قررت اغير من سلوكي بس كيف

تصدقين ياختي انه مثلج
ابي ماهتم بشي من الدنيا لان الدنيا ماتسوى بس على ماعتقد هاي الشي مايسوونه العيادات ولا المراكز يمكن ها الشي انتي لازم تغرسينه بداخلج بس هي صعبه شوي

مشكورة اختي دنيا ملونة على ردك
ومثل ما قلتي ها الشيء لازم انا اغرسه بنفسي بس انا محتاجه احد يوقف معي يساندني يعني اذا مريت بموقف يضايقني ابي اكون غير مهتمه ابي احد يوجهني ويقول لي لا يهمك الامر ما يستاهل خليك انتي الافضل
انا دايما كنت اقول هالكلام حق نفسي بس الحين ماعاد اقدر اتحمل ابي يكون معي احد يوجهني

لا ليش يا خواتي ، بالعكس انتو ما فيكم شيء ، بس ادري انه مب الدنيا الناس اللي في هالدنيا اتخلي الواحد فيني نصف عاقل ونصف مجنون ، بس انا اقولكم لا عيادات نفسيه ولا شيء ، ابدأي خطوه خطوه في نفسج يالغاليه كل شيء يذكرج بماضي مؤلم يظايقج اتخلصي منه كل شيء يذكرج في شيء يحسسج بالظيق اتخلصي منه مهما كان غالي عليج ، ثاني شيء حاولي انج اتكونين لو بنسبه بسيطه متفائله في الناس الباقيه لانه مجرد التفاؤل يجدد نفسيتج وترتاحين ، ثالث شيء اشغلي عمرج بأي شيء لا تخلين الفراغ يسيطر عليج ابدا لانه نصف الحالات النفسية سببها الفراغ واللي نتيجته دمار ، واخيرا حاولي انج تتوكلين على الله وكل مشكله اتصادفج خلج قريبه من ربج ادعيه شوفي اشلون نفسيتج بتتجدد وكثري من الاذكار وقرات القرآن والله انه ينشرح صدرج وتنسين الناس بما فيها نفسج تنسينها ، واقولج نصيحه مني لا تحبسين دموعج مهما كان صيحي كثر ما تقدرين بس لا تنسين دعوتج لربج صدقيني بتنفرج كل همومج ونفسيتج بتتجدد ، وانشالله ربي يفرج همج واكون اضفت شيء يهدي من نفسيتج يارب ...

السلام عليكم و رحمة الله و بركاته
اخواتي في الله الغاليات انتن لستن في حاجة الى عيادة نفسية بل بالعكس احساسكن بان الدنيا
زيف و فناء هذا ان دل على شيئ انما يدل على طيبوبتكن و حسن نيتكن .يجب الرجوع الى
البارئ الى الله رب العالمين ارحم الراحمين.احفظ الله يحفظك احفظ الله تجده تجاهك.عليكن بالتحلي بالصبر و الدعاء المستمر و المداومة على الصلاة فهي فيها شفاء لنفس و قراءة القرآن فيه شفاء من كل داء .هذا المجال فيه كلام طويل لكن اكتفي بهذا القدر و ارجو ان اكون
قد افدتكن و ارحتكن شيئا ما. سبحانك اللهم بحمدك استغفرك و اتوب اليك :27:

هناك دورات مفيده وحلوه ادخلوها