اسمعى ليش ماتطبقين التمس لاخيك سبعين عذرا هههه >>> بتصفقنى يعنى انا عاملتها باللى ابيهم يعاملونى به صح لاجيت بيتها وعاملتنى غير احتسب الاجر وماادقق اجلس بمحلى والتمس لها عذر اقول يمكن بيتها حايس يمكن ماتحب احد يفتش يمكن ويمكن انا مثلك يجوون بيتى ويدورونه غرفه غرفه مقربين مرره وانتى لاجيتيهم محلك بغرفه وحده وانا طبعى هادئه مااحب اتحرك ومو بسهوله امون على احد >> عزيزه نفس مااحب ادقق انتى خليكى مثلهم مثل مايسووون او خذى الاجر واحتسبيه وفي كلا الحالتين انتى الربحانه وشفتى لمن تفشليها بادب كيف هههههه واكمل الصبح بدري ان شاء الله لانى مرره انشغلت اليوم

ذوووق ياام الذوق انتي روحي ياشيخه الله يسكنك اعلى مراتب الجنه ويخليك لعين تغليك كلامك درر
وتصدقين فيه كثير مني لكن باذن الله احاول اعدل من وضعي يعني لو الوحده تطلب مني غرض على طول اعطيها ولو كنت محتاجه بدافع الخجل واني ماقدر اردها واحيانا اعطيها ولا اطلبه لو يجلس عندها اسبوع واكثر ماقدر اطلبه اخاف تقول عني بخيله وانا اكون محتاجه البعض ماهمها الا تخلص امورها وعادي الوحده عنها مانجزت لكن من الان بقول استوب والزم ماعلي نفسي وراح اساعد الي يطلبني ويحتاجني لكن مو على حسابي :39: وفقك الله واكملي نحن بانتظار جواهرك الثمينه0000

ذوق سؤال يطرح نفسة انتي كيف مقسمة دفترك وايش تكتبي فيه

والله صرت اميل اني اسوي مجلدات على جهازي

على اني مقهورة مشترية دفتر قد ايش كبره والله مليت كتابة

نرجع لاخر نقطة تكلمتي فيها


انا اكره حاجة لما تجيني وحدة وتقولي حطي هذي الطربيزة هنا ولعي اللمبات الصفرا احلا شيلي هالغرض وحطيه مكان تاني


ولما بس اقوم ابخدمها تجري ورااايا


والله هي من قرباتي وانا احبها بس مااحب تستضعفني وتتحكم فيا

خلاص انا حرى ببيتي وانا بطبعي مااحب احد يدور ويقتش ببيتي الا اذا قولتلها تعالي شوفي


شي تاني


انا من رمضان اللي فات تعلمت حاجة

بلاشي نكلف على انفسنا في الضيافة

اذكر لما بس مرة وحدة جوني ضيوف والله قمت من الظهر اسوي 3 اصناف حلا ومعجنات اشكال وانواااع


والله حسيت بالمرض والتعب

شوفوا ايش قررت لو جاتني ضيقة الله يخلي الشوكلا مع القهوة والمنفوش مع الشاي والا سمبوسة مفرزنه او اي شي جاهز

وكرفي وتعبي وتفنني للاكل بخليه لزوجي واهلي وولدي


ماحصلنا منهم خير


وعجبي على كل وحدة تسمح لزوجها يجيب اصحاب بشكل مستمر وان كان لابد فماله داعي الفشخرة ومد السفرة من الى

احنا الحريم مساكين نتعب انفسنا عشان الناس تمدحنا الوحدة

اهم حاجة تسوي اي شي عشان نفسها

ولاتحملها فوق طاقتها


ولاتجي وحدة وخاصة بقسم الطبخ تشتكي من كثرة اللاواني اللي بتنظفها

وللاسف كثير من الرجال لو عودته حرمته على حاجى والله ماراح يرحمها


وانا اعرف وحدة عبرى تقولي كان زوجي كل يوم يجيب اصحابه ودحين والله خروج مايخرجها ولا يمشيها همه بس اصحابه

انتبهوا اخواتي


اهم شي دينك ونفسك وصحتك


وثانكس للجميع